Vinsamlegast athugið að þetta efni er eldra en 4 ára.
Sölvi Björn Sigurðsson, Hrafnhildur Gunnarsdóttir, Daníel Hansen, Jóhannes Nordal, Ásgeir Jónsson og Hildur Traustadóttir. Mynd / Seðlabanki Íslands.
Sölvi Björn Sigurðsson, Hrafnhildur Gunnarsdóttir, Daníel Hansen, Jóhannes Nordal, Ásgeir Jónsson og Hildur Traustadóttir. Mynd / Seðlabanki Íslands.
Fréttir 8. júlí 2020

Fræðafélag um forustufé hlaut 1,5 milljóna króna í styrk

Höfundur: Vilmundur Hansen

Úthlutun úr menningarsjóði sem tengdur er nafni Jóhannes­ar Nordal, fyrr­ver­andi seðla­bankastjóra, fór fram í níunda sinn fyrir skömmu. Markmiðið með styrk­veiting­unni er að styðja viðleitni einstak­linga og hópa sem miðar að því að varðveita menningar­verðmæti sem nú­verandi kyn­slóð hefur fengið í arf.

Meðal þeirra sem hlutu styrk að þessu sinni er Fræðafélag um forystufé á Svalbarði í Þistilfirði. Það hlaut 1,5 milljóna króna styrk til að skrá allt forustufé í landinu í miðlægan gagnagrunn, fjarvis.is.

Tilgangurinn að skrá ættir forystufjár

Daníel Hansen, forstöðumaður Fræðaseturs um forystufé, segir að styrkurinn geri fræðafélaginu kleift að láta klára og endurbæta gagnagrunn fjarvis.is þannig að hann aðgreini forustufé frá öðru fé í landinu. Í kjölfarið af því verða upplýsingar um allt forustufé á landinu skráðar og gerðar aðgengilegar. Daníel segir að skráningin muni skrá ættir forustufjár eins langt aftur og hægt er.

Daníel Hansen, forstöðumaður Fræða­seturs um forustufé. /Mynd VH.

„Forustufé er hluti af íslenskum menningararfi sem okkur ber að varðveita og safna upplýsingum um og varðveita. Ættrakningin nær mislangt aftur eftir svæðum, yfirleitt 30 til 40 ár, en í sumum tilfellum nær hún 100 ár aftur í tímann.“

Daníel segir að forustufé sé aðeins til á Íslandi og að það hafi verið viðurkennt sem sérstakur fjárstofn árið 2017 og að skráningin sé fyrsta skrefið í ferli þar sem óskað er eftir að forustufé fari á skrá hjá UNESCO sem dýrategund í útrýmingarhættu.

Aðrir styrkhafar

Aðrir sem hlutu styrk að þessu sinni er Krumma films ehf., til þess að varðveita kvikmyndaðar heimildir sem rekja sögu homma og lesbía á Íslandi. Sölvi Björn Sigurðsson fékk einnig styrk til vinnslu bókar um ævi afa síns, Magnúsar Ásgeirssonar, sem var afkastamikill og virtur þýðandi á fyrri hluta 20. aldar.

Alls bárust 29 umsóknir í ár og hlutu þrjú verkefni styrk úr sjóðnum. Úthlutunarnefndina skipa Hildur Traustadóttir, fulltrúi bankaráðs Seðlabanka Íslands, og er hún jafnframt formaður nefndarinnar, Páll Magnússon, ráðuneytisstjóri í mennta- og menningarmálaráðuneyti, og Guðrún Nordal, forstöðumaður Stofnunar Árna Magnússonar í íslenskum fræðum. 

Plastbrúsar framleiddir úr endurunnu rúlluplasti
Fréttir 25. apríl 2025

Plastbrúsar framleiddir úr endurunnu rúlluplasti

Fyrirtækið Pure North í Hveragerði hefur nú náð að loka hringrás endurvinnslu á ...

Reykjavík Open 2025 – Friðriki til heiðurs
Fréttir 25. apríl 2025

Reykjavík Open 2025 – Friðriki til heiðurs

Reykjavík Open, sem hófst miðvikudaginn 9. apríl í Hörpu, hefur fyrir löngu fest...

Málstofa um áburðarmöguleika fiskeldisseyrunnar
Fréttir 24. apríl 2025

Málstofa um áburðarmöguleika fiskeldisseyrunnar

Fiskeldi á landi er vaxandi atvinnugrein, allnokkur stór eldisfyrirtæki eru í up...

Framleiðsla á Hrym í Búðardal
Fréttir 23. apríl 2025

Framleiðsla á Hrym í Búðardal

Fyrirhuguð er stórtæk framleiðsla á lerkiafbrigðinu Hrymi í Dalabyggð á næstu mi...

Skógur alltaf til bóta
Fréttir 22. apríl 2025

Skógur alltaf til bóta

Rannsóknir sýna að áhrif skógræktar á kolefnisforða jarðvegs eru nær alltaf orði...

Fjársjóður fjalla og fjarða
Fréttir 22. apríl 2025

Fjársjóður fjalla og fjarða

Tveggja daga íbúaþing, undir stjórn Sigurborgar Kr. Hannesdóttur, fór fram í Rey...

Er plantað nóg?
Fréttir 16. apríl 2025

Er plantað nóg?

Skógarbændur gegna mikilvægu hlutverki við landgræðslu og skógrækt. Þannig er sk...

Trump skellir í lás
Fréttir 16. apríl 2025

Trump skellir í lás

Alþjóðasamfélagið er skekið eftir tollahækkanir Trumps í þarsíðustu viku.