Vinsamlegast athugið að þetta efni er eldra en 7 ára.
Ísland og Noregur nota minnst af sýklalyfjum í dýraeldi
Mynd / Heimild: Hagstofa Íslands
Fréttir 22. október 2015

Ísland og Noregur nota minnst af sýklalyfjum í dýraeldi

Höfundur: Tjörvi Bjarnason
Ný skýrsla frá Lyfjastofnun Evrópu (EMA) sýnir að sýklalyfjanotkun í evrópskum landbúnaði er komin fram úr öllu hófi. Þrátt fyrir að bannað sé að nota sýklalyf sem vaxtarhvetjandi meðul í landbúnaði í Evrópu er ljóst að ekki er farið eftir settum reglum. Sýklalyfjaónæmi hjá mönnum og dýrum er vaxandi vandamál á heimsvísu þar sem sýklalyf bíta ekki lengur á ónæmar bakteríur. 
 
Noregur og Ísland eru þær þjóðir sem koma best út úr öllum samanburði í þessum efnum með sáralitla notkun sýklalyfja í landbúnaði. Ríki eins og Spánn, Ítalía, Ungverjaland, Portúgal og Þýskaland koma illa út. Á Spáni er notkun sýklalyfja sextíuföld miðað við það sem hér gerist. 
 
Sú þjóð sem selur Íslendingum mest af kjöti, Þýskaland, notar þrjátíu og fjórum sinnum meira af sýklalyfjum í dýraeldi en Ísland. Rúmur helmingur alls kjöts sem fluttur er til Íslands kom frá Þýskalandi á síðasta ári. Á eftir kemur Danmörk með 22,1% markaðshlutdeild og Spánn er í þriðja sæti með 8,5% af heildarinnflutningi. 
 
Góðu fréttirnar við nýja skýrslu EMA eru þær að sýklalyfjanotkun hefur minnkað hjá flestum þjóðum í Evrópu á síðustu árum. 
 
Vill að fylgst verði með ónæmum sýklum í innfluttum matvælum
 
Sala sýklalyfja til dýraeldis í Evrópu er afar misjöfn.    
Heimild: Lyfjastofnun Evrópu
Kristján Þór Júlíusson heilbrigðis­ráðherra sendi svar við fyrirspurn Haraldar Benediktssonar þingmanns um bakteríusýkingar í byrjun vikunnar. Um ávinning af því að vinna að fækkun ýmissa sýkinga eins og kampýlóbakter, salmonella, E.Coli og mósa svaraði ráðherra því til að hann væri mikill. Baráttan snerist um að reyna eins og mögulegt er að stemma stigu við útbreiðslu þessara baktería. Ráðherra sagði ýmsar aðgerðir líklegar til að skila árangri, t.d. að stuðla að skynsamlegri notkun sýklalyfja hjá mönnum og í dýraeldi. Halda ætti áfram að takmarka notkun sýklalyfja hjá dýrum og fylgjast grannt með sýklalyfjaónæmum sýklum í matvælaframleiðslu hér á landi og bregðast við með viðeigandi hætti komi slíkt upp. Þá leggur Kristján Þór til að gefnar verði út leiðbeiningar um hvernig staðið skuli að skimun ónæmra baktería hjá einstaklingum sem starfa í matvælaframleiðslu og jafnframt verði fylgst með ónæmum sýklum í innfluttum matvælum.
 
Sjá nánar á blaðsíðum 26 og 27 í nýju Bændablaði, en pdf-útgáfu þess má nálgast hér.
 
Fé fækkað um 3.500 á undanförnum árum
Fréttir 21. september 2023

Fé fækkað um 3.500 á undanförnum árum

Laugardaginn 2. september var réttað í Ljárskógarétt í Dölum, rétt norðan Búðard...

Landbúnaður í fjárlögum  ársins 2024
Fréttir 21. september 2023

Landbúnaður í fjárlögum ársins 2024

Í síðustu viku kynnti Bjarni Benediktsson fjármálaráðherra fjárlagafrumvarp sitt...

Garðyrkjubændur í áfalli
Fréttir 21. september 2023

Garðyrkjubændur í áfalli

Einu landbúnaðartengdu verk­efnin í fjárlögum ríkisins fyrir árið 2024 sem fá au...

Varnarlínur breytast
Fréttir 21. september 2023

Varnarlínur breytast

Með nýjum tólum er líklegt að áherslan á varnarlínur og niðurskurð minnki í bará...

Alls staðar fækkun sláturlamba
Fréttir 21. september 2023

Alls staðar fækkun sláturlamba

Sláturtíð er komin á fullt og kemur fé vænt af fjalli. Eins og er starfa öll slá...

Nýr landnemi úr svepparíkinu
Fréttir 20. september 2023

Nýr landnemi úr svepparíkinu

Sveppur af ættkvíslinni Rhizopogon fannst nýlega á Íslandi en hann hefur ekki ve...

Verður versluninni á Hellu lokað?
Fréttir 19. september 2023

Verður versluninni á Hellu lokað?

Óvissa er um framtíð einu matvöruverslunarinnar á Hellu.

Í sameiningar­hugleiðingum
Fréttir 18. september 2023

Í sameiningar­hugleiðingum

Forsvarsmenn Árneshrepps vilja nú skoða mögulega sameiningu við önnur sveitarfél...