Vinsamlegast athugið að þetta efni er eldra en 8 ára.
Góða peysan
Hannyrðahornið 28. maí 2015

Góða peysan

Þessi fallega peysa hentar jafnt stelpum sem strákum. Tyra garnið okkar er mjúkt og mjög gott að prjóna úr því. Garnið er til í mörgum litum og er á afslætti hjá okkur núna, 250 kr. dokkan. 
 
STÆRÐ
(1-2 ára) 3-4 ára (5-6 ára) 7-8 ára.
Yfirvídd: (58) 65 (72) 79 cm.
Lengd á bol að handveg: (23) 27 (31) 37 cm
Lengd á peysu: (38) 43 (49) 56 cm
Ermalengd að handveg: (22) 25 (28) 33 cm
 
GARN:
Tyra garn frá Garn.is.
Litur 1: AN2138 bleikur eða AN6053 grænblár (150) 200 (250) 300 gr.
Litur 2: AN1122 rjómahvítur eða AF9141 silfurgrár (100) 100 (150) 150 gr.
Litur 3: AN7054 grænt eða AN3145 ryðrautt 50 gr. í allar stærðir
Skoðið litaúrvalið fyrir Tyru á http://handverkskunst.is/voruflokkur/garn/garn-is/tyra/
PRJÓNAR
Hringprjónar 60 cm, nr 3 og 4,5
Sokkaprjónar nr 3 og 4,5
 
PRJÓNFESTA
21 lykkja og 28 umf slétt prjón = 10x10 cm
Sannreynið prjónafestu og skiptið um prjóna ef með þarf.
 
LEIÐBEININGAR
Stroff: 1 slétt og 1 brugðin. 
Laskaúrtaka: Fellið af við hvert prjónamerki, þannig: prjónið þar til 3 lykkjur eru að prjónamerki takið 1 lykkju óprjónaða eins og eigi að prjóna hana slétt, prjónið 1 lykkju slétt og steypið óprjónuðu lykkjunni yfir, prjónið 1 lykkju slétt, flytjið prjónamerki, prjónið 1 lykkju slétt, 2 lykkjur slétt saman = fækkað um 8 lykkjur.
 
Bolur
Fram- og bakstykki er prjónað í hring, fitjið upp (128) 144 (160) 176 lykkjur á prjóna nr 3 með lit 1. Tengið í hring og prjónið stroff (4) 4 (4) 5 cm. Skiptið yfir á hringprjón nr 4,5 og prjónið slétt þar til bolur mælist (17) 21 (25) 33 cm, mælt með stroffi. Prjónið munstur 1, eftir að munstri lýkur prjónið með lit 1 þar til bolur mælist (23) 27 (31) 39 cm. Setjið (6) 6 (6) 8 lykkjur á aukaþráð/nælu fyrir ermaop og prjónið (58) 66 (74) 80 lykkjur, setjið aftur (6) 6 (6) 8 lykkjur á aukaþráð/nælu, prjónið (58) 66 (74) 80 lykkjur. Geymið bol og prjónið ermar.
 
ERMAR
Fitjið upp (40) 42 (44) 44 lykkjur  með lit 1 á sokkaprjóna nr 3. Prjónið stroff (4) 4 (4) 5 cm. Skiptið yfir á sokkaprjóna nr 4,5 og prjónið slétt prjón í hring. Aukið út undir miðri ermi um 2 lykkjur í 6. hverri umf alls
 
(5) 5 (7) 8 sinnum = (50) 52 (58) 60 lykkjur. Prjónið þar til ermi mælist (15) 18 (21) 26 cm og prjónið munstur 1 og passið að miðjan á einni rósinni lendi á miðri ermi. Eftir að munstri lýkur prjónið með lit 1 þar til ermin mælist (22) 25 (28) 33 cm. Setjið (6) 6 (6) 8 lykkjur undir miðri ermi á aukaþráð/nælu. Prjónið  aðra ermi eins.
 
AXLASTYKKI
Sameinið bol og ermar á hringprjón nr 4,5 = (204) 224 (252) 264 lykkjur. Setjið 1 prjónamerki í allar skiptingar á milli fram- og bakstykkis og erma = 4 prjónamerki.  Umferðin byrjar nú á samskeytum bakstykkis og vinstri ermar. Prjónið eina umferð slétt með lit 1  og síðan munstur 2. Laskaúrtaka hefst í upphafi munsturs 2.
 
Laskaúrtaka: Fellið af við hvert prjónamerki, þannig: prjónið þar til 3 lykkjur eru að prjónamerki takið 1 lykkju óprjónaða eins og eigi að prjóna hana slétt, prjónið 1 lykkju slétt og steypið óprjónuðu lykkjunni yfir, prjónið 1 lykkju slétt, flytjið prjónamerki, prjónið 1 lykkju slétt, 2 lykkjur slétt saman = fækkað um 8 lykkjur í umferðinni. Úrtakan er gerð í annarri hvorri umferð þar til eftir verða ca (76) 78 (80) 84 lykkjur, klippið bandið. Setjið (14) 14 (16) 16 lykkjur á miðju framstykki á aukaþráð/nælu. Umferðin byrjar nú á á framstykki. Prjónið fram og til baka 6 umferðir, haldi áfram með laskaúrtöku en fellið jafnframt af 1 lykku við hálsmál (eða setjið á aukaþráðin/næluna). Sameinið nú lykkjurnar af aukaþráð/nælu (og líka þær lykkjur ef þið hafið fellt þær af). Skiptið yfir á hringprjón nr 3 tengið í hring og prjónið stroff (5) 5 (6) 6 cm. Fellið laust af og saumið stroffið niður til hálfs frá röngu.
 
FRÁGANGUR
Lykkið saman undir höndum, gangið frá endum.
Góða skemmtun, Inga Þyri Kjartansdóttir

4 myndir:

Fyrsti umplöntunarróbóti landsins
Fréttir 19. apríl 2024

Fyrsti umplöntunarróbóti landsins

Í maí í fyrra var settur upp umplöntunarróbóti á gróðrarstöðinni Sólskógum í Kja...

Ólöglegur frágangur á dýrahræjum
Fréttir 19. apríl 2024

Ólöglegur frágangur á dýrahræjum

Opinn gámur, yfirfullur af dýrahræjum, stóð á dögunum á steyptu bílastæði við in...

Verslunarrekstur í dreifbýli er samfélagsverkefni
Fréttir 18. apríl 2024

Verslunarrekstur í dreifbýli er samfélagsverkefni

Vegamót á Bíldudal er matvöruverslun og veitingastaður. Gísli Ægir Ágústsson, ve...

„Allt of fáar messur“
Fréttir 18. apríl 2024

„Allt of fáar messur“

Tryggvi Sveinn Eyjólfsson, sem er á sautjánda aldursári, hefur vakið athygli fyr...

Íslenskar sængur um allan heim
Fréttir 18. apríl 2024

Íslenskar sængur um allan heim

Íslenskur dúnn ehf. selur æðardúnsængur beint til viðskiptavina um heim allan. Þ...

Vörðust ásælni ríkisins í jarðareign
Fréttir 17. apríl 2024

Vörðust ásælni ríkisins í jarðareign

Kristín Lárusdóttir og Guðbrandur Magnússon, bændur að Syðri- Fljótum í Meðallan...

Breyttar reglur um flutning líflamba
Fréttir 17. apríl 2024

Breyttar reglur um flutning líflamba

Verklagsreglur hafa verið endurskoðaðar um flutning á lömbum með verndandi eða m...

Gýgjarhólskot ræktunarbú ársins
Fréttir 16. apríl 2024

Gýgjarhólskot ræktunarbú ársins

Á fagfundi sauðfjárræktarinnar sem haldinn var á dögunum var Gýgjarhólskot í Bis...