Vinsamlegast athugið að þetta efni er eldra en 2 ára.
Sveinn Margeirsson hefur starfað sem forstjóri Matís síðustu átta ár.
Sveinn Margeirsson hefur starfað sem forstjóri Matís síðustu átta ár.
Mynd / HKr.
Fréttir 6. desember 2018

Forstjóra Matís sagt upp störfum

Höfundur: Ritstjórn

Sveinn Margeirsson, forstjóri Matís, hefur látið af störfum eftir átta ára starf. Þetta var tilkynnt á vef fyrirtækisins fyrr í dag með stuttri fréttatilkynningu frá stjórn. Samkvæmt heimildum Bændablaðsins var Sveini sagt upp störfum og gert að hætta strax. Ástæðan er sögð trúnaðarbrestur á milli stjórnar og forstjóra. Á starfsmannafundi, sem haldinn var í Matís í dag, voru starfsmönnum ekki gefnar upp aðrar ástæður uppsagnarinnar þrátt fyrir ítrekaðar spurningar.

Sveinn Margeirsson og starfsfólk Matís var í fréttum í byrjun október þegar bændur á bænum Birkihlíð í Skagafirði slátruðu lömbum heima. Framkvæmdin var í samræmi við verklag sem Matís hefur lagt til að gildi um örsláturhús en er ólöglegt. Sveinn og hans fólk seldi síðan kjötafurðir af lömbunum á bændamarkaði á Hofsósi. Um miðjan nóvember kom fram að Matvælastofnun hefur óskað eftir rannsókn lögreglu á tiltækinu. Samkvæmt heimildum Bændablaðsins er ekki talið að þetta mál eitt og sér sé ástæða uppsagnarinnar.

Í tilkynningu frá stjórn, sem birt er á vef Matís, er Sveini þakkað framlag hans til félagsins og rakið að undir hans stjórn og með aðkomu öflugs starfsfólks, hugviti þeirra og þekkingu, hafi Matís vaxið.

Oddur Már Gunnarsson er starfandi forstjóri frá og með deginum í dag. Hann hefur starfað hjá Matís frá árinu 2008 sem forstöðumaður viðskiptaþróunar. Sjöfn Sigurgísladóttir, sem áður var forstjóri Matís, er núverandi stjórnarformaður. Með henni í stjórn eru Arnar Árnason, Drífa Kristín Sigurðardóttir, Helga Sigurrós Valgeirsdóttir, Sigmundur Einar Ófeigsson, Sigrún Traustadóttir og Sindri Sigurðsson. 

Hjá Matís er unnið að fjölbreyttum verkefnum í matvælaiðnaði þar sem áhersla er lögð á nýsköpun og verðmætaaukningu. Matís er 100% í eigu ríkissjóðs en Kristján Þór Júlíusson, sjávarútvegs- og landbúnaðarráðherra, fer með eignarhlut ríkisins í félaginu.

Stjórnarsáttmáli nýrrar ríkisstjórnar: tryggja á fæðuöryggi á Íslandi
Fréttir 29. nóvember 2021

Stjórnarsáttmáli nýrrar ríkisstjórnar: tryggja á fæðuöryggi á Íslandi

Stjórnarsáttmáli nýrrar ríkisstjórnar Framsóknarflokks, Sjálfsstæðisflokks og Vi...

Ný hitaveita Hornafjarðar formlega tekin í notkun
Fréttir 29. nóvember 2021

Ný hitaveita Hornafjarðar formlega tekin í notkun

Hitaveita Hornafjarðar var tekin formlega í notkun fimmtudaginn 21. október en l...

Vinstri grænir stýra ráðuneyti matvæla, sjávarútvegs og landbúnaðar
Fréttir 27. nóvember 2021

Vinstri grænir stýra ráðuneyti matvæla, sjávarútvegs og landbúnaðar

Samkvæmt heimildum Bændablaðsins mun þingmaður Vinstri grænna vera með ráðuneyti...

Bitbein um áburðarnotkun
Fréttir 26. nóvember 2021

Bitbein um áburðarnotkun

Lífrænir bændur í Danmörku geta nýtt sér húsdýraáburð frá ólífrænum búum í meira...

Nær 36 milljónir íbúa ESB geta ekki kynt heimili sín sómasamlega
Fréttir 26. nóvember 2021

Nær 36 milljónir íbúa ESB geta ekki kynt heimili sín sómasamlega

Í síðasta Bændablaði var greint frá því að samkvæmt könnun sem kynnt var af Euro...

Kolefnissporið kortlagt
Fréttir 26. nóvember 2021

Kolefnissporið kortlagt

Skútustaðahreppur hefur samið við nýsköpunarfyrirtækið Greenfo um að kortleggja ...

Flestir bílaframleiðendur veðja á efnarafala fremur en rafhlöður í þung ökutæki
Fréttir 25. nóvember 2021

Flestir bílaframleiðendur veðja á efnarafala fremur en rafhlöður í þung ökutæki

Vetnisvæðing, sem nú er rekin áfram af mikilli ákefð hjá öllum stærstu iðnríkjum...

Rekstur vindorkugarða sagður brjóta á mannréttindum Sama
Fréttir 25. nóvember 2021

Rekstur vindorkugarða sagður brjóta á mannréttindum Sama

Norðmenn hafa upplifað spreng­ingu í uppsetningu vindorkustöðva á undanförnum ár...