Vinsamlegast athugið að þetta efni er eldra en 5 ára.
Hnit frá Koltursey á Landsmóti hestamanna 2016. Knapi er Daníel Jónsson.
Hnit frá Koltursey á Landsmóti hestamanna 2016. Knapi er Daníel Jónsson.
Mynd / Marius Mackenzie
Fréttir 29. maí 2017

Fyrsta kynbótasýning ársins

Höfundur: Guðrún Hulda Pálsdóttir

Fyrsta kynbótasýning ársins á Íslandi fór fram á Sörlastöðum í Hafnarfirði 22.-26. maí. Dæmt var mánudag til miðvikudags en yfirlitssýning fór fram á föstudag.

Alls voru 74 hross skráð til dóms. Þar á meðal hross sem áður hafa hlotið háa dóma. Alla jafna koma færri hross til dóms á þeim árum sem Landsmót hestamanna er ekki haldið, en hátíðin er talin mikilvægur kynningargluggi fyrir kynbótahross og ræktunarbú. Því leggja ræktendur gjarnan áherslu á að vænlegustu hrossin séu í sínu besta formi á þeim tíma og halda því frekar að sér höndum á árum milli Landsmóta.

Farmiði á heimsmeistaramót fyrir hæstu einkunn

Þó er það ekki alltaf svo. Því í ár eygja örfáir ræktendur von um að tefla kynbótahrossi fram á heimsmeistaramót íslenska hestsins sem að þessu sinni verður haldið í Oirschot í Hollandi dagana 7.–13. ágúst.

Tvö kynbótahross frá hverju þátttökulandi, ein hryssa og einn stóðhestur, eru sýnd fyrir dómi á mótinu í þremur aldursflokkum, 5 vetra, 6, vetra og 7 vetra og eldri.

Til þess að verða fulltrúi Íslands á heimsmeistaramótinu þarf hross að vera fætt hérlendis og vera sýnt í kynbótadómi á þessu ári. Þátttakan er svo iðulega boðin þeim hrossum sem hljóta hæstu aðaleinkunn.

Kolskeggur toppar sig

Hæstu einkunn sýningar hlaut Kolskeggur frá Kjarnholtum I. Hann hlaut 8,86 í aðaleinkunn sem er hæsta einkunn sem gefin hefur verið í heiminum í ár. Krókur fékk 8,74 fyrir sköpulag og 8,94 fyrir kosti, þar af 9,5 fyrir skeið. Þetta er hærri einkunn en Kolskeggur fékk á Landsmóti hestamanna í fyrra, en þá var hann í öðru sæti í elsta flokki stóðhesta með 8,79 í aðaleinkunn. Kolskeggur er 9 vetra undan Kvisti frá Skagaströnd og Heru frá Kjarnholtum I.

Næsthæstu einkunn sýningarinnar hlaut Krókur frá Ytra-Dalsgerði, 8,70, en hann er einnig í elsta flokki stóðhesta. Hann hlaut 8,76 fyrir sköpulag og 8,67 fyrir kosti. Krókur er 11 vetra undan Gára frá Auðsholtshjáleigu og Hnoss frá Ytra-Dalsgerði.

Hæstu einkunn í 6 vetra flokki hesta hlaut Árblakkur frá Laugasteini, 8,58. Árblakkur fékk 8,28 fyrir sköpulag og 8,78 fyrir kosti. Hann er undan Ágústínusi frá Melaleiti og Áróru frá Laugasteini.

Hæstu einkunn 5 vetra stóðhesta hlaut Apollo frá Haukholtum. Hann hlaut 8,68 í aðaleinkunn, 8,76 fyrir sköpulag og 8,63 fyrir kosti. Apollo er undan Arion frá Eystra-Fróðholti og Eldingu frá Haukholtum.

Hnit frá Koltursey hæst

Hnit frá Koltursey var hæst hryssna, en hún hlaut aðaleinkunnina 8,69 sem mun vera hæsta einkunn sem gefin hefur verið hryssum í heiminum í ár. Hún hlaut 8,64 fyrir sköpulag og 8,73 fyrir kosti. Hnit er 9 vetra undan Stála frá Kjarri og Kjarnorku frá Sauðárkróki.

Hæstu einkunn 6 vetra hryssna hlaut Urður frá Stuðlum. 8,39. Hún hlaut 8,35 fyrir sköpulag og 8,42 fyrir kosti. Urður er undan Mjölni frá Hlemmiskeiði 3 og Hnotu frá Stuðlum.

Krafla frá Breiðholti í Flóa var hæst 5 vetra hryssna með 8,53 í aðaleinkunn.  Hún hlaut 8,17 fyrir sköpulag og 8,77 fyrir kosti. Krafla er undan Ómi frá Kvistum og Gunnvöru frá Miðsitju.

Sló met fyrir sköpulag

Athygli vakti að 4 vetra stóðhestur, Hylur frá Flagbjarnarholti hlaut 8,96 fyrir sköpulag, en það mun vera þriðji hæsti dómur sem gefinn hefur verið fyrir sköpulag í sögunni. Hylur hlaut einkunnina 9,5 fyrir samræmi og prúðleika og einkunnina 9 fyrir háls/herðar/bóga, bak og lend, fótagerð og hófa. Hylur er undan Herkúlesi frá Ragnheiðarstöðum og Rás frá Ragnheiðarstöðum.

Einkunnir í Evórpu

Kynbótasýningar íslenskra hrossa í Evrópu hefjast fyrr en á Íslandi og hafa nú þegar allnokkur hross, fædd hérlendis, komið fyrir dóm.

Þar má nefna að Starri frá Herríðarhóli hlaut langhæstu einkunn allra hrossa á sýningu í Bæjaralandi Þýskalands í apríl. Hann hlaut 8,69 í aðaleinkunn, 8,26 fyrir sköpulag og 8,84 fyrir kosti. Starri er fæddur 2010 undan Ágústínusi frá Melaleiti og Hyllingu frá Herríðarhóli.

Næsthæstu einkunn í þeirri sömu sýningu hlaut Mist frá Hrafnkelsstöðum 1 sem fædd er 2011. Hún hlaut 8,45 í aðaleinkunn, 8,26 fyrir sköpulag og 8,57 fyrir kosti. Eigandi þeirra beggja er Elke Handtmann en sýnandi þeirra var Árni Björn Pálsson.

Kynbótasýningar um allt land

Ráðgert er að halda 16 kynbóta­sýningar hér á landi í ár. Næstu kynbótasýningar fara fram á Melgerðismelum dagana 29. maí–2. júní, á Selfossi 29. maí – 2. júní og í Fljótsdalshéraði 1. og 2. júní.

Lokadagar skráninga og greiðsludaga má nálgast á vefsíðu Ráðgjafarmiðstöðvar landbúnaðarins, rml.is

 

Svínaflensa í Rússlandi
Fréttir 27. september 2022

Svínaflensa í Rússlandi

Afríska svínaflensan greindist á stóru rússnesku svínabúi í lok sumars. ...

Hækkun upp á 35,5 prósent að meðaltali fyrir dilka yfir landið
Fréttir 30. ágúst 2022

Hækkun upp á 35,5 prósent að meðaltali fyrir dilka yfir landið

Uppfærslur á verðskrám sláturleyfishafa, vegna sauðfjárslátrunar 2022, halda áfr...

Fjár- og stóðréttir 2022
Fréttir 25. ágúst 2022

Fjár- og stóðréttir 2022

Fjár- og stóðréttir verða nú með hefðbundnum brag, en tvö síðustu haust hafa ver...

Riðuþolinn sauðfjárstofn verður ræktaður
Fréttir 7. júlí 2022

Riðuþolinn sauðfjárstofn verður ræktaður

Staðfest er að samtals 128 gripir bera annaðhvort ARR-arfgerð, sem er alþjóðlega...

Bændur borguðu 412 krónur með hverju kílói af framleiddu nautakjöti árið 2021
Fréttir 7. júlí 2022

Bændur borguðu 412 krónur með hverju kílói af framleiddu nautakjöti árið 2021

Afurðatekjur af nautaeldi mæta ekki framleiðslukostnaði og hafa ekki gert síðast...

Sláturfélag Vopnfirðinga boðar verulegar afurðaverðshækkanir
Fréttir 27. júní 2022

Sláturfélag Vopnfirðinga boðar verulegar afurðaverðshækkanir

Sláturfélag Vopnfirðinga boðar umtalsverðar hækkanir á afurðaverði til sauðfjárb...

„Viðnámsþróttur þjóða byggir á öflugri innlendri matvælaframleiðslu“
Fréttir 14. júní 2022

„Viðnámsþróttur þjóða byggir á öflugri innlendri matvælaframleiðslu“

Stjórn Bændasamtakana telur skýrslu og tillögur Spretthóps, sem lagaðar voru fyr...

Spretthópur leggur til 2,5 milljarða króna stuðning
Fréttir 14. júní 2022

Spretthópur leggur til 2,5 milljarða króna stuðning

Spretthópur, sem matvælaráðherra skipaði vegna alvarlegrar stöðu í matvælaframle...