Vinsamlegast athugið að þetta efni er eldra en 7 ára.
Eftir bankahrunið fjölgaði umsóknum í búfræðinám verulega.
Eftir bankahrunið fjölgaði umsóknum í búfræðinám verulega.
Fréttir 9. júlí 2014

Góð aðsókn í starfsmenntanám

Höfundur: Freyr Rögnvaldsson

Góð aðsókn er í starfsmenntanám við Landbúnaðarháskóla Íslands fyrir komandi vetur, ekki síst í búfræðinám. Aðsókn í háskólanám er nokkru minni. Kennslustjóri leiðir líkum að því að óvissa um starfsemi skólans hafi þar áhrif.

„Við vorum með eilítið fleiri umsóknir í búfræðinám í fyrra en þetta virðist hins vegar mjög sterkur hópur sem sækir um nú í ár. Umsækjendur hafa meiri námsundirbúning í ár en var í fyrra og eru langflest ýmist úr sveit eða með mikla reynslu af sveitastörfum. Okkur líst bara mjög vel á komandi vetur hvað þetta varðar,“ segir Álfheiður Marinósdóttir, kennslustjóri Landbúnaðarháskólans.

Eftir bankahrunið fjölgaði umsóknum í búfræðinám verulega að sögn Álfheiðar. „Það varð eiginlega algjör sprengja þarna á árunum 2009 til 2010. Það hafði verði svolítil deyfð yfir þessu námi í kringum 2005 en nú er þetta gjörbreytt. Undanfarin ár höfum við fengið mun fleiri umsóknir heldur en við höfum getað annað. Sum árin höfum við verið með allt að tvöfalda aðsókn að náminu miðað við það sem við höfum getað tekið inn.“

Vantar kennara

Í vor útskrifuðust 37 nemendur úr búfræðinámi. Álfheiður segir að skólinn ráði ekki við mikið stærri hópa en svo vegna niðurskurðar í mannahaldi. „Það hefur ekki verið ráðið starfsfólk til skólans. Við þurftum að segja upp ellefu manns í hruninu og það hefur ekki verið dregið úr þjónustu. Við erum að manna þetta að talsverðu leyti með aðkeyptri kennslu, stundakennurum, og því er mun meiri aukavinna á örfáum aðilum sem eru fastráðnir. Við höfum ekki bolmagn í meira sökum þess hve við erum fáliðuð og vegna slæmrar fjárhagsstöðu er ekki hægt að ráða inn fólk. Við höfum nóg húsnæði, bæði fyrir nemendur og til kennslu, en okkur vantar mannskap í kennslu.“

Hvað varðar aðrar námsbrautir er ágætis aðsókn að öðru starfsmenntanámi að því er Álfheiður segir. „Við gátum að vísu ekki boðið upp á nám á námsbrautinni skógur og náttúra. Á blómaskreytingabraut er lágmarksfjöldi, 11 manns og á öðrum brautum stendur þetta bara vel.“

Minni aðsókn að háskólanámi

Hvað varðar háskólanám segir Álfheiður að þar væri pláss fyrir talsvert fleiri nemendur. Meðal annars hafi ekki nægilega margir sótt um nám í hestafræði til BS-prófs til að hægt væri að bjóða upp á það nám á komandi vetri. Þá verður ekki boðið upp á meistaranám í um skipulagsfræði í vetur. Þeim sem sóttu um nám í þessum greinum hefur verið boðið að taka annað nám sem að gagnast þeim þegar boðið verður upp á umræddar námsbrautir að nýju.

Nokkur óvissa hefur ríkt um framtíð skólastarfs Landbúnaðarháskólans en menntamálaráðherra boðaði síðastliðinn vetur að skólinn yrði hugsanlega sameinaður Háskóla Íslands. Verulega andstaða var við þau áform hjá sveitarstjórnarmönnum í Borgarfirði, þingmönnum Norðvesturkjördæmis og forystu bænda sem olli því að þau áform voru slegin af, í það minnsta um sinn. Hins vegar er fjárhagsstaða skólans afleit og ljóst að áfram verður að beita miklu aðhald við reksturinn nema að fjármagn komi til frá hinum opinbera.

Álfheiður segir að hún gæti trúað, án þess að hún hafi haldbær gögn sem styðji það, að sú óvissa sem ríkt hefur um framtíð skólans hafi að einhverju leyti bitnað á aðsókn að háskólanáminu. „Ég er ekki viss um að þetta hafi komið niður á starfsmenntanáminu en ég get vel ímyndað mér að öll þessi umræða og óvissa hafi haft áhrif á aðsókn í háskólanámið. Þá ekki endilega búvísindanámið en frekar þessar nýrri greinar okkar eins og skógfræðin og umhverfisskipulagið. Ég held að þessi óvissa hafi haft neikvæð áhrif.“

Ísteka riftir samningum við bændur
Fréttir 8. desember 2021

Ísteka riftir samningum við bændur

Líftæknifyrirtækið Ísteka hefur rift samningum við þá bændur sem sjást beita hry...

New Holland T6 Metan, sjálfbærasta dráttarvélin 2022
Fréttir 8. desember 2021

New Holland T6 Metan, sjálfbærasta dráttarvélin 2022

New Holland dráttar­véla­framleiðandinn heldur áfram að sópa að sér verðlaunum o...

Konur borða meira af laufabrauði en karlar
Fréttir 8. desember 2021

Konur borða meira af laufabrauði en karlar

Um 90% þjóðarinnar borða laufabrauð um jólin samkvæmt könnun sem Gallup gerði fy...

Skortur á yfirsýn í úrgangs- og loftslagsmálum
Fréttir 8. desember 2021

Skortur á yfirsýn í úrgangs- og loftslagsmálum

Niðurstöður könnunar benda til skorts á yfirsýn í úrgangs- og loftslagsmálum. Sa...

Erfðabreytt búfé
Fréttir 6. desember 2021

Erfðabreytt búfé

Erfðafræðingar binda vonir við að með aðstoð erfðatækni megi koma í veg fyrir al...

Íbúar hópfjármagna byrjun framkvæmda
Fréttir 6. desember 2021

Íbúar hópfjármagna byrjun framkvæmda

„Undanfarin ár hefur sveitarstjórn Húnaþings vestra lagt áherslu á að framkvæmdu...

Óviðunandi vetrarþjónusta við vinsæla ferðamannastaði
Fréttir 6. desember 2021

Óviðunandi vetrarþjónusta við vinsæla ferðamannastaði

Það er til mikils að vinna að koma á bættri vetrarferðaþjónustu á Norðurlandi. E...

Erlendir ferðamenn hafa greitt um 30 milljónir fyrir ferðir um Vaðlaheiðargöng
Fréttir 6. desember 2021

Erlendir ferðamenn hafa greitt um 30 milljónir fyrir ferðir um Vaðlaheiðargöng

Erlendir ferðamenn sem farið hafa um Vaðlaheiðargöng á þessu ári hafa greitt fyr...