Vinsamlegast athugið að þetta efni er eldra en 4 ára.
Þorgrímur Einar Guðbjartsson, bóndi og mjólkurfræðingur að Erpsstöðum í Búðardal.
Þorgrímur Einar Guðbjartsson, bóndi og mjólkurfræðingur að Erpsstöðum í Búðardal.
Mynd / smh
Á faglegum nótum 2. ágúst 2019

Hreinlæti er aðalatriðið þegar kemur að aðgengi að dýrum

Höfundur: Vilmundur Hansen

Þorgrímur Einar Guðbjartsson, bóndi og mjólkurfræðingur að Erpsstöðum í Búðardal, sem selur mjólkurvöru og þar á meðal ís, segir að hann hafi selt beint frá býli í tíu ár og að sífellt bætist fleiri býli inn á þann markað.

„Ég á ekki von á að sýkingin sem kom upp í Efstadal II eigi eftir að hafa neinar langvarandi afleiðingar fyrir ferðaþjónustubændur til lengri tíma. Að sjálfsögðu talar fólk um þetta og er forvitið um hvað hefur átt sér stað en flestir gera sér grein fyrir því að sýkingar af þessu tagi geta komið upp þar sem boðið er upp á mat og þar sem fólk er í nábýli við dýr.

Að mínu mati eru núverandi kröfur og eftirlit á hreinlæti við matvælaframleiðslu á ferða­þjónustu­bæjum í góðu lagi og engin ástæða til að herða kröfurnar. Hugsanlega mætti aftur á móti gera meiri kröfur til þeirra sem eru í forsvari fyrir rekstrinum og að þeir séu með þokkalegan bakgrunn eða menntun sem lýtur að meðhöndlun matvæla og hugsanlegum smitleiðum. Það segir sig reyndar sjálft að þeir sem eru að framleiða og selja mat verða að vita hvernig á að umgangast hráefnið og bera það fram.

Ég er alfarið gegn því að það eigi að takmarka aðgengi að dýrum og þá hvorki barna né fullorðinna. Mín skoðun er sú að ef eitthvað er þá erum við nú þegar búin að skilja of mikið þarna á milli og bara manneskjunnar og náttúrunnar. Ef fólk fer í almenningsgarða eru þar hundar og kettir og fuglar og guð má vita hvað og ekki fyrir löngu var opnað kaffihús þar sem fólk má hafa með sér gæludýr. Allt eru þetta dýr sem geta borið með sér sýkingahættu. Ég sé því enga ástæðu til að takmarka aðgengi að dýrum í sveitinni.

Á hinn bóginn þurfum við sem eru að bjóða upp á aðgengi að dýrum og eða matvæli beint frá býli að passa upp á að allt sé í lagi. Dýrin verða að vera í snyrtilegu og hreinu umhverfi þar sem hægt er að koma að þeim á þurru undirlagi og að fólk geti þvegið sér eftir að hafa klappað þeim. Fólk verður að gera sér grein fyrir því að það er smithætta í kringum dýr og meðvitað um að hreinlæti er númer eitt, tvö og þrjú og það eiga allir að hafa lært í leikskóla.

Satt best að segja þykir mér sorglegt til þess að hugsa ef það á að banna fólki að umgangast búfé á sveitabæjum. Er þá kannski næsta skref að banna að sleppa kúm út eins og víða er gert úti í heimi? 

Ríkt af B12-vítamíni, fólati, kalíum og sinki
Fréttir 1. mars 2024

Ríkt af B12-vítamíni, fólati, kalíum og sinki

Samkvæmt niðurstöðum verkefnis sem nýlega var unnið hjá Matís, um nýtingu og nær...

Vaxtalækkun lána
Fréttir 1. mars 2024

Vaxtalækkun lána

Fram kom í frétt Bændablaðsins, 2. nóvember 2023, að stjórn Byggðastofnunar hefð...

Endurvinnslan er mest innanlands
Fréttir 29. febrúar 2024

Endurvinnslan er mest innanlands

Guðlaugur Gylfi Sverrisson, rekstrarstjóri Úrvinnslusjóðs, segir stjórn sjóðsins...

Háskóladagurinn á fjórum stöðum
Fréttir 29. febrúar 2024

Háskóladagurinn á fjórum stöðum

Háskóladagurinn verður haldinn í Reykjavík laugardaginn 2. mars.Þá gefst fólki k...

Rýnt í lagaumgjörð hvalveiða
Fréttir 29. febrúar 2024

Rýnt í lagaumgjörð hvalveiða

Forsætisráðherra hefur skipað starfshóp sem falið er að skoða lagaumgjörð hvalve...

Rækta má hundruð kílóa kjöts af einni stofnfrumu
Fréttir 28. febrúar 2024

Rækta má hundruð kílóa kjöts af einni stofnfrumu

Vistkjöt var boðið til smökkunar í Kópavoginum um miðjan mánuð, í fyrsta sinn í ...

Lambhagi notar „Íslenskt staðfest“
Fréttir 28. febrúar 2024

Lambhagi notar „Íslenskt staðfest“

Vigdís Häsler, framkvæmdastjóri Bændasamtaka Íslands, og Hafberg Þórisson, eigan...

Samræmt söfnunarkerfi
Fréttir 27. febrúar 2024

Samræmt söfnunarkerfi

Vinna á tillögu um útfærslu fyrir samræmt söfnunarkerfi dýraleifa á landsvísu se...