Vinsamlegast athugið að þetta efni er eldra en 6 ára.
Þessi mynd var tekin úr bandarískri herþyrlu af þorpi í Bevelamnd Zuid Beveland í Hollandi í febrúar 1953. Að kvöldi laugardagsins 31. janúar skall á mikið óveður sem blés af Norðursjónum og buldi látlaus öldugangur á sjóvarnargörðum Hollendinga. Þeir gáf
Þessi mynd var tekin úr bandarískri herþyrlu af þorpi í Bevelamnd Zuid Beveland í Hollandi í febrúar 1953. Að kvöldi laugardagsins 31. janúar skall á mikið óveður sem blés af Norðursjónum og buldi látlaus öldugangur á sjóvarnargörðum Hollendinga. Þeir gáf
Fólk 9. janúar 2017

Hollandshjálp 1953

Höfundur: Guðmundur Kr. Kristjánsson
Fyrir nær hálfri öld og sex árum betur, urðu mikil flóð við  Norðursjó og urðu Hollendingar þar verst úti, um tvö þúsund manns fórust í Hollandi og gríðarlegt tjón varð á mannvirkjum þar. Fleiri þjóðir urðu fyrir manntjóni og búsifjum, en það fór ekki eins hátt  í fréttum.
 
En víkjum nú aftur í tímann á þessum hörmungartímum Hollendinga. Vestur á fjörðum á Íslandi var lítill níu ára drengur sem gat ekki á heilum sér tekið út af þessum hörmungum sem gengu yfir þessa túlípanaþjóð, en auraráðin voru engin hjá honum og auðsjáanlega ekki nokkra hjálp frá honum að fá. Síðan fór söfnun í gang á Íslandi og eitt af því var að kaupa frímerki með yfirstimplun á og þar stóð: „Hollandshjálp 1953“ . Þessi drengur var sonur fátæks sjómanns sem síðan gerðist boginn eyrarkarl.
 
En karl faðir hans átti forláta leðurpeningaveski, svart og digurt, og að þar hlyti að vera, hugsaði drengurinn, eitthvað af peningum. – „Það gengur enginn með svona veski nema að þar séu mikil auðæfi í,“ sagði hann við sjálfan sig.
 
Eitt laugardagskvöldið þegar vinnuvikunni var lokið í bili hjá karli föður hans, var hann að ljúka við skeggraksturinn. Ákvað stráksi að nota tækifærið og renna í  kallinn og biðja hann um pening fyrir kaup á frímerkjum. 
 
„Pabbi, getur þú gefið mér pening fyrir kaup á nokkrum frímerkjum?“ sagði stráksi og ók sér  til og tvísteig, svipað eins og hann væri með njálg. Karlinn horfði á stráksa, tók síðan handklæði og þurrkaði af sér raksápuna, sneri sér síðan að drengnum og spurði í góðlátlegum tón.  
 
„Hvað hefur þú með frímerki að gera?“
„Ég ætla að styðja „Hollands­hjálpina“ með því að kaupa nokkur yfirstimpluð frímerki,“ sagði stráksi.
,,Jæja, svo þú ætlar að hjálpa þessum Hollendingum í þeirra neyð, þegar allur norðursjórinn tekur upp á því að flæða yfir lendur þeirra. – Sér er nú hver fyrirhyggjan að reisa ekki nógu háa flóðgarða. Þeir ættu nú að þekkja Norðursjóinn, hann er nú ekki alltaf lygn, ef ég þekki hann rétt frá mínum siglingum hér áður fyrr,“ sagði faðir hans og dæsti. 
 
„Ekki er alltaf nóg af peningum hér á þessu heimili, en smávegis aura færð þú til að hjálpa þessari þjóð í þeirra neyð. En heldur þú að þeir myndu safna fyrir okkur, ef okkar þjóð lenti einhvern tímann í hörmungum, – mér er spurn,“ sagði faðir minn og lét mig hafa fimm krónur til að kaupa frímerkin. 
 
Skrifað árið 2009,
Guðmundur Kr. Kristjánsson

9 myndir:

Tíu ára starfsafmæli
Fréttir 3. febrúar 2023

Tíu ára starfsafmæli

Tíu ár eru síðan Ráðgjafarmiðstöð landbúnaðarins (RML) var sett á laggirnar. Af ...

Innlend fóðurframleiðsla gæti nýtt jarðhita sem fer til spillis
Fréttir 3. febrúar 2023

Innlend fóðurframleiðsla gæti nýtt jarðhita sem fer til spillis

Fjárfestingafélag Þingeyinga hf. hefur unnið að skýrslu í samstarfi við verkfræð...

Markaðssetning utan hefðbundins sláturtíma
Fréttir 2. febrúar 2023

Markaðssetning utan hefðbundins sláturtíma

Nýlega var Sláturhúsi Vesturlands í Borgarnesi veittur styrkur úr markaðssjóði s...

Úrskurður MAST felldur úr gildi
Fréttir 1. febrúar 2023

Úrskurður MAST felldur úr gildi

Matvælaráðuneytið hefur fellt úr gildi úrskurð Matvælastofnunar sem hafði stöðva...

Enn versnar rekstrarafkoma skuldsettra kúabúa
Fréttir 31. janúar 2023

Enn versnar rekstrarafkoma skuldsettra kúabúa

Ráðgjafarmiðstöð landbúnaðarins (RML) hefur lokið við greiningu á rekstri 154 kú...

Skordýr sem fóður og fæða
Fréttir 31. janúar 2023

Skordýr sem fóður og fæða

Við Landbúnaðarháskóla Íslands er unnið verkefni sem snýr að því að koma upp sko...

Arabískt fyrirtæki fjárfestir í Atmonia
Fréttir 30. janúar 2023

Arabískt fyrirtæki fjárfestir í Atmonia

Efnafyrirtækið Sabic Agri-Nutrients hefur keypt einkarétt á notkun tækni Atmonia...

35 kindur drápust í bruna
Fréttir 30. janúar 2023

35 kindur drápust í bruna

„Aðkoman var óhugnanleg og þetta er mikið áfall,“ segir Guðjón Björnsson, bóndi ...