Vinsamlegast athugið að þetta efni er eldra en 9 ára.
Fíflavín og krækiberjasnafs
Á faglegum nótum 10. október 2014

Fíflavín og krækiberjasnafs

Höfundur: Vilmundur Hansen

10 til 15 lítrar af  blómkörfum fífla
4 til 6 lítrar sjóðandi vatn
5 til 6 kíló sykur (má nota púðursykur til helminga)
10 sítrónur
6 appelsínur
2 kíló rúsínur
2 til 3 stappaðir bananar, valfrjálst en gerir vínið fyllra.

Best er að tína fíflablómin í þurru veðri, fjarlægið leggina strax.  Bik­arblöðin undir blómkörfunni mega fylgja með, þau krydda vínið, gera það aðeins beiskara eða rammara, aðrir vilja fjarlægja allan græna hlut­ann.

Skolið blómin og setjið blómkörf­urnar í gerjunarílátið. Hellið 4 til 6 lítrum af sjóðandi heitu vatni yfir og hrærið  reglulega í leginum næstu 2 til 3 dagana.

Kreistið safann úr ávöxtunum, appelsínum og sítrónum, geymið safann. Síið vökvann og setjið í pott ásamt söxuðum rúsínunum og smátt skornum berkinum af ávöxtunum,  látið suðuna koma upp. Setjið aftur í gerjunarílátið og hrærið sykrinum saman við.

Bætið við köldu vatni upp að 24 lítrum. Hitinn á blöndunni þarf að vera um 22 til 25° C.
Hrærið Pectolose saman við blönduna, til að skerpa bragð og lit.
Bætið ger og gernæringu saman við eftir um það  bil hálftíma.
Þegar  gerjun er komin af stað bætið ávaxtasafanum saman við.
Geymið ílátið við stofuhita og hrærið í því kvölds og morgna.
Þegar gerjun hefur staðið yfir í 3 til 4 daga, fleytið þá yfir á annað ílát.
Látið vínið gerja út eða svo gott sem.  
Víninu fleytt yfir á annan kút og gerstopp sett saman við og hrist vel.
Eftir sólarhring  er nauðsynlegt að athuga hvort það sé kolsýra í víninu.
Kúturinn er hristur hressilega nokkrum sinnum á dag í nokkra daga eða þangað til „hviss“ hættir að heyrast.

 


Í lokin eru sett felliefni og gerjunarílátið látið standa í 2 til 3 vikur.
Eftir það er vínið sett á flöskur og er tilbúið til drykkjar eftir nokkrar vikur en batnar eftir því sem frá líður í 6 til 12 mánuði. 

 

Krækiberjasnafs
 
500 grömm krækiber (eða önnur ber)
750 millilítrar gin
100 grömm sykur
 
Nota má fryst ber.  Þvoið berin vel og merjið þau. Setjið berin í stóra krukku ásamt sykrinum og gininu og hristið vel.  Geymið á köldum, dimmum stað og hristið daglega í tvær vikur og síðan vikulega í tvo og hálfan mánuð.  
 
Sigtið snafsinn og hellið á hreina flösku, sem áður hefur verið skoluð vel upp sjóðandi heitu vatni og kæld.  
 
Sjálfsagt er að nýta berin til dæmis í ávaxtakökur eða desert. Ef sykurmagnið er aukið upp í 500 grömm verður til líkjör.  
 
Bláber og sólber njóta sín mjög vel í vodka.  Bæta má örlítilli vanillu í líkjörinn ef vill. 
Ríkt af B12-vítamíni, fólati, kalíum og sinki
Fréttir 1. mars 2024

Ríkt af B12-vítamíni, fólati, kalíum og sinki

Samkvæmt niðurstöðum verkefnis sem nýlega var unnið hjá Matís, um nýtingu og nær...

Vaxtalækkun lána
Fréttir 1. mars 2024

Vaxtalækkun lána

Fram kom í frétt Bændablaðsins, 2. nóvember 2023, að stjórn Byggðastofnunar hefð...

Endurvinnslan er mest innanlands
Fréttir 29. febrúar 2024

Endurvinnslan er mest innanlands

Guðlaugur Gylfi Sverrisson, rekstrarstjóri Úrvinnslusjóðs, segir stjórn sjóðsins...

Háskóladagurinn á fjórum stöðum
Fréttir 29. febrúar 2024

Háskóladagurinn á fjórum stöðum

Háskóladagurinn verður haldinn í Reykjavík laugardaginn 2. mars.Þá gefst fólki k...

Rýnt í lagaumgjörð hvalveiða
Fréttir 29. febrúar 2024

Rýnt í lagaumgjörð hvalveiða

Forsætisráðherra hefur skipað starfshóp sem falið er að skoða lagaumgjörð hvalve...

Rækta má hundruð kílóa kjöts af einni stofnfrumu
Fréttir 28. febrúar 2024

Rækta má hundruð kílóa kjöts af einni stofnfrumu

Vistkjöt var boðið til smökkunar í Kópavoginum um miðjan mánuð, í fyrsta sinn í ...

Lambhagi notar „Íslenskt staðfest“
Fréttir 28. febrúar 2024

Lambhagi notar „Íslenskt staðfest“

Vigdís Häsler, framkvæmdastjóri Bændasamtaka Íslands, og Hafberg Þórisson, eigan...

Samræmt söfnunarkerfi
Fréttir 27. febrúar 2024

Samræmt söfnunarkerfi

Vinna á tillögu um útfærslu fyrir samræmt söfnunarkerfi dýraleifa á landsvísu se...