Vinsamlegast athugið að þetta efni er eldra en 4 ára.
Hong Kong-kjúklingur og ljúffeng grillspjót
Mynd / BGK
Matarkrókurinn 3. ágúst 2018

Hong Kong-kjúklingur og ljúffeng grillspjót

Höfundur: Bjarni Gunnar Kristinsson
Við ferðumst til Singapúr í þessum pistli en endum í grænmetisgrilli á íslenskri útihátíð.
 
51 árs kokkur á matarbás í Singapúr hefur notið heims­athygli fyrir Hong Kong-stíl af sojasósukjúkling með núðlum eða hrísgrjónum. Þetta er ómetanleg uppskrift sem hann lærði í Hong Kong fyrir 35 árum og hefur skilað honum Michelin-stjörnu! Rétturinn samanstendur af hægsoðnu og mjúku kjúklingakjöti í laug af dökkri sojasósu, sem venjulega fylgir núðlum eða hrísgrjónum og chili sósu. Ég var í Singapúr á dögunum og fékk að smakka réttinn á ódýrasta Michelin- veitingastað í heimi. Hér er eftirlíking af Michelin sojasósu-kjúklingaréttinum frá Singapúr. 
 
 
Hong Kong-kjúklingur fyrir 5–6 manns
 
Hráefni:
  • 10 kjúklingabitar, skolaðir og þurrkaðir með klút
  • 1 msk. salt
  • 4 rif hvítlaukur, marinn
  • 8 sneiðar af ferskum engifer
  • 6 vorlaukar 
  • Fyrir soðvökva:
  • 3/4 bolli ljós sojasósa
  • 1/4 bolli dökk sojasósa
  • 3 bollar vatn
  • 3 msk. hrísgrjónavín eða edik
  • 2 msk. sykur
  • Ögn af hvítum pipar
Aðferð
Fyrst skal bæta við matarolíu í heitan pott og hræra engifer, hvítlauk og vorlauk út í og elda á lágum hita þar til þetta er aðeins mjúkt. Nú getur þú bætt við sojasósu ásamt vatni. Leyfðu því að sjóða áður en þú setur sykur og hrísgrjónavín eða edik. Lækkið hitann og látið malla. Bætið kjúklingnum í og eldið í aðra 15–20 mínútur þar til að kjúklingurinn er fullsoðinn. Takið síðan kjúklinginn úr soðvökvanum. 
 
Og þarna hefur þú það – ljúffengur einfaldur Michelin-réttur  í Hong Kong-stíl! Berið fram með hvítum hrísgrjónum eða núðlum og bætið  í chiliolíu til að krydda upp réttinn.
 
 
Grænmetis grillspjót
  • 1 stk. rauð paprika
  • 1 stk. gul paprika
  • 1 súkkíni
  • 180 g sveppir
  • 2 rauðlaukur
  • 1 ferskur rauður chili
  • 1 sítróna
  • ólífuolía
  • 2 greinar af fersku rósmarín
  • 200 g kirsuberjatómatar
Aðferð:
Setjið 12 tréspjót í bakka af köldu vatni til að bleyta upp viðinn – þetta mun seinka því að þau brenni.
 
Skerið grænmetið til í 2 cm bita og setjið í stóra skál.
 
Skerið sveppina í helminga eða fjórð­unga, allt eftir stærðinni, bætið í skálina.
 
Skrælið laukinn og bætið í skálina. Skerið chili og kryddjurtir. Fínt saxað og bætið í skálina. Notið fínt rifjárn og rífið af sítrónuberkinum til þess að krydda. Bætið kirsuberjatómötum við. Dreifið yfir 2 matskeiðum af ólífuolíu.
 
Blandið saman með hreinum höndum. Þræðið svo grænmetið upp á spjót.
 
Setjið á grillið á miklum hita og eldið í um það bil 8 mínútur, eða þar til eldað er í gegnum. 
 
Snúið á 2 mínútna fresti til að brúna á öllum hliðum – það gæti þurft að gera þetta í skömmtum. 
 
Berið fram með salati og hrísgrjónum eða brauði.
Framleiðsla á krefjandi tímum
Fréttir 6. desember 2022

Framleiðsla á krefjandi tímum

Fyrir skemmstu komu tveir fulltrúar frá landbúnaðartækjaframleiðandanum Kuhn í h...

Samvinna möguleg
Fréttir 6. desember 2022

Samvinna möguleg

Á Matvælaþingi matvælaráðuneytisins í Hörpu 22. nóvember flutti gestafyrirlesari...

Gúrkuútflutningur hefur fest sig í sessi
Fréttir 6. desember 2022

Gúrkuútflutningur hefur fest sig í sessi

Útflutningur á íslenskum gúrkum til Grænlands og Færeyja virðist hafa fest sig í...

Notkun á„lambatöflum“ mjög algeng á Íslandi
Fréttir 5. desember 2022

Notkun á„lambatöflum“ mjög algeng á Íslandi

Þrír starfsmenn Matvælastofnunar vekja athygli á nýjum lögum um dýralyf, í grein...

Fögur framtíðarsýn
Fréttir 5. desember 2022

Fögur framtíðarsýn

Svandís Svavarsdóttir matvæla­ráðherra kynnti á Matvælaþinginu drög að matvælast...

Þreifingar hafnar um útflutning
Fréttir 5. desember 2022

Þreifingar hafnar um útflutning

Mjólkurvinnslan Arna í Bolungarvík hóf nýlega framleiðslu á hafrajógúrt og hafra...

Meiri uppskera af gulrótum og kartöflum en minna af rauðkáli
Fréttir 2. desember 2022

Meiri uppskera af gulrótum og kartöflum en minna af rauðkáli

Samkvæmt nýjum uppskerutölum frá garðyrkjubændum í útiræktun grænmetis, varð tal...

Örvar nýr fjármálastjóri Bændasamtaka Íslands
Fréttir 2. desember 2022

Örvar nýr fjármálastjóri Bændasamtaka Íslands