Vinsamlegast athugið að þetta efni er eldra en 9 ára.
Grís og lamb í góðum félagsskap
Matarkrókurinn 22. maí 2014

Grís og lamb í góðum félagsskap

Á sumrin er kjörið að draga fram grillið og gefa hugmyndafluginu lausan tauminn. Þegar sólin sýnir sig er ekki úr vegi að bjóða nágrönnum í mat og njóta lífsins. Nú er tími grænmetisins að renna upp og um að gera að nýta það til fullnustu í matargerðinni. Fylgist vel með bændamörkuðum sem spretta upp á næstu vikum - þar er hægt að gera góð kaup og fá úrvalshráefni til þess að vinna með. Sumir bændur selja líka beint frá býli - skoðið vefsíðuna www.beintfrabyli.is

Beikonvafðar grísalundir með osti og skinku
1 stk. svínalund
1 pakki þykkt sneitt beikon
6 sneiðar ostur
skinka og sveppir (í fyllingu)
1 msk. Dijon sinnep
½ msk. svartur pipar
2 hvítlauksgeirar, saxaðir
1 msk. hakkað ferskt eða þurrkað  estragon


Fletjið út lundina með því að skera hana eftir endilöngu eins og blað. Fyllið með osti, skinku, sveppum og hvítlauk. Penslið með sinnepinu og stráið estragoni yfir ásamt salti og pipar. Breiðið á aðra hlið börðu svínalundarinnar. Rúllið lundinni með fyllingunni í eins konar rúllupylsu.

Vefjið beikonsneiðunum kringum lundina. Gott að tryggja að beikonið losni ekki af með því að stinga tannstönglum í gegn. Beikoni er best að raða fyrst á smjörpappír eða matarfilmu og vefja þannig á auðveldan hátt utan um svínalundina.

Grillið, eða steikið á hvorri hlið. Eldið í 15 til 20 mínútur eða þar til kjöthitamælir (settur í þykkasta hlutann) sýnir 68 ºC. Takið út úr ofni/grilli og látið hvíla í 10 mínútur fyrir skurð.
Fjarlægið tannstöngla og skerið í sneiðar. Framreiðið ásamt meðlæti að eigin vali.


Píta með buffi og grænmeti
Pítusósa
2 dl grísk jógúrt
1-2 greinar fersk mynta
1 tsk. púðursykur
7–10 cm af agúrku
2-3 tsk. hunang
1 hvítlauksrif
1 tsk. salt
Smá pipar

Gúrkan er skorin í smáa bita,öllu blandað saman, kryddað til. Kælt í ísskáp þar til pítan er borin fram.


Lambabuff
400 g lambahakk
1 laukur
1 rauð paprika
2-3 hvítlauksrif
½ meðalsterkur rauður chili.
söxuð steinselja
1 tsk. kúmmin
2-3 tsk. túrmerik
Salt og pipar


Hakkið saman lauk, hvítlauk og papriku. Setjið lambahakkið í stóra skál og blandið öllu hráefninu vel saman.
Búið til buff og steikið á pönnu þar til þau eru elduð í gegn. Passið þó að ofsteikja ekki. Líka tilvalið að grilla.
Borið fram með pítubrauði, agúrku, tómötum, rauðlauk, fetaosti, sýrðum rjóma og fersku salati.
Upplagt að grilla lauk, blómkál, tómat eða papriku sem meðlæti.
Pítubrauðið er auðvelt að baka en það má líka stytta sér leið og kaupa það tilbúið út úr búð.

3 myndir:

Fyrsti umplöntunarróbóti landsins
Fréttir 19. apríl 2024

Fyrsti umplöntunarróbóti landsins

Í maí í fyrra var settur upp umplöntunarróbóti á gróðrarstöðinni Sólskógum í Kja...

Ólöglegur frágangur á dýrahræjum
Fréttir 19. apríl 2024

Ólöglegur frágangur á dýrahræjum

Opinn gámur, yfirfullur af dýrahræjum, stóð á dögunum á steyptu bílastæði við in...

Verslunarrekstur í dreifbýli er samfélagsverkefni
Fréttir 18. apríl 2024

Verslunarrekstur í dreifbýli er samfélagsverkefni

Vegamót á Bíldudal er matvöruverslun og veitingastaður. Gísli Ægir Ágústsson, ve...

„Allt of fáar messur“
Fréttir 18. apríl 2024

„Allt of fáar messur“

Tryggvi Sveinn Eyjólfsson, sem er á sautjánda aldursári, hefur vakið athygli fyr...

Íslenskar sængur um allan heim
Fréttir 18. apríl 2024

Íslenskar sængur um allan heim

Íslenskur dúnn ehf. selur æðardúnsængur beint til viðskiptavina um heim allan. Þ...

Vörðust ásælni ríkisins í jarðareign
Fréttir 17. apríl 2024

Vörðust ásælni ríkisins í jarðareign

Kristín Lárusdóttir og Guðbrandur Magnússon, bændur að Syðri- Fljótum í Meðallan...

Breyttar reglur um flutning líflamba
Fréttir 17. apríl 2024

Breyttar reglur um flutning líflamba

Verklagsreglur hafa verið endurskoðaðar um flutning á lömbum með verndandi eða m...

Gýgjarhólskot ræktunarbú ársins
Fréttir 16. apríl 2024

Gýgjarhólskot ræktunarbú ársins

Á fagfundi sauðfjárræktarinnar sem haldinn var á dögunum var Gýgjarhólskot í Bis...