Vinsamlegast athugið að þetta efni er eldra en 7 ára.
Magnús Benediktsson afhenti Hólmfríði Halldórsdóttur ávísun upp á kr. 2.119.000 að viðstöddum fulltrúum Hrossaræktar ehf. og fræðslunefndar fatlaðra hjá Herði, auk þátttakenda frá M.S. félaginu sem stunda reiðþjálfunina.
Magnús Benediktsson afhenti Hólmfríði Halldórsdóttur ávísun upp á kr. 2.119.000 að viðstöddum fulltrúum Hrossaræktar ehf. og fræðslunefndar fatlaðra hjá Herði, auk þátttakenda frá M.S. félaginu sem stunda reiðþjálfunina.
Fréttir 21. nóvember 2014

Hrossarækt ehf. styrkir fatlaða

Hrossarækt ehf. afhenti í gær, 20. nóvember, ríflega tveggja miljóna króna styrk til góðgerðarmála. Er þetta í fjórða sinn sem fyrirtækið afhendir slíkan styrk, en styrkupphæðin er afrakstur stóðhestahappdrættis og uppboðs á folatollum og listaverki, sem fram fóru í tengslum við Stóðhestaveisluna svokölluðu sl. vetur. Í ár fór styrkurinn til fræðslunefndar fatlaðra hjá hestamannafélaginu Herði í Mosfellsbæ, þar sem boðið er upp á reiðþjálfun fyrir fatlaða á öllum aldri. Starfsemin í Herði er rekin á sjálfboðaliðastarfi að stórum hluta og kemur styrkurinn sér vel enda þarf töluverðan búnað, hestakost og aðstöðu, auk starfsfólks, til verkefnisins. Hrossarækt ehf. hefur áður styrkt Styrktarfélag krabbameinssjúkra barna, LAUF félag flogaveikra og Duchenne samtökin á Íslandi. Magnús Benediktsson framkvæmdastjóri Hrossaræktar ehf. afhenti styrkinn sem að þessu sinni var kr. 2.119.000.

Ánægjuleg samstaða

Við afhendinguna sagði Hulda G. Geirsdóttir fjölmiðlafulltrúi Hrossaræktar ehf. að gaman væri að sjá að hestamenn gætu staðið saman um að gera góða hluti og þakkaði hrossaræktendum sem gáfu folatolla í happdrætti og uppboð, listakonunni Helmu sem gaf málverk, fyrirtækjunum Spónn.is og Hringdu fyrir sitt framlag og ekki síst öllum þeim hestamönnum sem keyptu tolla á uppboði eða happdrættismiða og lögðu þannig sitt af mörkum. „Það er ekki sjálfgefið að fá verðmæti eins og þessi, folatolla undir marga bestu stóðhesta landsins og yngri vonarstjörnur. Við erum afskaplega stolt og glöð yfir því að geta styrkt þetta frábæra starf í Herði, sem hefur gefið góða raun og borið mikinn árangur. Hesturinn okkar er fjölhæfur og nýtist í ótalmargt, hann gefur mikið af sér og bætir bæði andlega og líkamlega heilsu þeirra sem hann umgangast. Við vitum að styrkurinn kemur að góðum notum og verður aðstandendum starfsins vonandi hvatning til áframhaldandi góðra verka,” sagði Hulda. Reiðþjálfun fatlaðra er opin öllum sem áhuga hafa og er hægt að finna upplýsingar um starfið á Facebook síðunni “Fræðslunefnd fatlaðra Hestamannafélagið Hörður” eða á vefsíðu Harðar www.hordur.is Um þessar mundir eru 28 nemendur á sex námskeiðum, fólk með mismunandi þarfir og á ýmsum aldri og er leitast við að koma til móts við alla. Þjálfunin fer fram bæði innan- og utandyra og fylgir fjöldi aðstoðarmanna þátttakendum. Þegar afhending styrksins fór fram voru nokkrir nemendur á vegum M.S. félagsins nýkomnir úr reiðtúr og létu þeir sérstaklega vel af starfinu sem þeir sögðu bæði skemmtilegt og góða þjálfun. Þeir sem vilja leggja verkefninu lið geta lagt inn á eftirfarandi reikning: 0549-26-2600 Kt. 650169-4259.

John Deere 7R 350 autoPowr er dráttarvél ársins 2022
Fréttir 24. janúar 2022

John Deere 7R 350 autoPowr er dráttarvél ársins 2022

John Deere 7R 350 AutoPowr er dráttarvél ársins 2022 í opnum flokki að mati evró...

KFC fékk mest úthlutað
Fréttir 24. janúar 2022

KFC fékk mest úthlutað

Atvinnuvega- og nýsköpunar­ráðuneytið hefur birt niðurstöðu úthlutunar á tollkvó...

Kostnaður við að fjölga neyðarstöðvum í Vaðlaheiðargöngum yfir 10 milljónir króna
Fréttir 24. janúar 2022

Kostnaður við að fjölga neyðarstöðvum í Vaðlaheiðargöngum yfir 10 milljónir króna

Kostnaður við að setja upp nýjar neyðarstöðvar í Vaðlaheiða­r­göng­um nemur 10 t...

Markmið um að 12 mánaða börn fái leikskólapláss í Sveitarfélaginu Skagafirði
Fréttir 21. janúar 2022

Markmið um að 12 mánaða börn fái leikskólapláss í Sveitarfélaginu Skagafirði

Sveitarfélagið Skagafjörður hefur um nokkurt skeið unnið að því að koma til móts...

Gat á sjókví í Reyðarfirði
Fréttir 21. janúar 2022

Gat á sjókví í Reyðarfirði

Matvælastofnun barst tilkynning frá Löxum Fiskeldi fimmtudaginn 20. janúar um ga...

Skoða alla möguleika til að mæta mikilli eftirspurn eftir lóðum
Fréttir 20. janúar 2022

Skoða alla möguleika til að mæta mikilli eftirspurn eftir lóðum

„Við erum hvergi nærri hætt með okkar uppbyggingu, en stefnan er að íbúar í svei...

„Fyrir okkur öll“ er nýtt slagorð Rangárþings ytra
Fréttir 19. janúar 2022

„Fyrir okkur öll“ er nýtt slagorð Rangárþings ytra

Rangárþing ytra efndi nýlega til slagorðakeppnis um slagorð fyrir sveitarfélagið...

Mikilvægt skref í uppbyggingu Akureyrarflugvallar
Fréttir 19. janúar 2022

Mikilvægt skref í uppbyggingu Akureyrarflugvallar

Samningur um smíði á 1.100 fermetra viðbyggingu við Flug­stöðina á Akureyri var ...