Vinsamlegast athugið að þetta efni er eldra en 9 ára.
Gamaldags jakki og húfa fyrir nýfædda Heiðrúnu Hlín
Hannyrðahornið 19. janúar 2015

Gamaldags jakki og húfa fyrir nýfædda Heiðrúnu Hlín

Höfundur: Inga Þyri Kjartansdóttir
Það eru forréttindi að fá að upplifa það að verða langamma. Þetta er fyrsta langömmustelpan mín en fyrir á ég tvo heilbrigða og hrausta langömmustráka. 
 
Þessi jakki gæti verið frá því að amma hennar fæddist. 
 
Jakki
Stærð 1-3, 6-9, 12-18 mánaða.
Nú eru börn svo misstór nýfædd þannig að í sm væri þetta ca 50/60 , 62/68, 74/88.
 
Garn:
Baby star sem er til í mörgum litum en við notuðum bleika litinn nr 520. Sjá www.garn.is þar sjáið þið útsölustaðina og litaúrvalið.
Í jakkann og húfuna fóru 2 stk. 100 g dokkur og hefði sennilega dugað  í hosur líka.
Heklunál: nr 3,5 
3 tölur.
 
Aðferð
Jakkinn er heklaður fram og til baka frá hálsmáli að ermaopi, muna að setja hnappagöt hægra megin,  þá eru ermarnar heklaðar í hring að ofan og niður . Síðan er vinstra framstykki, bak og hægra framstykki heklað fram og til baka þar til réttri sídd er náð. Heklaðir takkar meðfram báðum boðungum og kringum hálsmálið.
 
Byrjað á hálsmáli:
Heklið 66-71-71 loftlykkjur laust.
Snúa við og hekla 1 stuðul í 4 loftlykkju frá nálinni* hlaupið yfir 1 loftl.
stuðul í hverja næstu 3 loftl. * endurtakið *-* þar til 2-3-3 loftlykkjur eru eftir hlaupið þá yfir 1 loftl.og heklið stuðul í síðustu  1-2-2 loftl.= 48-52-52 stuðlar þar með taldir 4 stuðlar í byrjun og enda umferðar. Snúa.
 
Nú eru sett prjónamerki frá réttunni.
Stærð 1–3: A merkið við milli 11-12 stuðuls, B milli  17 og 18 stuðuls , C milli  31 og 32 stuðuls og D milli  37 og 38 stuðuls.
 
Stærð 6–9 og 12–18 mánaða:  merkið við A milli 12 og 13 stuðuls, B milli 18 og 19 stuðuls C milli 34 og 35 stuðuls D milli 40 og 41 stuðuls.
 
Færið merkin upp eftir því sem verkinu miðar áfram.
 
Í næstu umferð eru heklaðir stuðull í stuðul nema þar sem merkin eru, þar er aukið út þannig.
 
Heklið þar til 3 stuðlar eru eftir af merkinu, heklið þá 2 stuðla í næsta stuðul og 2 stuðla í næsta stuðul 1 stuðul í hvern af 2 næstu stuðlum en merkið á að vera á milli þessara tveggja stuðla.
 
2 stuðla í næsta stuðul og 2 stuðla í þarnæsta stuðul. Þannig eru auknir út alls 16 stuðlar í umferðinni. 
Þessi útaukning er endurtekin í hverri umferð alls 4-5-7 sinnum. Munið hnappagötin sem eru gerð þannig að í stað þriðja stuðuls frá byrjun á hægra boðungi er gerð 1 loftlykkja og síðan heklað yfir hana í næstu umferð með stuðli.
 
Staðsetning hnappagata : 1–3 mánaða eftir 2-7-12 sm. 
 
6–9 mánaða eftir 2-8-13 sm, 12-18 mánaða 2-8-14 sm.
 
Þar næst er er aukið um 2 stuðla við hvert merki þannig: Þegar 2 stuðlar eru að merkinu eru heklaðir
2 stuðlar í næsta stuðul. 1 stuðull  sitt hvorum megin við merkið og 2 stuðlar í næsta stuðul þetta er endurtekið í hverri umferð 6-6-5 sinnum þá eiga að vera 160-180-204 stuðlar alls í umferðinni  og 11-12-13 umferðir. Geyma.
 
Gangið nú frá endum.
 
Ermar:
Nú eru ermarnar heklaðar hvor fyrir sig stuðull í stuðul yfir  34-38-44 stuðla milli merkjanna A og B í hring. Fækkið eftir 3 sm um 1 stuðul í byrjun og enda umferðar. Endurtakið þetta eftir 3-4-2 sm alls 3-3-6 sinnum þá eiga að vera 28-32-32 stuðlar í erminni. Heklið áfram stuðul í stuðul þar til ermin mælist 12-14-15 sm ( allt í lagi að hafa hana í lengra lagi og bretta til að byrja með upp á hana fremst, hún dugar lengur þannig.) 
 
Nú er heklað munstur :
* 2 loftl , hlaupið yfir ca 1-3 lykkjur 1 fastapinni í næstu lykkju endurtekið allan hringinn þannig að það myndist 11  loftlykkjubogar.   
 
Heklið fastapinna fram á miðjan loftlykkjubogann, 3 loftlykkjur * 4 stuðlar, 2 loftlykkjur, 4 stuðlar um næsta loftlykkjuboga  1 stuðull um næsta loftlykkjuboga * endurtakið  hringinn.
3 loftlykkjur * 4 stuðlar , 2 loftlykkjur, 4 stuðlar í miðja síðustu tungu 1 stuðul í  stuðulinn í síðustu umferð.* Endurtakið allan hringinn.   Þessi umferð er svo endurtekin þannig að það myndast 3 raðir af tungum.
 
Hin ermin er svo hekluð eins milli merkja C og D.
 
Bolur:
Nú er heklað áfram niður bolinn með munstrinu þannig:
Hekla stuðul í stuðul 25-28-31 stuðla á vinstra framstykki  að merki A en auka jafnframt út um 4-4-5 stuðla jafnt yfir en ekki þó yfir 4 ystu kantlykkjurnar, alls = 29-32-36 stuðlar.
Hekla stuðul í stuðul yfir 42-48-54 stuðla sem er bakstykkið en auka jafnframt út um  8-8-10 stuðla  jafnt yfir  = 50-56-64 stuðlar.
 
 Hekla  síðan stuðul í stuðul yfir 25-28-61 stuðla frá merki D og auka jafnframt út um 4-4-5 stuðla jafnt yfir = 29-32-36 stuðlar. Snúa við.
 
3 loftlykkjur,  stuðull í stuðul í næstu 3 stuðla ( kantur) 3 loftlykkjur hlaupa yfir  2 stuðla * 1 fastpinni í næsta stuðul, 3 loftlykkjur hlaupa yfir 2 stuðla* endurtaka *-* til að jafna og til þess að það verði 30-34-38 loftlykkjubogar gæti þurft stundum að hlaupa yfir 3 stuðla. Þegar 6 eða 7 stuðlar eru eftir af umferðinni eru heklaðar 3 loftl, endað með stuðli í stuðul í næstu 4 stuðla ( kantur)Nú eiga að vera 31-35-39 loftlykkjubogar með 4 stuðlum í hvorum kanti.
 
 3 loftl, 1 stuðull í næstu 3 stuðla haupa yfir næsta loftlykkjuboga * 4 stuðlar, 2 loftlykkjur 4 stuðlar í næsta loftlykkjuboga, 1 stuðull í næsta loftlykkjuboga.* endurtekið *-*   þar til 2 loftlykkjubogar eru eftir  heklið þá    4 stuðla, 2 loftlykkjur , 4 stuðla í næsta loftlykkjuboga og endið með 1 stuðli í hvern af 4 síðustu stuðlunum ( kantur). Nú ættu að vera komnar 15-17-19 tungur.
 
3 loftl. , 1 stuðull í næstu 3 stuðla* 4 stuðlar. 2 loftlykkjur og 4 stuðlar í miðja næstu tungu í loftlykkjubilið. 1 stuðull í síðasta stuðul* endurtaka *_*  þar til komið er að kantinum þar er heklað stuðull í stuðul eins og fyrr.   
 
Endurtakið þessa umferð. Þar til jakkinn mælist 21-23-24 sm.
 Þegar þangað er komið  er heklað áfram á sama hátt nema núna eru stuðlarnir tvöfaldir               þannig að slegið er tvísvar uppá heklunálina.  Heklað þannig þar til jakkinn mælist 26-23-31 sm frá öxl og niður.
Klippið og gangið frá endum.
 
Nú er heklaður tungukantur upp hægri  boðung, kringum hálsmálið og niður vinstri boðunginn þannig.
3 loftl bandið dregið gegnum fyrstu  loftl. 1 fl , 1 fl í 1 sm fjarlægð, endurtekið.
 
Gengið frá endum. Tölurnar saumaðar í á móti hnappgötunum.
 
Þvegið og lagt til þerris.
 
Húfa:
Húfan er hekluð ofanfrá og niður.
 4 loftl tengdar í hring.
1. umf. Heklið 6 fastal í hringinn.
2-4. umf.  fastal í fastal tengt í hring= 6 fastal.
5. umf. 2 fastal í hverja fastal = 12 fastal.
6. umf. 2 fastal í hverja fastal = 24 fastal.
7. umf. 1 fastal í fyrstu fastal 2 fastal í næstu,  endurtekið hringinn= 36 fastal.
8. umf. 1 fastal í fyrstu 2 fastal, 2 fastal í næstu fastal endurtekið hringinn.= 48 fastal,
9. umf. 1 fastal í hverja fastal næstu 3 fastal 2 fastal í næstu fastal endurtekið = 60 fastal.
10. umf. 3 loftlykkjur * hlaupið yfir 2 fastal með jöfnu millibili er hlaupið yfir 1 fastal alls 6-12-18 sinnum 1 fastal í næstu fastal, 2 loftl * endurtekið  þannig að það verða 22-24-26 loftlykkjubogar.lokið hringnum.
 
11. umf. heklið fl utan um fyrsta loftlykkjubogann að miðju 1 loftlykkja * 2 stuðlar. 1 loftlykkja 2 stuðlar um næsta loftlykkjuboga  1 fastal um næsta loftl boga * endurtakið *-* allan hringinn lokið hringnum. Þá eiga að vera 11-12-13 tungur.
 
12-15. umf.  3 loftlykkjur * 3 stuðlar 1 loftl 3 stuðlar í miðja næstu tungu 1 stuðul í fastalykkjuna á milli frá fyrri uumferð*endurtakið *-* og lokið hringnum.
 
16. umf, 3 loftlykkjur * 3stuðlar 2 loftl 3 stuðlar í miðja næstu tungu 1 stuðull í stuðulinn í síðustu umferð *.endurtakið *-* loka hringnum.
 
17. umf. 3 loftl.* 4 stuðlar , 2 loftl., 4 stuðlar í miðja tungu  1 stuðull í næsta stuðul* endurtakið *-* lokið hringnum og tengið.
 
Þessi umferð er endurtekin þar til húfan mælist  10-11-12 sm frá uppfitjun.
 
Þegar þeirri lengd er náð er heklað á sama hátt nema tvöfaldur stuðull er notaður í stuðlana þannig er heklað þar til húfan mælist 14-15-16 sm. Gangið frá  endum. 
 
Ef vill er gott að hekla band undir hökuna til að húfan tolli betur á kollinum.             
Halla tekur upp Íslenskt staðfest
Fréttir 28. mars 2024

Halla tekur upp Íslenskt staðfest

Halla Sif Svansdóttir Hölludóttir, garðyrkjubóndi og eigandi Sólskins grænmetis ...

Uppfærsla á stefnumörkun Bændasamtaka Íslands
Fréttir 27. mars 2024

Uppfærsla á stefnumörkun Bændasamtaka Íslands

Fjölmörg mál voru til afgreiðslu á nýliðnu Búnaðarþingi 2024, úr fimm nefndum, s...

Endurnýting heimil til 1. nóvember 2025
Fréttir 27. mars 2024

Endurnýting heimil til 1. nóvember 2025

Matvælaráðuneytið hefur tilkynnt um frestun á gildistöku banns við endurnýtingu ...

Horfið frá framleiðslutengdum stuðningi
Fréttir 27. mars 2024

Horfið frá framleiðslutengdum stuðningi

Fyrirkomulag landbúnaðarstuðningskerfis á Íslandi mun taka miklum breytingum ef ...

Hyggur á slátrun í haust ef leyfi fæst
Fréttir 26. mars 2024

Hyggur á slátrun í haust ef leyfi fæst

Fyrrverandi sláturhússtjóri á Vopnafirði ætlar ekki að láta deigan síga þrátt fy...

Niðurskurði lokið á fé úr Blöndudal
Fréttir 26. mars 2024

Niðurskurði lokið á fé úr Blöndudal

Niðurskurður á sauðfé frá bæjunum Eiðsstöðum og Guðlaugsstöðum í Blöndudal fór f...

Kornræktarfélag gengur í endurnýjun lífdaga
Fréttir 26. mars 2024

Kornræktarfélag gengur í endurnýjun lífdaga

Kornræktarfélag Suðurlands verður endurvakið sem viðskiptavettvangur ræktenda og...

Grípa þarf tækifærin
Fréttir 26. mars 2024

Grípa þarf tækifærin

Forseti Íslands, Guðni Th. Jóhannesson, telur að bændur eigi að leyfa sér að hor...