Vinsamlegast athugið að þetta efni er eldra en 1 árs.
Óneitanlega fallegur, virkar lítill að utan, en rúmgóður og stór að innan.
Óneitanlega fallegur, virkar lítill að utan, en rúmgóður og stór að innan.
Mynd / HLJ
Fræðsluhornið 27. apríl 2021

Land Rover Discovery Sport tengitvinnbíll

Höfundur: Hjörtur L. Jónsson

Stuttu fyrir páska prófaði ég Land Rover Discovery Sport P300e tengil-tvinnbíl sem er annars vegar með rafmagnsmótor og hins vegar með bensínvél sem skila samanlagt 309 hestöflum. Uppgefin drægni fullhlaðinn á rafhlöðunni er sögð vera 55 km.

Rafhlaðan dugði stutt í kuldanum

Bíllinn var fullhlaðinn þegar ég tók bílinn og byrjaði ég strax á að hávaðamæla bílinn inni í farþegarýminu á meðan ég var að keyra á rafhlöðunni. Kuldinn var mikill (fyrsta daginn af þremur sem ég var með bílinn), en þrátt fyrir mikinn kulda mældist hávaðinn á 90 km hraða ekki nema 65,3 db. Þrátt fyrir -5 stiga frost (virðist mælast aðeins meiri hávaði hjá mér í mælingum ef frost er mikið).

Það sem kom mér hins vegar á óvart var að ég náði ekki að keyra nema um 25 kílómetra á rafhlöðunni þar til að bensínvélin fór í gang (frekar stutt miðað við uppgefna drægni), en það var kalt og ég taldi mig vera að keyra mjúklega á rafmagninu og ekki taka mikið út úr bílnum.

Það hafði snjóað um nóttina.

Langur bíltúr í snjó og hálku

Daginn eftir var tekin langkeyrsla og bíllinn prófaður við ýmis akstursskilyrði og á misholóttum vegum. Bíllinn var á nýrri tegund óneglanlegra Michelin dekkja og víða var mikil hálka. Spólvörnin og deiling afls niður í hjólbarðana var þannig að það var eins og bíllinn væri á negldum dekkjum. Svo vel skilaði hann aflinu niður á veginn að hann hreinlega mokaðist áfram. Þegar átti að stoppa var sama sagan, ABS bremsukerfið sá til þess að bíllinn bremsaði beint og vel. Hreint ótrúlega vel, en á tveimur stöðum tvíprófaði ég bremsun af því mér fannst bíllinn stoppa óvenjulega vel miðað við hálku og aðstæður.

Í lok bíltúrsins, sem var rúmir 100 km, sagði aksturstölvan að ég hafi verið að eyða 8,1 lítra af bensíni, þrátt fyrir að hafa ekki verið í neinum sparakstri.

Bakkmyndavélin björt og góð þrátt fyrir að þarna var farið að skyggja.

Góður bíll í alla staði og nánast gallalaus

Að keyra bílinn var í alla staði þægilegt, sæti góð, rými mikið bæði frammi í bíl og fyrir aftursætisfarþega. Þakglugginn hlýtur að vera æðislegur sé verið að keyra og úti eru norðurljós á himni.

Þó lægsti punktur sé ekki nema 21,5 cm er uppgefin vatnsdýpt sem bíllinn má fara í 60 cm.

Hámarksdráttur á kerru með bremsubúnaði er 2.200 kg.

Farangursrými stórt, eini gallinn sem ég fann að bílnum er að maður þarf að kveikja ökuljósin til að fá ljós aftan á bílinn í björtu til að vera löglegur í umferðinni.

Varadekkið er það sem ég kalla „aumingi“ (skárra en ekkert því „flestir“ tengil-tvinnbílar eru ekki einu sinni með varadekk). Hins vegar fannst mér það skrítið að bíllinn væri ekki með fullbúið varadekk þar sem það kemst alveg fyrir í hólfinu þar sem „auminginn“ er samkvæmt minni mælingu.

Aðeins ein mínúta með rúðuhitarana í gangi og snjórinn var farinn að bráðna.

Fram- og afturrúðuhitararnir vinna sitt verk hratt

Það hafði snjóað um nóttina fyrir skiladag á bílnum þannig að í flestum tilfellum hefði þurft að skafa allan hringinn. Ég setti bílinn í gang og á meðan ég hreinsaði hliðarrúðurnar, sem tók varla meira en mínútu, voru hitararnir búnir að bræða bæði af fram- og afturrúðunni.

Verðið á bílnum sem ég prófaði er 9.990.000, en ódýrasti Land Rover Discovery Sport tengil-tvinnbíllinn kostar frá 8.890.000, en dýrasti HSE bíllinn kostar 11.490.000 kr.

Allar nánari upplýsingar um bílinn má finna á vefsíðunni www.landrover.is.

Samkvæmt minni mælingu þá kemst fullbúið varadekk í þetta pláss þar sem auminginn er.

Helstu mál og upplýsingar:

Lengd 4.597 mm
Hæð 1.727 mm
Breidd 2.173 mm

Betri nýting áburðar með hjálp IceCORS leiðréttingarkerfis Landmælinga Íslands
Fræðsluhornið 16. maí 2022

Betri nýting áburðar með hjálp IceCORS leiðréttingarkerfis Landmælinga Íslands

Eins og allir hafa orðið varir við þá hefur áburðarverð hækkað verulega á síðast...

Úrvalsnýting nautanna sem voru fædd 2016
Fræðsluhornið 9. maí 2022

Úrvalsnýting nautanna sem voru fædd 2016

Sú hefð hefur skapast að sýna niðurstöður afkvæmarannsókna á nautum með því að d...

Skráningar á kynbótasýningar þetta vorið
Fræðsluhornið 9. maí 2022

Skráningar á kynbótasýningar þetta vorið

Opnað verður á skráningar á kynbótasýningar nú í byrjun maí og verður það kynnt ...

Nýr sparneytinn Honda HR-V
Fræðsluhornið 9. maí 2022

Nýr sparneytinn Honda HR-V

Fyrir nokkru síðan frumsýndi Askja nýjan Honda HR-V Hybrid-bíl, sjálfskiptan, fr...

Jarðrækt – Sprotinn
Fræðsluhornið 6. maí 2022

Jarðrækt – Sprotinn

Lífið fer hring eftir hring og þannig er aftur komið vor með tilheyrandi viðfang...

Fyrstu nautin fædd 2017 komin í framhaldsnotkun
Fræðsluhornið 5. maí 2022

Fyrstu nautin fædd 2017 komin í framhaldsnotkun

Nýtt kynbótamat var keyrt núna í mars að loknu uppgjöri skýrslna fyrir febrúar. ...

Mikið af næringarefnum enn ónýtt
Fræðsluhornið 5. maí 2022

Mikið af næringarefnum enn ónýtt

Heildarmagn þeirra næringarefna sem er að finna í lífrænum úrgangi sem fellur ti...

Staða fuglaflensu á Íslandi
Fræðsluhornið 5. maí 2022

Staða fuglaflensu á Íslandi

Í mars 2022 voru fyrirskipaðar hertar varnaraðgerðir til að fyrirbyggja að fugla...