Vinsamlegast athugið að þetta efni er eldra en 8 ára.
Góðar útflutningshorfur fyrir kindakjöt
Fréttir 15. október 2014

Góðar útflutningshorfur fyrir kindakjöt

Höfundur: smh

Að sögn stærstu afurðasala landsins eru horfur góðar fyrir sölu kindakjöts á erlenda markaði nú í haust.

Sem kunnugt er bárust um það fréttir í sumar að í lok júlí hefðu birgðir verið tæp 2.000 tonn – sem er 225 tonnum meira en í fyrra. Í fréttaskýringu í Bændablaðinu fyrr í haust kom fram það samdóma álit Landssamtaka sauðfjárbænda og fulltrúa markaðsdeilda Norðlenska og Kjarnafæðis að sóknarfærin í sölu sauðfjárafurða væru á erlendum mörkuðum.

Ágúst Andrésson, forstöðumaður Kaupfélags Skagfirðinga (KS), segir gott útlit hjá KS og SKVH. „Það er enda búið að leggja mikla vinnu og fjármuni í markaðsstarf erlendis á undanförnum árum sem er að skila sér núna.

Ekki er alveg hægt að bera saman afsetningu það sem af er sláturtíð nú miðað við þá síðustu, þar sem við fórum viku seinna af stað og erum með talsvert ólíka framleiðslu þetta haust frá því sem var. En byrjunin lofar góðu og framtíðin er björt.“

Samkvæmt upplýsingum frá Sláturfélagi Suðurlands (SS) stefnir í að útflutningurinn nú muni hjálpa félaginu að komast í góða stöðu birgðalega. Í fréttabréfi SS frá því í haust kemur fram að kjöt verði flutt út til Noregs, Spánar, Rússlands, Bretlands, Færeyja, Japans, Kína og Bandaríkjanna. Magnið sé mismikið og verðið mishátt en allt séu þetta áhugaverðir markaðir til framtíðar. Kína sé sérlega áhugaverður markaður og verður enn mikilvægari er fríverslunarsamningur tekur fullt gildi með kjötvörur á næsta ári.

Reynir Eiríksson, fram­leiðslu­stjóri hjá Norðlenska, segir að útflutningurinn sé á því róli sem gert hafði verið ráð fyrir. Aðeins hafi verið sótt fram og það skilað árangri í sölu á ákveðnum afurðum.

Gunnar Tryggvi Halldórsson, framkvæmdastjóri SAH á Blönduósi, segir erlenda markaði vera svipaða hjá þeim á milli ára. „Við seljum mest til Evrópu og Asíu, bæði á heildsölumarkað og smásölumarkað. Nýjar ­vörur og aukin tækifæri eru þó á Rússlandsmarkaði, bæði í lambakjöti og ærkjöti.“

Þórður Pálsson, framkvæmda­stjóri Sláturfélags Vopnfirðinga, segir þá aðeins hafa möguleika á að flytja út dilkakjöt í heilum skrokkum. „Ekkert er um slíkar sölur nú í haust,  en við munum flytja út á Noreg okkar hlut af viðskiptakvótanum þangað, eða um 30 tonn. Ekkert af því fer þó fyrr en eftir áramót.“

Rannsakar skyggnar konur
Fréttir 7. febrúar 2023

Rannsakar skyggnar konur

Dr. Dalrún Kaldakvísl Eygerðardóttir sagnfræðingur rannsakar sögu skyggnra kvenn...

Of algengt að hestunum sé gefinn óþverri
Fréttir 6. febrúar 2023

Of algengt að hestunum sé gefinn óþverri

Margeir Ingólfsson og Sigríður Jóhanna Guðmundsdóttir, bændur á bænum Brú í Blás...

Tíu ára starfsafmæli
Fréttir 3. febrúar 2023

Tíu ára starfsafmæli

Tíu ár eru síðan Ráðgjafarmiðstöð landbúnaðarins (RML) var sett á laggirnar. Af ...

Innlend fóðurframleiðsla gæti nýtt jarðhita sem fer til spillis
Fréttir 3. febrúar 2023

Innlend fóðurframleiðsla gæti nýtt jarðhita sem fer til spillis

Fjárfestingafélag Þingeyinga hf. hefur unnið að skýrslu í samstarfi við verkfræð...

Markaðssetning utan hefðbundins sláturtíma
Fréttir 2. febrúar 2023

Markaðssetning utan hefðbundins sláturtíma

Nýlega var Sláturhúsi Vesturlands í Borgarnesi veittur styrkur úr markaðssjóði s...

Úrskurður MAST felldur úr gildi
Fréttir 1. febrúar 2023

Úrskurður MAST felldur úr gildi

Matvælaráðuneytið hefur fellt úr gildi úrskurð Matvælastofnunar sem hafði stöðva...

Enn versnar rekstrarafkoma skuldsettra kúabúa
Fréttir 31. janúar 2023

Enn versnar rekstrarafkoma skuldsettra kúabúa

Ráðgjafarmiðstöð landbúnaðarins (RML) hefur lokið við greiningu á rekstri 154 kú...

Skordýr sem fóður og fæða
Fréttir 31. janúar 2023

Skordýr sem fóður og fæða

Við Landbúnaðarháskóla Íslands er unnið verkefni sem snýr að því að koma upp sko...