Vinsamlegast athugið að þetta efni er eldra en 3 ára.
Þótt Íslendingar hafi lítið verið að ferðast til útlanda á síðasta ári þá gegnir öðru máli með íslensk hross. Ekki hafa fleiri hross farið úr landi með flugvélum í 23 ár.
Þótt Íslendingar hafi lítið verið að ferðast til útlanda á síðasta ári þá gegnir öðru máli með íslensk hross. Ekki hafa fleiri hross farið úr landi með flugvélum í 23 ár.
Mynd / Íslandsstofa
Fréttir 26. febrúar 2021

Flutt voru út 2.320 hross sem er mesti hrossaútflutningur síðan 1997

Höfundur: Margrét Þóra Þórsdótttir / Hörður Kristjánsson

Árið 2020 voru 2.320 hross flutt út frá Íslandi en eftirspurn eftir íslenska hestinum erlendis hefur vaxið hratt. Alls voru 2.320 hross flutt úr landi. Það eru 811 fleiri hross en árið 2019, sem þó var mjög gott ár með 1.509 útflutt hross. Þetta er 53% aukning milli ára. Fara þarf 23 ár aftur í tímann, eða til 1997, til að finna sambærilegar tölur, en þá voru 2.565 hross flutt úr landi. Þetta kemur fram í samantekt WorldFengs.

Þetta ár kemst í sögubækur þegar kemur að útflutningi á hrossum, en salan var einnig góð innanlands og eftirspurn eftir hrossum hefur almennt verið góð undanfarið. Reyndar var talað um algjöra sprengingu í útflutningi á íslenskum hestum á forsíðu Bændablaðsins 22. október þegar séð var í hvað stefndi.

Fluttir voru út í fyrra 314 stóðhestar, 1.015 hryssur og 991 geldingar. Þar af voru 156 1. verðlaunahross. Samkvæmt Hagstofunni var samanlagt útflutningsverðmæti hrossa árið 2020 rúmir 1,5 milljarðar íslenskra króna, samanborið við rétt rúman milljarð árið 2019. Þetta er einnig 53% aukning milli ára.

176% vöxtur til Bandaríkjanna

Útflutningur til allra helstu markaðssvæða jókst í fyrra. Eins og ævinlega fóru flest hross til Þýskalands, eða 974. Næstflest hross fóru til Svíþjóðar og Danmerkur, eða 306 og 271 hross. Athygli vekur að Bandaríkin eru í fjórða sæti, en 141 hross voru flutt þangað í samanburði við 51 árið 2019. Þetta er gífurleg aukning milli ára, eða 176% vöxtur!

Fleiri markaðir sækja í sig veðrið. Sviss, sem er í fimmta sæti, tók við 135 íslenskum hestum. Það er aukning upp á 40 hross, eða 42% milli ára. Til Belgíu fóru 43 hross, sem er meira en þrefaldur fjöldi þeirra hrossa sem sendur var þangað árið á undan.

Líta Bretlandsmarkað hýru auga

Í Bretlandi var tekið við 31 hrossi í fyrra, nærri tvöfalt fleiri hrossum en árið 2019. Útflytjendur hafa löngum litið Bretlandsmarkað hýru auga vegna nálægðar og náinna tengsla við sterka markaði annars staðar í Evrópu. Strembið hefur reynst að vekja áhuga breskra hestaunnenda á íslenska hestinum vegna ríkra reiðmennskuhefða á stórum hestum, en þetta gæti verið vísbending um breytt viðhorf, segir í fréttabréfi Horses of Iceland.

Einnig fóru íslenskir hestar til nýrra markaðssvæða árið 2020, en þrjú íslensk hross voru flutt til Lettlands í fyrsta skipti.
Gott orð fer af íslenska hestinum erlendis, en rannsóknir gefa til kynna að markaðsstarf Horses of Iceland hafi borið góðan árangur. Kostir íslenska hestsins hafa verið kynntir á samfélagsmiðlum, í blaðagreinum, í sjónvarpsþáttum, á sýningum og víðar. Kynningarefnið hefur náð til stórs hóps fólks úti um allan heim.

„Það er margt sem hefur áhrif á þetta frábæra útflutningsár en það er klárt að fólk eyddi meiru í tómstundir sínar frekar en ferðalög í fyrra. Við erum svo heppin að hestamennsku er hægt að stunda að mestu leyti þrátt fyrir heimsfaraldurinn. Hins vegar teljum við einnig að gott vörumerki með samræmd skilaboð og myndefni sem Horses of Iceland hefur komið á framfæri hafi haft mjög jákvæð áhrif á ímynd íslenska hestsins. Við finnum greinilega fyrir auknum áhuga í mörgum löndum,“ segir Jelena Ohm, verkefnastjóri Horses of Iceland.

Þrátt fyrir erfitt efnahagsástand vegna Covid-19 eru hrossaútflytjendur bjartsýnir og búast við áframhaldandi góðum útflutningi árið 2021.

Jelena Ohm, verkefnastjóri Horses of Iceland.

Skylt efni: hross | hrossaútflutningur

Hundrað hesta setningarathöfn
Fréttir 12. júlí 2024

Hundrað hesta setningarathöfn

Setningarathöfn Landsmóts hestasmanna er alla jafna hátíðleg.

Til þess var leikurinn gerður
Fréttir 11. júlí 2024

Til þess var leikurinn gerður

Stjórn Búsældar hefur fyrir sitt leyti samþykkt söluna á Kjarnafæði Norðlenska t...

Skammur aðdragandi að sölunni
Fréttir 11. júlí 2024

Skammur aðdragandi að sölunni

Bræðurnir Eiður og Hreinn Gunnlaugssynir hafa sem áður segir samþykkt kauptilboð...

Kaup Skagfirðinga á Kjarnafæði Norðlenska
Fréttir 11. júlí 2024

Kaup Skagfirðinga á Kjarnafæði Norðlenska

Meginmarkmið kaupa Kaupfélags Skagfirðinga (KS) á Kjarnafæði Norðlenska (KN) er ...

Tilþrif á Landsmóti
Fréttir 11. júlí 2024

Tilþrif á Landsmóti

Enginn skortur var á glæsilegum tilþrifum stólpafáka sem komu fram í gæðingakepp...

Verður langstærsta kjötafurðastöð landsins
Fréttir 11. júlí 2024

Verður langstærsta kjötafurðastöð landsins

Kaupfélag Skagfirðinga (KS) hefur gert kauptilboð í allt hlutafé Kjarnafæðis Nor...

Ullarvika á Suðurlandi
Fréttir 10. júlí 2024

Ullarvika á Suðurlandi

Ullarvika á Suðurlandi verður haldin í þriðja sinn dagana 29. september til 5. o...

Mesta hamingjan í Skagafirði, á Snæfellsnesi og á Héraði
Fréttir 10. júlí 2024

Mesta hamingjan í Skagafirði, á Snæfellsnesi og á Héraði

Hamingja íbúa í Skagafirði, á Snæfellsnesi og á Héraði mælist mest á landinu í n...

Bænder
12. júlí 2024

Bænder

Skammur aðdragandi að sölunni
11. júlí 2024

Skammur aðdragandi að sölunni

Magnað Landsmót 2024
12. júlí 2024

Magnað Landsmót 2024

Oddgeirshólar
29. ágúst 2019

Oddgeirshólar

Svín og korn
12. júlí 2024

Svín og korn