Vinsamlegast athugið að þetta efni er eldra en 6 ára.
Gjaldtaka vegna grunnskráninga
Fræðsluhornið 5. desember 2016

Gjaldtaka vegna grunnskráninga

Höfundur: Halla Eygló Sveinsdóttir ráðunautur í hrossarækt hjá Ráðgjafarmiðstöð landbúnaðarins
Frá og með næstu áramótum verða gerðar breytingar á gjaldtöku fyrir grunnskráningar á hrossum.
Breytingarnar eru gerðar með hliðsjón af reglugerð um einstaklingsmerkingar og með það að markmiði að hvetja hesteigendur til að merkja og skrá folöld í samræmi við gildandi reglur.  
 
Ekki verður tekið gjald fyrir grunnskráningu á folöldum folaldsárið eða til 1. mars árið eftir að folald fæðist. Samkvæmt einstaklingsmerkingarreglugerð er skylt að skrá og merkja folöld innan þess tíma.  Skráningargjald verður hins vegar innheimt fyrir allar grunnskráningar hrossa sem berast eftir tilskildan skráningartíma hvort heldur sem þær berast inn á grunnskráningarblöðum eða á örmerkjablöðum. Innheimt verður fyrir þær samkvæmt gjaldskrá RML. Menn eru hvattir til að grunnskrá og merkja þau hross sem enn eru ómerkt fyrir áramótin.
 
Eins og sjálfsagt flestir vita hefur frá árinu 2003 verið skylda að einstaklingsmerkja folöld fyrir 10 mánaða aldur, samkvæmt reglugerð nr. 463/2003 um merkingar búfjár. Árið 2005 kom út ný reglugerð (nr. 289/2005) þar sem kveðið er á um að öll hross skuli vera einstaklingsmerkt, burtséð frá aldri þeirra. Tilgangurinn með þessum merkingum er að tryggja rekjanleika gripa og afurða ef eitthvað kemur upp á.  Í ljósi stöðunnar í dag er greinilegt að þessu hefur ekki verið fylgt nægilega vel eftir, því enn er talsvert til af ómerktum og óskráðum hrossum. Hesteigendur hafa mikinn hag af því að hafa skráningar og merkingar í lagi og örmerki hafa fyrir löngu sannað gildi sitt.
 
WorldFeng 
 
Hestamenn sem eru í hestamannafélagi eða Félagi hrossabænda eiga að hafa frían aðgang að WorldFeng. Þar er að finna óhemjumikið magn upplýsinga um ættir, örmerki, sýningar o.fl. Gott er að fara reglulega í gegnum hvort upplýsingar þar séu réttar. Hafa örmerkingar, DNA-sýni eða eigandaskipti skilað sér inn? Þeir sem hins vegar hafa ekki aðgang að WorldFeng geta alltaf farið inn á heimasíðuna www.worldfengur.com. Þarna er hægt að fletta upp hrossum eftir nafni og uppruna, fæðingarnúmeri eða örmerki. Þannig geta hesteigendur sem ekki hafa aðgang að WorldFeng  skoðað hvort þeirra hross eru ekki örugglega grunnskráð og hvort að sú skráning sé rétt.  
 
 Hægt er að hafa samband við starfsmenn á sviði hrossaræktar hjá Ráðgjafarmiðstöð landbúnaðarins (RML) til að fá nánari upplýsingar eða aðstoð við skráningar í síma 516-5000. Á heimasíðu okkar má einnig finna upplýsingar um hvaða þjónustu RML hefur í boði fyrir hestamenn www.rml.is. 
 

Stóðhestaskýrslur/fyljunarvottorð

 − gjaldtaka
 
Minnum á skil á stóðhestaskýrslum og fyljunarvottorðum. Fram til þessa hefur skráning á þessum skýrslum verið mönnum að kostnaðarlausu en nú verður breyting á því.  
Frá og með næstu áramótum verður gjald tekið fyrir þessar skráningar. Menn eru því hvattir til að skila þessum skýrslum á næstu starfsstöð RML fyrir áramótin. Upplýsingar um starfsstöðvar RML er að finna á heimasíðunni www.rml.is. Einnig má skanna þessa pappíra inn og senda í tölvupósti.
 
Gjaldskráin er eftirfarandi:
Lágmarksgjald er 1.500 kr. m. vsk. en inni í þeirri upphæð eru 4 skráningar, annaðhvort 4 skráningar á stóðhestaskýrslu eða fjögur fyljunarvottorð. Hver skráning umfram þessar fjórar kostar 150 kr. m. vsk. Hámarksgjald á hverja stóðhestaskýrslu er 3.000 kr. m. vsk. en á hverja stóðhestaskýrslu er hægt að skrá 20 hryssur, þá er kostnaður á skráningu kominn niður í 150 kr.
 
Eins og kynnt var í Bændablaðinu í haust er nýjunga að vænta í heimarétt WorldFengs. Þar mun t.d. verða flipi sem heitir Fyljanaskráning þar sem hægt er að gera grein fyrir fyljun hryssna. Þessar upplýsingar hlaðast inn í heimarétt stóðhestseiganda og þar getur hann staðfest að viðkomandi hryssur hafi verið hjá hestinum, sé það gert getur hryssueigandinn skráð folaldið um leið og það fæðist í sinni heimarétt. Þessi nýjung verður kynnt um leið og hún er komin í gagnið sem ætti að verða fljótlega.
 

Skylt efni: WorldFengur

Framleiðsla á krefjandi tímum
Fréttir 6. desember 2022

Framleiðsla á krefjandi tímum

Fyrir skemmstu komu tveir fulltrúar frá landbúnaðartækjaframleiðandanum Kuhn í h...

Samvinna möguleg
Fréttir 6. desember 2022

Samvinna möguleg

Á Matvælaþingi matvælaráðuneytisins í Hörpu 22. nóvember flutti gestafyrirlesari...

Gúrkuútflutningur hefur fest sig í sessi
Fréttir 6. desember 2022

Gúrkuútflutningur hefur fest sig í sessi

Útflutningur á íslenskum gúrkum til Grænlands og Færeyja virðist hafa fest sig í...

Notkun á„lambatöflum“ mjög algeng á Íslandi
Fréttir 5. desember 2022

Notkun á„lambatöflum“ mjög algeng á Íslandi

Þrír starfsmenn Matvælastofnunar vekja athygli á nýjum lögum um dýralyf, í grein...

Fögur framtíðarsýn
Fréttir 5. desember 2022

Fögur framtíðarsýn

Svandís Svavarsdóttir matvæla­ráðherra kynnti á Matvælaþinginu drög að matvælast...

Þreifingar hafnar um útflutning
Fréttir 5. desember 2022

Þreifingar hafnar um útflutning

Mjólkurvinnslan Arna í Bolungarvík hóf nýlega framleiðslu á hafrajógúrt og hafra...

Meiri uppskera af gulrótum og kartöflum en minna af rauðkáli
Fréttir 2. desember 2022

Meiri uppskera af gulrótum og kartöflum en minna af rauðkáli

Samkvæmt nýjum uppskerutölum frá garðyrkjubændum í útiræktun grænmetis, varð tal...

Örvar nýr fjármálastjóri Bændasamtaka Íslands
Fréttir 2. desember 2022

Örvar nýr fjármálastjóri Bændasamtaka Íslands