Vinsamlegast athugið að þetta efni er eldra en 6 ára.
Gústaf Ásgeir sigursæll
Fréttir 28. júlí 2015

Gústaf Ásgeir sigursæll

Höfundur: Guðrún Hulda Pálsdóttir
Mikið var um dýrðir á Íslandsmóti í hestaíþróttum sem fram fór á félagssvæði hestamannafélagsins Spretts á Kjóavöllum í Kópavogi dagana 8.–12. júlí sl. Öll aðstaða á hinu nýja keppnissvæði Sprettsmanna þótti til fyrirmyndar og þótti gefa góð fyrirheit fyrir Landsmót sem haldið verður þar árið 2018. 
 
Um 1.300 skráningar voru á Íslandsmótið og þótti hestakostur góður og keppnin sterk í öllum flokkum. 
Gústaf Ásgeir Hinriksson var sigursælasti keppandi mótsins en hann tryggði sér fimm Íslandsmeistaratitla. Gústaf, sem keppir í ungmennaflokki, sigraði slaktaumatölt á Skorra frá Skriðulandi, fjórgangskeppni sigraði hann á Þyt frá Efsta-Dal II og fimmgangskeppni ungmenna sigraði hann á Geisla frá Svanavatni. Hann skaut svo eldri og reyndari keppendum ref fyrir rass í opnum flokki í 250 metra skeiði þegar hann sigraði á Andra frá Lynghaga á tímanum 21,91 sekúnda.
 
Danmerkurfararnir Guðmundur Björgvinsson og Hrímnir frá Ósi sigruðu fjórgang meistara. Systkinin Heiða Rún Sigurjónsdóttir og Arnar Máni Sigurjónsbörn sigruðu fjórgangskeppni unglinga og barna.
Keppnin þótti hve mest spennandi í fimmgangi og tölti. Í fimmgangi sigraði Eyrún Ýr Pálsdóttir á Hrannari frá Flugumýri II eftir að hafa unnið sig upp úr B-úrslitum flokksins. Fimmgang unglinga sigraði Ásdís Ósk Elvarsdóttir á Villanda frá Feti.
 
Jöfn töltkeppni
 
Í tölti urðu tveir keppendur jafnir að stigum í efsta sæti. Sigurbjörn Bárðarson og Jarl frá Mið-Fossum sigruðu eftir sætaröðun en Kristín Lárusdóttir og Þokki frá Efstu-Grund urðu að láta sér lynda silfrið. Róbert Bergmann sigraði töltkeppni ungmenna á Smið frá Hólum, Anna Bryndís Zingsheim sigraði í unglingaflokki á Degi frá Hjarðartúni en Glódís Rún Sigurðardóttir og Kamban frá Húsavík sigruðu í barnaflokki.
 
Keppnisgreinin slaktaumatölt nýtur vaxandi vinsælda hér á landi. Í meistaraflokki sigraði Reynir Örn Pálmason á Greifa frá Holtsmúla með glæsilega einkunn, 8,88, sem hlýtur að reynast gott veganesti fyrir þá félaga sem eru nú á leið á Heimsmeistaramót í Danmörku. Í unglingaflokki sigraði Eva Dögg Pálsdóttir á Brúney frá Grafarkoti.
 
Yngri knapar kepptu einnig í fimi og sigraði Súsanna Katarína Guðmundsdóttir í ungmennaflokki og Katla Sif Snorradóttir í barnaflokki. Þær Ásdís Ósk Elvarsdóttir og Annabella R. Sigurðardóttir urðu jafnar að stigum í unglingaflokki.
 
Vekringar á fullri ferð
 
Gamla brýnið Sigurbjörn Bárðarson sigraði 150 metra skeið á Óðni frá Búðardal á tímanum 14,38. Í 100 metra skeiði sigraði Bjarni Bjarnason á Heru frá Þóroddsstöðum, Konráð Valur Sveinsson á Kjark frá Árbæjarhjáleigu II sigraði í ungmennaflokki og Guðmar Freyr Magnússon á Fjölni frá Sjávarborg í unglingaflokki. Þeir Guðmar Freyr og Konráð Valur gerðu sér svo lítið fyrir og sigruðu einnig sína flokka í gæðingaskeiði. Teitur Árnason á Tuma frá Borgarhól sigraði í meistaraflokki gæðingaskeiðs.
 
Samanlagður sigurvegari í barnaflokki var Glódís Rún Sigurðardóttir, í unglingaflokki varð Guðmar Freyr Magnússon Íslands­meistari. Fjórgangssigurvegari ungmenna­flokks var Jóhanna Margrét Snorradóttir á hestinum Stimpli frá Vatni, samanlagður fimmgangssigurvegari var Gústaf Ásgeir Hinriksson á Geisla frá Svanavatni.  Í meistaraflokki urðu Kristín Lárusdóttir og Þokki frá Efstu-Grund samanlagðir fjórgangssigurvegarar og Reynir Örn Pálmason á Greifa frá Holtsmúla samanlagðir fimmgangssigurvegarar.
Vinstri grænir stýra ráðuneyti matvæla, sjávarútvegs og landbúnaðar
Fréttir 27. nóvember 2021

Vinstri grænir stýra ráðuneyti matvæla, sjávarútvegs og landbúnaðar

Samkvæmt heimildum Bændablaðsins mun þingmaður Vinstri grænna vera með ráðuneyti...

Bitbein um áburðarnotkun
Fréttir 26. nóvember 2021

Bitbein um áburðarnotkun

Lífrænir bændur í Danmörku geta nýtt sér húsdýraáburð frá ólífrænum búum í meira...

Nær 36 milljónir íbúa ESB geta ekki kynt heimili sín sómasamlega
Fréttir 26. nóvember 2021

Nær 36 milljónir íbúa ESB geta ekki kynt heimili sín sómasamlega

Í síðasta Bændablaði var greint frá því að samkvæmt könnun sem kynnt var af Euro...

Kolefnissporið kortlagt
Fréttir 26. nóvember 2021

Kolefnissporið kortlagt

Skútustaðahreppur hefur samið við nýsköpunarfyrirtækið Greenfo um að kortleggja ...

Flestir bílaframleiðendur veðja á efnarafala fremur en rafhlöður í þung ökutæki
Fréttir 25. nóvember 2021

Flestir bílaframleiðendur veðja á efnarafala fremur en rafhlöður í þung ökutæki

Vetnisvæðing, sem nú er rekin áfram af mikilli ákefð hjá öllum stærstu iðnríkjum...

Rekstur vindorkugarða sagður brjóta á mannréttindum Sama
Fréttir 25. nóvember 2021

Rekstur vindorkugarða sagður brjóta á mannréttindum Sama

Norðmenn hafa upplifað spreng­ingu í uppsetningu vindorkustöðva á undanförnum ár...

Rúlluplast í plastgrindur í göngu­stígum og bílaplönum slær í gegn
Fréttir 24. nóvember 2021

Rúlluplast í plastgrindur í göngu­stígum og bílaplönum slær í gegn

Fyrirtækið Ver lausnir í Garðabæ hefur verið að vinna að athyglisverðu verkefni ...

Leiðbeiningar um hvernig hámarka megi gæði nautakjöts
Fréttir 24. nóvember 2021

Leiðbeiningar um hvernig hámarka megi gæði nautakjöts

Nýr upplýsingabæklingur hefur verið gefinn út undir merkjum Íslensks gæðanauts. ...