Vinsamlegast athugið að þetta efni er eldra en 3 ára.
Sigurður Sæmundsson var nýkominn af fræðslufyrirlestri um skeiðgenið í tjaldi Horses of Iceland þegar blaðamaður  Bændablaðsins rakst á hann.
Sigurður Sæmundsson var nýkominn af fræðslufyrirlestri um skeiðgenið í tjaldi Horses of Iceland þegar blaðamaður Bændablaðsins rakst á hann.
Mynd / ghp
Fréttir 27. júlí 2018

Fallegri skepnur og skarpari útsendingar

Höfundur: Guðrún Hulda Pálsdóttir
Sigurður Sæmundsson, hrossabóndi á Skeiðvöllum í Lands­veit og fyrrum afreksknapi, hefur fylgst með hraðri framþróun íslenska gæðingsins síðastliðin 50 ár. Hann var gestur á Landsmóti hestamanna.
 
Hestakostur Íslendinga er sífellt að batna ef marka má kynbótadóma, sem eru á stöðugri uppleið. „Það sem við erum að sjá núna eru hestar sem eru að fá einkunnir fyrir byggingu upp á 8,60 – 8,70 og jafnvel yfir það. Slíkar tölur heyrði maður ekki fyrir 20 – 30 árum síðan. Svona rosalegar framfarir í ræktun meðal annars hvað byggingu varðar eiga sér að öllum líkindum nokkrar forsendur, margviss ræktun betur byggðra hrossa og svo ekki síður allt uppvaxtarferlið. Hestur sem er sýndur og fær 8,00 fyrir byggingu eða jafnvel undir því á vart orðið séns á að vera meðal þeirra efstu nema leggja að velli öll heimsmet hvað varðar hæfileikaeinkunn.“
 
Sigurður vonast til þess að betri gæði í ræktuninni eigi eftir að nýtast á fjölþættan hátt fyrir hinn almenna hestamann.
 
„Hrossarækt þarf að ganga út á að búa til betri vöru. Ekki bara betri vöru til að hlaupa eftir kynbótabrautunum og keppnisvöllum heldur og vöru til almennrar notkunar. Þar þurfa kröfur tveggja hópa að fara saman. Annars vegar hópsins sem hefur gaman af keppni. Svo er það hinn, þessi venjulegi útreiðamaður. Hann þarf að hafa sitt pláss í hestinum í framtíðinni líka,“ segir Sigurður og bendir á tölur sem sýna að 85-95% allra hestamanna heyri undir hinn almenna útreiðamann, 5-15% eru keppnisknapar. 
 
„Ræktunarstarfsemi dagsins þarf að beinast að þeirri framtíðarhugsjón að rækta bæði keppnis- og útreiðargæðing. Það er hins vegar ekki einfalt mál að framleiða þennan framtíðarhest, þar er í mörg horn að líta t.d. hvað varðar geðslag og ganglag.“
 
Góðar útsendingar á kostnað áhorfenda í brekku
 
Sigurður var ánægður með Landsmótið. „Hér er afbragðs aðstaða fyrir mannfólk og veitingar um allt. Ég held að það eigi við um hestana líka. Hér eru hesthús fyrir alla og hægt að koma hrossum í skjól um leið og sýningar eru búnar.“ 
 
Hann telur tækniframfarir jákvæðar. „Nú eru veðrabrigði svo bændur þora ekki að fara mikið frá. En þeir geta gripið til útsendinganna sem eru frábærar. Ég hef aldrei séð svona góðar upptökur áður. Slík tækni hefur og á eftir að þróast mikið. En miðað við gæði útsendinganna þá gæti sá tími komið að ef leiðinlegt veður væri þá sæti fólk bara heima í stað þess að mæta á mót,“ segir Sigurður. 
Stjórnarsáttmáli nýrrar ríkisstjórnar: tryggja á fæðuöryggi á Íslandi
Fréttir 29. nóvember 2021

Stjórnarsáttmáli nýrrar ríkisstjórnar: tryggja á fæðuöryggi á Íslandi

Stjórnarsáttmáli nýrrar ríkisstjórnar Framsóknarflokks, Sjálfsstæðisflokks og Vi...

Ný hitaveita Hornafjarðar formlega tekin í notkun
Fréttir 29. nóvember 2021

Ný hitaveita Hornafjarðar formlega tekin í notkun

Hitaveita Hornafjarðar var tekin formlega í notkun fimmtudaginn 21. október en l...

Vinstri grænir stýra ráðuneyti matvæla, sjávarútvegs og landbúnaðar
Fréttir 27. nóvember 2021

Vinstri grænir stýra ráðuneyti matvæla, sjávarútvegs og landbúnaðar

Samkvæmt heimildum Bændablaðsins mun þingmaður Vinstri grænna vera með ráðuneyti...

Bitbein um áburðarnotkun
Fréttir 26. nóvember 2021

Bitbein um áburðarnotkun

Lífrænir bændur í Danmörku geta nýtt sér húsdýraáburð frá ólífrænum búum í meira...

Nær 36 milljónir íbúa ESB geta ekki kynt heimili sín sómasamlega
Fréttir 26. nóvember 2021

Nær 36 milljónir íbúa ESB geta ekki kynt heimili sín sómasamlega

Í síðasta Bændablaði var greint frá því að samkvæmt könnun sem kynnt var af Euro...

Kolefnissporið kortlagt
Fréttir 26. nóvember 2021

Kolefnissporið kortlagt

Skútustaðahreppur hefur samið við nýsköpunarfyrirtækið Greenfo um að kortleggja ...

Flestir bílaframleiðendur veðja á efnarafala fremur en rafhlöður í þung ökutæki
Fréttir 25. nóvember 2021

Flestir bílaframleiðendur veðja á efnarafala fremur en rafhlöður í þung ökutæki

Vetnisvæðing, sem nú er rekin áfram af mikilli ákefð hjá öllum stærstu iðnríkjum...

Rekstur vindorkugarða sagður brjóta á mannréttindum Sama
Fréttir 25. nóvember 2021

Rekstur vindorkugarða sagður brjóta á mannréttindum Sama

Norðmenn hafa upplifað spreng­ingu í uppsetningu vindorkustöðva á undanförnum ár...