Vinsamlegast athugið að þetta efni er eldra en mánaðar gamalt.
Umplöntunarróbótinn í Sólskógum. Nýting gróðurhúsanna bætist til muna þegar hægt er að sá í lítil ræktunarhólf.
Umplöntunarróbótinn í Sólskógum. Nýting gróðurhúsanna bætist til muna þegar hægt er að sá í lítil ræktunarhólf.
Mynd / Aðsendar
Fréttir 19. apríl 2024

Fyrsti umplöntunarróbóti landsins

Höfundur: Ástvaldur Lárusson

Í maí í fyrra var settur upp umplöntunarróbóti á gróðrarstöðinni Sólskógum í Kjarnaskógi, rétt innan við Akureyri.

Katrín Ásgrímsdóttir.

Katrín Ásgrímsdóttir, annar eigenda Sólskóga, segir þetta vera myndavélastýrt tæki sem taki upp plöntur úr bökkum með mjög smáum ræktunarhólfum og færi yfir í bakka með stærri hólf. Tækið skynji hvar spírun hefur heppnast og því náist full nýting á stærri ræktunarhólfunum, í staðinn fyrir 80 til 85 prósent.

Margföld afköst

„Þetta breytir algjörlega öllum ræktunaráætlunum hjá okkur,“ segir Katrín. Áður en þau fengu róbótinn þurftu þau að sá beint í stærri ræktunarhólfin sem leiddi til verri nýtingar á gróðurhúsunum. „Ég get komið fjórum til fimm milljónum plantna inn í tvö þúsund fermetra gróðurhús í staðinn fyrir átta hundruð þúsund til eina og hálfa milljón,“ tekur hún fram.

Þökk sé vélinni geta þau sáð mun fyrr en áður. Núna byrjuðu þau að sá í byrjun mars og verður þeim plöntum umplantað í maí og júní þar sem þær verða látnar vaxa utandyra.

Róbótinn geri flokkun á plöntum jafnframt mun skilvirkari. Katrín nefnir sem dæmi birkiplöntur sem umplantað var í fyrra sem vor allar mjög jafnar í bökkunum. Viðskiptavinirnir hafi þar af leiðandi verið himinlifandi.

Stærsti framleiðandi landsins

Aðspurð hvort vélin hafi verið dýr segir Katrín það vera afstætt. Sjálfur róbótinn hafi kostað nokkra tugi milljóna en þau hafi einnig þurft að byggja upp aðstöðu sem hafi ekki kostað minna. Það hafi meðal annars verið vinnslusalur fyrir vélina og frystigeymsla fyrir plöntur. Sólskógar eru með eina umplöntunarróbótinn á landinu, enda langstærsti framleiðandi skógarplantna hérlendis.

Þessi tækni er ekki alveg ný, en Katrín sá sambærilega vél við skógarplöntuframleiðslu í Noregi fyrir nokkrum árum. Þá hafi blómaræktendur í Evrópu nýtt sér umplöntunarróbóta í þónokkurn tíma. Hröð þróun sé í tæknibúnaðinum og reiknar Katrín með að mikill munur sé á þessari vél og þeim sem voru framleiddar fyrir áratug. Þessi tiltekni umplöntunarróbóti kemur frá Viscon Group í Hollandi.

Aspir og wasabi ræktuð samhliða
Fréttir 24. maí 2024

Aspir og wasabi ræktuð samhliða

Nordic Wasabi er um þessar mundir að setja á innanlandsmarkað frostþurrkað wasab...

„Bjart fram undan og afurðaverð á uppleið“
Fréttir 24. maí 2024

„Bjart fram undan og afurðaverð á uppleið“

Jóhannes Geir Gunnarsson, bóndi á Efri-Fitjum í Vestur-Húnavatnssýslu, er bjarts...

Fóðra mjölorma til fóður- og matvælaframleiðslu
Fréttir 24. maí 2024

Fóðra mjölorma til fóður- og matvælaframleiðslu

Í samstarfsverkefni Matís og Landbúnaðarháskóla Íslands (LbhÍ) er unnið að því a...

Samdráttur samfélags
Fréttir 23. maí 2024

Samdráttur samfélags

Póstþjónusta landsmanna hefur verið hitamál svo lengi sem menn muna og ekki síst...

Fleiri kostir, meiri sveigjanleiki og bætt nýtni það sem koma skal
Fréttir 22. maí 2024

Fleiri kostir, meiri sveigjanleiki og bætt nýtni það sem koma skal

Út er komin skýrslan Bætt orkunýtni og ný tækifæri til orkuöflunar. Hún hefur að...

Bændur ársins í Norður-Þingeyjarsýslu
Fréttir 22. maí 2024

Bændur ársins í Norður-Þingeyjarsýslu

Ábúendurnir í Hafrafellstungu í Öxarfirði fengu nafnbótina Bændur ársins 2023 í ...

Mikilvægt að bæta merkingar fyrir neytendur
Fréttir 22. maí 2024

Mikilvægt að bæta merkingar fyrir neytendur

Herdís Magna Gunnarsdóttir, nautgripabóndi á Egilsstöðum og stjórnarmaður í Bænd...

Verður milliliður milli ræktenda og kornstöðva
Fréttir 22. maí 2024

Verður milliliður milli ræktenda og kornstöðva

Starfsemi Kornræktarfélags Suðurlands var endurvakin á fundi kornbænda í Gunnars...