Vinsamlegast athugið að þetta efni er eldra en 8 ára.
Með fækkun hrossa á kynbótasýningum á Landsmóti hestamanna skapast möguleikar  á að útfæra sýningar á kynbótahrossum á annan hátt en verið hefur. Í þessu samhengi hafa úrvalssýningar hrossa verið nefndar. Hér er Ölnir frá Akranesi, hæst dæmdi 6 vetra stóð
Með fækkun hrossa á kynbótasýningum á Landsmóti hestamanna skapast möguleikar á að útfæra sýningar á kynbótahrossum á annan hátt en verið hefur. Í þessu samhengi hafa úrvalssýningar hrossa verið nefndar. Hér er Ölnir frá Akranesi, hæst dæmdi 6 vetra stóð
Fréttir 19. október 2015

Fyrirhugað að fækka hrossum á mótinu

Höfundur: Guðrún Hulda Pálsdóttir
Fyrirhugaðar eru breytingar á sýningum kynbótahrossa á Landsmóti hestamanna á Hólum. Samkvæmt tillögum starfshóps um málefnið verður sett þak á fjölda kynbótahrossa á mótinu. 
 
Mun það gefa færi á nýjum útfærsl­um á sýningum kynbótahrossa. Hugmyndirnar verða kynntar í fundarferð á næstu vikum.
 
Á síðasta aðalfundi Félags hrossabænda var skipaður starfshópur til að ræða nýtt fyrirkomulag Landsmóta. Ástæðan er sterk krafa um að létta dagskrá kynbótasýninga á mótinu og gera hana áhorfendavænni. Í nefndinni sitja fulltrúar frá aðildarfélögum Félags hrossabænda, Landssambandi hestamannafélaga, Ráðgjafarmiðstöð landbúnaðarins og Félagi tamningamanna. Munu fulltrúar starfshópsins kynna niðurstöður hennar og hugmyndir í fundarferð sem farin verður kringum landið í október.
 
Dagskráin þykir þung í vöfum
 
Val kynbótahrossa inn á Landsmót hestamanna hefur verið háð einkunnarlágmörkum sem Fagráð í hrossarækt gefur út ár hvert. Hafa þau hross sem uppfylla einkunnarlágmörk á vorsýningum hlotið rétt til að koma fram í hefðbundinni kynbótasýningu Landsmóti, þar sem hrossin eru dæmd fyrir kosti. Einkunn fyrir sköpulag hefur hins vegar staðið samkvæmt vordómi. 
 
Einkunnarlágmörkin hafa þó haft þá vankanta að ekki hefur verið hægt að vita fyrirfram hversu mörg hross hljóta þátttökurétt. Því hefur fylgt óvissa sem hefur háð skipulagi og dagskrá mótsins. Þannig hlutu um 280 hross þátttökurétt á Landsmótinu á Hellu 2014, en 231 hross komu fram. Þótti dagskráin fullþung í vöfum sem bætti enn þá kröfu, frá fyrri árum, að breytinga sé þörf.
 
Samkvæmt hugmyndum starfshópsins verður sett þak á fjölda hrossa í hverjum flokki. Þannig munu aðeins hæst dæmdu hrossin hljóta þátttökurétt. Þorvaldur Kristjánsson, ábyrgðarmaður hrossaræktar hjá RML, situr í nefndinni. Hann segir fjölda hrossa í hverjum flokki vera útfærsluatriði en líklegast verði miðað við sögu fyrri ára, sem sýnir að flest hrossin koma fram í 5 og 6 vetra flokki og einnig þurfi að komast að því hver heildarfjöldinn eigi að vera. Þá hafi komið til umræðu hvort dæma ætti öll kynbótahrossin á mótinu eða stefna á kynningar á hluta hrossanna, þ.e. elsta flokk hrossa.
 
Úrvalskostir og falleg hross
 
Með því að fækka hrossum á kynbótasýningum og minnka vægi í flokki elstu hrossa, telur skipulagsnefndin að hægt sé að létta á dagskrá kynbótahrossa á Landsmóti. Þá gæti enn fremur skapast möguleikar á að útfæra sýningar á kynbótahrossum á annan hátt en verið hefur.
 
Í þessu samhengi nefnir Þorvaldur úrvalssýningar hrossa með einkunnina 9,5 og 10 fyrir ákveðnar gangtegundir sem gætu orðið vinsælar meðal áhorfenda. 
 
Þá segir hann spennandi að gefa byggingardómum vægi á Landsmóti. Þannig væri hægt að stilla upp fallegustu hrossum landsins, samkvæmt kynbótadómum, áhorfendum til gagns og gleði. Fleiri útfærsluatriði hafa verið rædd innan nefndarinnar og vonast Þorvaldur eftir að eiga gagnlegar samræður við fundargesti á fyrirhugaðri fundarferð en þar verða þessar hugmyndir kynntar og fólki gefst færi á því að segja sína skoðun á þeim.
 
Stefnt er að því að fullmóta tillögu að breyttu fyrirkomulagi kynbótasýninga á Landsmóti hestamanna fyrir aðalfund Félags hrossabænda sem fram fer í byrjun nóvember. 

2 myndir:

Leyfa gas- og jarðgerð úr matarafgöngum
Fréttir 28. maí 2024

Leyfa gas- og jarðgerð úr matarafgöngum

Matvælastofnun hefur nýlega tilkynnt um að Gas- og jarðgerðarstöð Sorpu (GAJA) h...

Heimaframleiðsla lögleg
Fréttir 28. maí 2024

Heimaframleiðsla lögleg

Heimaframleiðsla nefnist umgjörð sem sköpuð var til að heimila litlum aðilum í F...

Bjórinn Naddi sló í gegn í London
Fréttir 28. maí 2024

Bjórinn Naddi sló í gegn í London

Fjórir íslenskir bjórar frá KHB brugghúsi á Borgarfirði eystra hlutu bresk bjórv...

Listeríusýkingar vaxandi vandamál
Fréttir 27. maí 2024

Listeríusýkingar vaxandi vandamál

Tíðni listeríusýkinga í Evrópu fer vaxandi og samkvæmt greiningum á fyrstu þremu...

Göngustígar hjá Geysi
Fréttir 27. maí 2024

Göngustígar hjá Geysi

Framkvæmdir við nýtt gönguleiðakerfi á Geysissvæðinu í Haukadal í Bláskógabyggð ...

Minnsta framleiðsla í ríflega sextíu ár
Fréttir 27. maí 2024

Minnsta framleiðsla í ríflega sextíu ár

Alþjóðlegu vínsamtökin International Organisation of Vine and Wine (OIV) segja í...

Aspir og wasabi ræktuð samhliða
Fréttir 24. maí 2024

Aspir og wasabi ræktuð samhliða

Nordic Wasabi er um þessar mundir að setja á innanlandsmarkað frostþurrkað wasab...

„Bjart fram undan og afurðaverð á uppleið“
Fréttir 24. maí 2024

„Bjart fram undan og afurðaverð á uppleið“

Jóhannes Geir Gunnarsson, bóndi á Efri-Fitjum í Vestur-Húnavatnssýslu, er bjarts...