Vinsamlegast athugið að þetta efni er eldra en 7 ára.
FRÉTTATILKYNNING frá Bændasamtökum Íslands:
Fréttir 18. maí 2015

FRÉTTATILKYNNING frá Bændasamtökum Íslands:

Höfundur: Vilmundur Hansen

Verkfall dýralækna innan BHM hófst þann 20. apríl síðastliðinn og hefur það haft mikil áhrif á stöðu innlendra alifugla- og svínabænda þar sem slátrun stöðvast í verkfalli. Á meðan verkfallið hefur staðið yfir hafa þessar búgreinar sótt um undanþágur til slátrunar vegna vaxandi þrengsla á búunum og tekjuskorts.

Veittar voru undanþágur af hálfu dýralækna til slátrunar vegna dýravelferðarsjónarmiða þar sem þrengsli á mörgum búum voru orðin umfram lögbundnar kröfur. Undanþágur voru veittar með því skilyrði af hálfu dýralækna að sölubann yrði á þeim afurðum sem undanþága var veitt fyrir. Gilti þetta samkomulag fyrir alifuglabændur í 17. og 18. viku og svínabændur í 19. og 20. viku. 

Þann 13. maí síðastliðinn var svo fundur BHM með Bændasamtökum Íslands, Svínaræktarfélagi Íslands og Félagi kjúklingabænda um afgreiðslu frekari undanþágubeiðna. Rætt var um þá grafalvarlegu stöðu sem orðin er í þessum búgreinum og jafnframt að ef bú fengju ekki brátt tekjur stefndi í fjöldagjaldþrot í greinunum. Þá hefur slæm lausafjárstaða búanna áhrif á möguleika þeirra til að kaupa fóður og aðföng til að sinna dýrunum. Þá er ljóst að þau 1400 tonn af kjötbirgðum sem eru komin á frost til viðbótar þeim 200 tonnum af innfluttu kjöti sem bíða tollafgreiðslu munu hafa neikvæð áhrif á kjötmarkaðinn til lengri tíma með tilheyrandi tekjutapi fyrir íslenskan landbúnað. Á fundinum var því rætt um með hvaða hætti væri hægt að veita frekari undanþágur til þess að afstýra fjöldagjaldþrotum og lögð til ákveðin málsmeðferð í þeim efnum þannig að hægt væri að létta undir með búunum. 

Félög bænda fylgdu þeirri forskrift sem gefin var á fundinum og komu leiðbeiningum til sinna félagsmanna um hvernig ætti að senda undanþágubeiðnir áður en fundur undanþágunefndar dýralækna var haldinn í dag. Undanþágunefnd dýralækna kom svo saman en hafnaði öllum undanþágubeiðnum án rökstuðnings. Sú höfnun kom öllum í opna skjöldu og ekki hafa verið veittar frekari skýringar á henni. Bændasamtök Íslands harma þessa niðurstöðu. Fjárhagstjón bænda er þegar orðið gríðarlegt og samráð við BHM og Dýralæknafélag Íslands hefur litlu skilað. Því telja Bændasamtök Íslands tilgangslaust að reyna það frekar að svo stöddu.
 

Sólarorkuver á fjósþaki
Fréttir 25. nóvember 2022

Sólarorkuver á fjósþaki

Á Eystri-Leirárgörðum var nýlega sett upp raforkuver á útihús. Þetta er hluti af...

Ísland skuldbundið til að vakta lífríkið
Fréttir 25. nóvember 2022

Ísland skuldbundið til að vakta lífríkið

Grænbók stjórnvalda um líffræðilega fjölbreytni íslenskra vistkerfa var birt í S...

Nytjaréttur viðurkenndur
Fréttir 24. nóvember 2022

Nytjaréttur viðurkenndur

Í nýrri skýrslu um stöðu og áskoranir þjóðgarða og annarra friðlýstra svæða segi...

Átak í sálrænni líðan
Fréttir 24. nóvember 2022

Átak í sálrænni líðan

Í Skotlandi hefur verkefni verið hleypt af stokkunum sem á að gæta að geðrænni h...

Varmadælur skjótvirkasta orkan og alvöru orkuöflun
Fréttir 24. nóvember 2022

Varmadælur skjótvirkasta orkan og alvöru orkuöflun

Sigurður Ingi Friðleifsson, sviðsstjóri loftslagsbreytinga, orkuskipta og nýsköp...

Alls verða 23 nýir hrútar kynntir inn á sæðingastöðvarnar
Fréttir 23. nóvember 2022

Alls verða 23 nýir hrútar kynntir inn á sæðingastöðvarnar

Hinir árlegu hrútafundir, þar sem hrútaskráin er kynnt og ræktunarmálin rædd, er...

Greiddu 465 milljónir kr.
Fréttir 23. nóvember 2022

Greiddu 465 milljónir kr.

Í lok október greiddi matvælaráðuneytið 465 milljónir króna til bænda sem álag á...

Mikil fjölgun íbúa
Fréttir 22. nóvember 2022

Mikil fjölgun íbúa

Íbúar Hvalfjarðarsveitar eru nú orðnir 750 og hefur þeim fjölgað um 63 íbúa frá ...