Vinsamlegast athugið að þetta efni er eldra en 3 ára.
Í desember 2018 var starfsemi Til sjávar og sveita kynnt með viðhöfn á veitingastað IKEA í Garðabæ.
Í desember 2018 var starfsemi Til sjávar og sveita kynnt með viðhöfn á veitingastað IKEA í Garðabæ.
Mynd / TB
Fréttir 11. mars 2019

Framsæknar og djarfar nýjungar í landbúnaði og sjávarútvegi

Höfundur: Tjörvi Bjarnason

Nú er orðið ljóst hvaða tíu teymi hafa verið valin til þátttöku í „Til sjávar og sveita“, fyrsta viðskiptahraðlinum á Íslandi sem einblínir á nýjar lausnir og sjálfbæra verðmætasköpun í landbúnaði og sjávarútvegi. Snyrtivörur úr gulrótum, fullvinnsla æðarduns og kolsýrt drykkjarvatn úr sjó eru meðal hugmynda sem hlutu brautargengi.

Í fréttatilkynningu frá Icelandic Startups, sem halda utan um Til sjávar og sveita, kemur fram að markmiðið með hraðlinum sé að aðstoða frumkvöðla við að byggja upp næstu kynslóð fyrirtækja í landbúnaði og sjávarútvegi. Verkefninu er ætlað að veita þátttakendum faglega undirstöðu og hraða ferlinu frá því að hugmynd fæðist þar til viðskipti taka að blómstra.

Yfir 70 umsóknir bárust

„Til sjávar og sveita er haldinn í fyrsta skipti í ár en yfir sjötíu umsóknir bárust í hraðalinn. Af þessum hópi voru tuttugu umsækjendur teknir í viðtal og hafa tíu teymi nú verið valin til þátttöku úr þessum breiða hópi umsækjenda. Þrjú fyrirtæki vinna að tæknilausnum en hin sjö eru afurðatengd og koma bæði úr landbúnaði og sjávarútvegi. Í níu vikur fá forsvarsmenn fyrirtækjanna tækifæri til að þróa hugmyndir sínar undir leiðsögn reyndra frumkvöðla, fjárfesta, lykilaðila innan landbúnaðar og sjávarútvegs og annarra sérfræðinga þeim að kostnaðarlausu,“ segir í fréttatilkynningu.

Bakhjarlar úr ólíkum áttum

Icelandic Startups hefur í samstarfi við Íslenska sjávarklasann komið á fót til Sjávar og sveita með fulltingi Ikea á Íslandi, Matarauðs Íslands, Landbúnaðarklasans og HB Granda. Í gegnum þessa bakhjarla fá fyrirtækin aðgang að tengslaneti og fagþekkingu. Ætlunin er að hraðallinn varpi ljósi á þau tækifæri sem felast í sjálfbærri nýtingu auðlinda á Íslandi.

Eftirtalin tíu fyrirtæki taka þátt í „Til sjávar og sveita“ 2019:

ArcanaBio
Ný háhraða tækni sem útbýr DNA greiningarpróf, allt frá matvælaiðnaði yfir í líftækni.

Álfur Beer
Bruggar bjór úr kartöfluhýði sem færi annars til spillis.

Beauty by Iceland
Snyrtivörur úr gulrótum og rófum sem færu annars til spillis.

Feed The viking
Sprotafyrirtæki sem starfar með það markmið að auka virði íslenskra matvæla með nýsköpun og öflugri markaðssetningu.

Ljótu kartöflurnar
Framleiðsla á kartöfluflögum úr annars flokks íslensku hráefni sem annars yrði fargað.

Stafræn veiðibók
Færa veiðibókina af pappírnum upp í skýin.

Pure Natura
Framleiðir hágæða íslensk fæðuunnin bætiefni úr lambainnmat og íslenskum jurtum.

Tracio
Næsta kynslóð rekjanleika og upplýsingakerfa sem á nýjan hátt eykur skilvirkni og traust í virðiskeðju matvæla.

Urtasjór
Framleiðsla á jurtabragðbættu og kolsýrðu, steinefnaríku drykkjarvatni unnið úr sjó.

Æðarkollur
Fullvinnsla æðardúns á Íslandi.


Ítarefni:
Myndir frá fundi í IKEA í desember sl. þegar Til sjávar og sveita var hleypt af stokkunum.

 

Úrskurður MAST felldur úr gildi
Fréttir 1. febrúar 2023

Úrskurður MAST felldur úr gildi

Matvælaráðuneytið hefur fellt úr gildi úrskurð Matvælastofnunar sem hafði stöðva...

Enn versnar rekstrarafkoma skuldsettra kúabúa
Fréttir 31. janúar 2023

Enn versnar rekstrarafkoma skuldsettra kúabúa

Ráðgjafarmiðstöð landbúnaðarins (RML) hefur lokið við greiningu á rekstri 154 kú...

Skordýr sem fóður og fæða
Fréttir 31. janúar 2023

Skordýr sem fóður og fæða

Við Landbúnaðarháskóla Íslands er unnið verkefni sem snýr að því að koma upp sko...

Arabískt fyrirtæki fjárfestir í Atmonia
Fréttir 30. janúar 2023

Arabískt fyrirtæki fjárfestir í Atmonia

Efnafyrirtækið Sabic Agri-Nutrients hefur keypt einkarétt á notkun tækni Atmonia...

35 kindur drápust í bruna
Fréttir 30. janúar 2023

35 kindur drápust í bruna

„Aðkoman var óhugnanleg og þetta er mikið áfall,“ segir Guðjón Björnsson, bóndi ...

Innflutningur erfðaefnis skilar góðum árangri
Fréttir 27. janúar 2023

Innflutningur erfðaefnis skilar góðum árangri

Samkvæmt niðurstöðum Ráðgjafarmiðstöðvar landbúnaðarins (RML) úr skýrsluhaldi na...

Verðskrá Skeljungs og Fóðurblöndunnar
Fréttir 27. janúar 2023

Verðskrá Skeljungs og Fóðurblöndunnar

Skeljungur og Fóðurblandan hafa birt verðskrá fyrir þær tegundir af áburði sem f...

Ekkert veiðibann á döfinni
Fréttir 26. janúar 2023

Ekkert veiðibann á döfinni

Veiðibann á grágæs hefur ekki tekið gildi á Íslandi og ekki stendur til að banna...