Vinsamlegast athugið að þetta efni er eldra en 3 ára.
Jarðhiti við Mývatn.
Jarðhiti við Mývatn.
Mynd / HKr.
Fréttir 16. janúar 2018

Íbúum í Skútustaðahreppi fjölgað um 32% á fjórum árum

Höfundur: Margrét Þóra Þórsdóttir
Íbúum í Skútustaðahreppi hefur frá árinu 2013, eða undanfarin fjögur ár, fjölgað úr 370 í 490, eða um 120 manns, sem er hvorki meira né minna en 32%. Ekki er ólíklegt að um eins konar Íslandsmet í fólksfjölgun sé að ræða.
 
Þorsteinn Gunnarsson, sveitar­stjóri í Skútu­staðahreppi, gerir fólksfjölgun að umtalsefni í pistli sem hann skrifar á heimasíðu hreppsins. Þar nefnir hann að á einu ári hafi íbúum fjölgað um 16%, úr 425 árið 2016 í 493 nú í lok árs 2017. Um 120 manns hafa annað ríkisfang en íslenskt, eða um 24%. Fólksfjölgunin endurspeglast m.a. í mikilli aukningu leikskólabarna undanfarin misseri en ungt fjölskyldufólk er í nokkrum mæli að snúa til baka í heimahagana.
 
Sveiflast upp og niður
 
Íbúafjöldi í Skútustaðahreppi hefur sveiflast nokkuð í gegnum tíðina. Samkvæmt tölum Hagstofu Íslands voru þeir fæstir 276 talsins árið 1910 en flestir árið 1980, eða 547, sem var í miðjum Kröflueldum. Þetta var á árum Kísiliðjunnar og hélst fólksfjöldinn yfir 500 allt til ársins 1994 en þá fór hann niður í 497 íbúa. Eftir það fækkaði íbúum smátt og smátt. Kísiliðjunni var lokað í nóvember 2004 en þá voru íbúar 442. Í kjölfarið fór að halla verulega undan fæti og fór fólksfjöldinn niður í 370 árið 2013. Þróunin hafi því til allrar hamingju snúist við. 
 
Ferðaþjónusta heilsárs atvinnugrein
 
Íbúafjölgunina undanfarin ár segir sveitarstjóri að megi án nokkurs vafa fyrst og fremst rekja til uppgangs ferðaþjónustunnar og að hún er orðin að heilsárs atvinnugrein í meira mæli en áður. Tvö stór hótel hafa verið byggð í Skútustaðahreppi og stofnuð afþreyingarfyrirtæki í ferðaþjónustu sem þarfnast meiri mannafla. Þá hafi Jarðböðin brugðist við aukinni eftirspurn á fasteignamarkaði með því að byggja sjö íbúðir í tveimur raðhúsum í Klappahrauni. 
 
Sveitarfélagið vinnur nú að gerð húsnæðisáætlunar til næstu 10 ára til að reyna að kortleggja eftirspurnina. Afrakstur þeirrar vinnu mun liggja fyrir á næstu vikum. Þessi mikla fólksfjölgun þrýstir á innviði sveitarfélagsins, sérstaklega á leikskólann þar sem mikil aukning hefur verið undanfarin misseri. Þorsteinn segir það fyrst og fremst jákvæða áskorun að takast á við og segir sveitarfélagið hafa brugðist við með talsverðum breytingum á leikskólanum undanfarin misseri. 

Skylt efni: Skútustaðahreppur

Stjórnarsáttmáli nýrrar ríkisstjórnar: tryggja á fæðuöryggi á Íslandi
Fréttir 29. nóvember 2021

Stjórnarsáttmáli nýrrar ríkisstjórnar: tryggja á fæðuöryggi á Íslandi

Stjórnarsáttmáli nýrrar ríkisstjórnar Framsóknarflokks, Sjálfsstæðisflokks og Vi...

Ný hitaveita Hornafjarðar formlega tekin í notkun
Fréttir 29. nóvember 2021

Ný hitaveita Hornafjarðar formlega tekin í notkun

Hitaveita Hornafjarðar var tekin formlega í notkun fimmtudaginn 21. október en l...

Vinstri grænir stýra ráðuneyti matvæla, sjávarútvegs og landbúnaðar
Fréttir 27. nóvember 2021

Vinstri grænir stýra ráðuneyti matvæla, sjávarútvegs og landbúnaðar

Samkvæmt heimildum Bændablaðsins mun þingmaður Vinstri grænna vera með ráðuneyti...

Bitbein um áburðarnotkun
Fréttir 26. nóvember 2021

Bitbein um áburðarnotkun

Lífrænir bændur í Danmörku geta nýtt sér húsdýraáburð frá ólífrænum búum í meira...

Nær 36 milljónir íbúa ESB geta ekki kynt heimili sín sómasamlega
Fréttir 26. nóvember 2021

Nær 36 milljónir íbúa ESB geta ekki kynt heimili sín sómasamlega

Í síðasta Bændablaði var greint frá því að samkvæmt könnun sem kynnt var af Euro...

Kolefnissporið kortlagt
Fréttir 26. nóvember 2021

Kolefnissporið kortlagt

Skútustaðahreppur hefur samið við nýsköpunarfyrirtækið Greenfo um að kortleggja ...

Flestir bílaframleiðendur veðja á efnarafala fremur en rafhlöður í þung ökutæki
Fréttir 25. nóvember 2021

Flestir bílaframleiðendur veðja á efnarafala fremur en rafhlöður í þung ökutæki

Vetnisvæðing, sem nú er rekin áfram af mikilli ákefð hjá öllum stærstu iðnríkjum...

Rekstur vindorkugarða sagður brjóta á mannréttindum Sama
Fréttir 25. nóvember 2021

Rekstur vindorkugarða sagður brjóta á mannréttindum Sama

Norðmenn hafa upplifað spreng­ingu í uppsetningu vindorkustöðva á undanförnum ár...