Vinsamlegast athugið að þetta efni er eldra en mánaðar gamalt.
Steinn Björnsson bóndi á Þernunesi tók við viðurkenningunni fyrir Gullmola. Eyþór Einarsson, Steinn Björnsson, Anton Torfi Bergsson frá sæðingastöðvunum, Sigurborg Hanna Sigurðardóttir frá fagráði í sauðfjárrækt.
Steinn Björnsson bóndi á Þernunesi tók við viðurkenningunni fyrir Gullmola. Eyþór Einarsson, Steinn Björnsson, Anton Torfi Bergsson frá sæðingastöðvunum, Sigurborg Hanna Sigurðardóttir frá fagráði í sauðfjárrækt.
Mynd / LbhÍ
Fréttir 15. apríl 2024

Hrútaverðlaun fyrir Gullmola og Blossa

Höfundur: Sigurður Már Harðarson

Á fagfundi sauðfjárræktarinnar sem haldinn var í Ásgarði Landbúnaðarháskóla Íslands á Hvanneyri 21. mars voru hrútaverðlaun sæðingastöðvanna veitt.

Árni Bragason og Tómas Jensson, bóndi á Teigi 1.

Besti lambafaðirinn er Gullmoli frá Þernunesi í Reyðarfirði og Blossi frá Teigi 1 í Fljótshlíð var útnefndur mesti kynbótahrúturinn.

Eyþór Einarsson, ráðunautur hjá Ráðgjafarmiðstöð landbúnaðarins, kynnti hrútaverðlaunin og sagði verðlaunin þau æðstu í sauðfjárræktinni.

Gullmoli frá Þernunesi

Hann kynnti síðan valið á besta lambaföðurnum sem væri sá sæðingastöðvahrútur sem átti besta lambahópinn síðasta haust. Í rökstuðningi fyrir valinu kom fram að Gullmoli hefði fengið óvæntan farmiða inn á sæðingastöð síðasta haust, þar sem fram að því hafi ekki verið heimilt að taka hrúta frá Þernunesi á stöð yfir varnarlínur.

Í kjölfar fundar á ARR­ genasamsætunni á Þernunesi breyttist sú staða, bærinn varð fljótlega eitt þekktasta sauðfjárbú landsins. Ljóst var að erfðaefninu yrði að koma í dreifingu burtséð frá því hvort hrútar þaðan stæðust kröfur um almenna ræktunareiginleika. Árið 2022 var Gullmoli valinn ásamt þeim feðgum Gimsteini og Hornsteini til að vera fyrstu sæðingahrútar sögunnar sem hefðu það hlutverk að dreifa ARR­ genasamsætunni. „Þá varð strax ljóst að það væri ekkert neyðarbrauð að bjóða þessa hrúta fram á stöðvunum. Svo heppilega vill til að á Þernunesi hefur lengi verið stunduð öflug sauðfjárrækt. Hjörðin hefur markvisst verið kynbætt og eins og sjá má á ættum Gullmola hefur erfðaefni mikið verið sótt í Strandafé og Reykhólasveitina í gegnum kaupafé og sæðingastöðvahrúta,“ sagði Eyþór.

Undan Gullmola voru stigaðir rúmlega 190 lambhrútar. Gullmoli ásamt Glæsi frá Litlu­Ávík áttu hæst stiguðu afkvæmahópana, en synir þeirra fengu að jafnaði 85,8 stig

Blossi frá Teigi 1

Árni Bragason, ráðunautur RML, kynnti útnefningu á mesta kynbótahrútnum. Í máli hans kom fram að á bak við Blossa stæðu sterkir stofnar. Hann var valinn inn á sæðingarstöð árið 2020 og réði þar mestu hversu öflugur ærfaðir hann hefur reynst heima í Teigi. Hann hafi síðan reynst prýðilegur lambafaðir á sínu heimabúi.

Árni sagði að hann hafi einungis nýst eitt ár í þjónustu sæðingastöðvar þar sem honum entist ekki ævi fram að næstu fengitíð þar á eftir, en alls voru sæddar með honum rúmlega 1.100 ær.

„Afkvæmi Blossa voru að jafnaði mjög þroskamikil og átti hann þann lambhrútahóp sem var þyngstur á fæti af sonum stöðvahrútanna árið 2021,“ sagði meðal annars í rökstuðningi fyrir valinu á Blossa.

Aspir og wasabi ræktuð samhliða
Fréttir 24. maí 2024

Aspir og wasabi ræktuð samhliða

Nordic Wasabi er um þessar mundir að setja á innanlandsmarkað frostþurrkað wasab...

„Bjart fram undan og afurðaverð á uppleið“
Fréttir 24. maí 2024

„Bjart fram undan og afurðaverð á uppleið“

Jóhannes Geir Gunnarsson, bóndi á Efri-Fitjum í Vestur-Húnavatnssýslu, er bjarts...

Fóðra mjölorma til fóður- og matvælaframleiðslu
Fréttir 24. maí 2024

Fóðra mjölorma til fóður- og matvælaframleiðslu

Í samstarfsverkefni Matís og Landbúnaðarháskóla Íslands (LbhÍ) er unnið að því a...

Samdráttur samfélags
Fréttir 23. maí 2024

Samdráttur samfélags

Póstþjónusta landsmanna hefur verið hitamál svo lengi sem menn muna og ekki síst...

Fleiri kostir, meiri sveigjanleiki og bætt nýtni það sem koma skal
Fréttir 22. maí 2024

Fleiri kostir, meiri sveigjanleiki og bætt nýtni það sem koma skal

Út er komin skýrslan Bætt orkunýtni og ný tækifæri til orkuöflunar. Hún hefur að...

Bændur ársins í Norður-Þingeyjarsýslu
Fréttir 22. maí 2024

Bændur ársins í Norður-Þingeyjarsýslu

Ábúendurnir í Hafrafellstungu í Öxarfirði fengu nafnbótina Bændur ársins 2023 í ...

Mikilvægt að bæta merkingar fyrir neytendur
Fréttir 22. maí 2024

Mikilvægt að bæta merkingar fyrir neytendur

Herdís Magna Gunnarsdóttir, nautgripabóndi á Egilsstöðum og stjórnarmaður í Bænd...

Verður milliliður milli ræktenda og kornstöðva
Fréttir 22. maí 2024

Verður milliliður milli ræktenda og kornstöðva

Starfsemi Kornræktarfélags Suðurlands var endurvakin á fundi kornbænda í Gunnars...