Vinsamlegast athugið að þetta efni er eldra en 6 ára.
Goes 625 og 520 með skóflunni og veltiboga.
Goes 625 og 520 með skóflunni og veltiboga.
Mynd / HLJ
Á faglegum nótum 16. ágúst 2016

Fjórhjól sem henta bæði til vinnu og ferðalaga

Höfundur: Hjörtur L. Jónsson
Í byrjun júlí bauð Jóhannes Bjarnason, sviðsstjóri verslunarsviðs hjá Jötunn vélum, mér að prófa tvö fjórhjól sem fyrirtækið selur.
 
Við mæltum okkur mót á æfinga- og keppnissvæði Vél­hjóla­íþróttaklúbbsins í Bola­öldum gegnt Litlu kaffistofunni í Svínahrauni. Jóhannes mætti með tvö Goes fjórhjól, annars vegar hjól sem heitir 520 og hitt sem heitir 625. Eftir að hafa klætt mig í öryggisfatnaðinn minn var kominn tími á stutta prófun á hvoru hjóli.  
 
Goes 520
 
Ég byrjaði á að prófa 520 hjólið. Ástæða þess að ég valdi minna hjólið fyrst var að á því var veltibogi frá Lifeguard þar sem ég taldi mig orðinn heldur ryðgaðan í akstri fjórhjóla. Hvort það var öryggistil­finningin að vita af veltiboganum fyrir aftan mig þá þorði ég strax að taka vel á hjólinu í motocrossbrautinni. Þrátt fyrir að vélin væri ekki nema 500 cc var krafturinn nægur til að hafa gaman af hjólinu. Í beygjunum var gott að hafa rafmagnsstýrið sem hjálpaði við að létta stýringu út úr kröppum beygjunum. Við nánari skoðun á fjórhjólinu sá ég strax, miðað við fyrri fjórhjól sem ég hef prófað sem framleidd voru í Kína, að allur frágangur á rafmagnssnúrum er mun betri en var fyrir 3–6 árum. Fjöðrunin er töluvert mýkri en var á eldri „Kínahjólum“ og greinilegt að þeir eru að taka sig á í vandaðri framleiðslu.
 
625 hjólið meira ferðatæki
 
Sami hringur var tekinn á stærra hjólinu og munurinn var töluverður. Stífari fjöðrun, en hægt er að stilla gasdemparana bæði framan og aftan, stýring aðeins þyngri og greinilega meira tog og kraftur. Miðað við minna hjólið hentar 625 hjólið betur til lengri ferða, aksturs með farþega og að draga kerru (bæði fjórhjólin koma með 50 mm dráttarkúlu). Ljósabúnaðurinn er betri á 625 hjólinu, en á því eru ledljós að framan sem ekki er á minna hjólinu. Á farangursgrindina aftan á var búið að setja stóran farangurskassa á 625 hjólið sem er aukabúnaður, en burðargeta farangursgrindanna á hjólunum er um 100 kg. 625 hjólið er á 14 tommu álfelgum. Það hefur þann kost að hægt er að kaupa venjuleg nagladekk sem ætluð eru fólksbílum sé verið að nota hjólið mikið í hálku og snjó.
 
Goes fjórhjólin eru afrakstur samvinnu
 
Goes er franskt fyrirtæki stofnað af nokkrum fyrrverandi starfsmönnum Bombardier árið 2005. Frá upphafi hefur áherslan verið lögð á framleiðslu einfaldra og vandaðra vinnuhjóla og eru hjólin í dag seld í 15 Evrópulöndum og framleiðslan er um 4.000 hjól á ári. Hönnunarvinna kemur frá Frakklandi, en sem dæmi þá er grind ættuð frá Yamaha, mótor og drif frá CF Moto, en hjólin eru sett saman í CF Moto verksmiðjunum. Bæði hjólin eru með spili, en þess ber að geta að bæði hjólin á myndunum eru með aukabúnaði. Smærra hjólið er með veltiboga en stærra hjólið er með farangurskassa. Þegar ég spurði Jóhannes um hvort tryggingar gefi ekki góðan afslátt af tryggingum á fjórhjólum sem eru útbúin með veltiboga eins og smærra hjólið varð ég satt best að segja hissa hvað afslátturinn var lítill. Samkvæmt ástralskri forvarnargrein um þessa veltiboga er þar í landi gefinn allt að 50% afsláttur á tryggingum fjórhjóla með veltiboga.
 
Samanburður, verð og mál
 
Að velja á milli hjólanna er frekar vandasamt, en sennilega myndi ég hafa það svona: Til léttrar vinnu samanber girðingarvinnu og eftirlit með búfé mundi ég velja 520 hjólið. Sé mikið verið í lengri ferðum (á ég þar við 30 mín. akstur eða meira) myndi ég velja stærra hjólið. Verðmunurinn er ekki mikill, en stærra hjólið kostar 1.590.000 kr. og það minna 1.397.000 krónur. 

6 myndir:

Rannsakar skyggnar konur
Fréttir 7. febrúar 2023

Rannsakar skyggnar konur

Dr. Dalrún Kaldakvísl Eygerðardóttir sagnfræðingur rannsakar sögu skyggnra kvenn...

Of algengt að hestunum sé gefinn óþverri
Fréttir 6. febrúar 2023

Of algengt að hestunum sé gefinn óþverri

Margeir Ingólfsson og Sigríður Jóhanna Guðmundsdóttir, bændur á bænum Brú í Blás...

Tíu ára starfsafmæli
Fréttir 3. febrúar 2023

Tíu ára starfsafmæli

Tíu ár eru síðan Ráðgjafarmiðstöð landbúnaðarins (RML) var sett á laggirnar. Af ...

Innlend fóðurframleiðsla gæti nýtt jarðhita sem fer til spillis
Fréttir 3. febrúar 2023

Innlend fóðurframleiðsla gæti nýtt jarðhita sem fer til spillis

Fjárfestingafélag Þingeyinga hf. hefur unnið að skýrslu í samstarfi við verkfræð...

Markaðssetning utan hefðbundins sláturtíma
Fréttir 2. febrúar 2023

Markaðssetning utan hefðbundins sláturtíma

Nýlega var Sláturhúsi Vesturlands í Borgarnesi veittur styrkur úr markaðssjóði s...

Úrskurður MAST felldur úr gildi
Fréttir 1. febrúar 2023

Úrskurður MAST felldur úr gildi

Matvælaráðuneytið hefur fellt úr gildi úrskurð Matvælastofnunar sem hafði stöðva...

Enn versnar rekstrarafkoma skuldsettra kúabúa
Fréttir 31. janúar 2023

Enn versnar rekstrarafkoma skuldsettra kúabúa

Ráðgjafarmiðstöð landbúnaðarins (RML) hefur lokið við greiningu á rekstri 154 kú...

Skordýr sem fóður og fæða
Fréttir 31. janúar 2023

Skordýr sem fóður og fæða

Við Landbúnaðarháskóla Íslands er unnið verkefni sem snýr að því að koma upp sko...