Vinsamlegast athugið að þetta efni er eldra en 9 ára.
Evrópskur lax fluttur til Rússlands sem íslenskur
Fréttir 20. nóvember 2014

Evrópskur lax fluttur til Rússlands sem íslenskur

Höfundur: Vilmundur Hansen

300 tonn af laxi sem sagður er vera frá Skinney-Þinganesi hefur verið fluttur ólöglega frá Evrópu til Rússlands í gegnum Eistland. Merkingar og heilbrigðisvottorð sendinganna eru fölsuð. Matvælaeftirlit Rússlands telur að laxinn sé uppruninn í Evrópu.

Komið hefur í ljós að fylgiskjöl sem fylgdu sendingu laxi sem flytja átti til Rússlands í gegnum gegnum landamærastöð í Eistlandi voru fölsuð. Samkvæmt skjölunum var laxinn frá Íslandi og framleiddur af útgerðarfélaginu Skinney-Þinganes. Heilbrigðisvottorð frá Matvælastofnun og önnur gögn sem fylgdu sendingunni reyndust einnig vera fölsuð. Greint er frá þessu í fréttabréfi rússneska Matvælaeftirlitsins.

300 tonn af laxi
Við eftirgrennslan starfmanna rússneska matvælaeftirlitsins kom í ljós að frá því í október síðast linnum hafa verið flutt til Rússlands rúm 300 tonn af laxi undir nafni Skinneyjar-Þinganess.

Skinney-Þinganes flytur talsvert af uppsjávarafurðum til Rússlands en stundar ekki laxeldi né útflutning á lax. Hjá Skinney-Þinganess fengust þær upplýsingar að þar hefðu menn ekkert heyrt um þetta mál.

Talið er að laxinn sé framleiddur í Evrópu og að þeir sem fluttu hann til Rússlands hafi verið að notfæra sér nafn íslensks fyrirtækis til að komast í kringum innflutningsbann Rússa á vörum frá Evrópusambandinu og Noregi en Ísland er undanþegið því banni.

Málið er litið alvarlegum augum og er í rannsókn.

Sendinefnd skoðar íslenska framleiðslu
Um þessar mundir er stödd hér á landi eftirlitsnefnd frá Rússlandi, Hvíta-Rússlandi og Kasakstan til að gera úttekt á fisk-, kjöt- og mjólkurframleiðslu hér á landi með það í huga að Íslendingar fái leyfi til að flytja vörur sínar til Tollabandalags Rússlands, Hvíta-Rússlands og Kasakstan.

Tíu úttektarmenn frá Tollabandalaginu hafa verið að heimsækja íslensk fiskvinnslufyrirtæki, sláturhús, mjólkurstöðvar, fiskeldisstöðvar, svínabú og sauðfjárbú. Einnig heimsóti hópurinn rannsóknastofur og skoðaði framkvæmd við útgáfu heilbrigðisvottorða hjá Matvælastofnun.

Samkvæmt heimild Bændablaðsins er úttekt eftirlitsmanna mjög nákvæm.

Aspir og wasabi ræktuð samhliða
Fréttir 24. maí 2024

Aspir og wasabi ræktuð samhliða

Nordic Wasabi er um þessar mundir að setja á innanlandsmarkað frostþurrkað wasab...

„Bjart fram undan og afurðaverð á uppleið“
Fréttir 24. maí 2024

„Bjart fram undan og afurðaverð á uppleið“

Jóhannes Geir Gunnarsson, bóndi á Efri-Fitjum í Vestur-Húnavatnssýslu, er bjarts...

Fóðra mjölorma til fóður- og matvælaframleiðslu
Fréttir 24. maí 2024

Fóðra mjölorma til fóður- og matvælaframleiðslu

Í samstarfsverkefni Matís og Landbúnaðarháskóla Íslands (LbhÍ) er unnið að því a...

Samdráttur samfélags
Fréttir 23. maí 2024

Samdráttur samfélags

Póstþjónusta landsmanna hefur verið hitamál svo lengi sem menn muna og ekki síst...

Fleiri kostir, meiri sveigjanleiki og bætt nýtni það sem koma skal
Fréttir 22. maí 2024

Fleiri kostir, meiri sveigjanleiki og bætt nýtni það sem koma skal

Út er komin skýrslan Bætt orkunýtni og ný tækifæri til orkuöflunar. Hún hefur að...

Bændur ársins í Norður-Þingeyjarsýslu
Fréttir 22. maí 2024

Bændur ársins í Norður-Þingeyjarsýslu

Ábúendurnir í Hafrafellstungu í Öxarfirði fengu nafnbótina Bændur ársins 2023 í ...

Mikilvægt að bæta merkingar fyrir neytendur
Fréttir 22. maí 2024

Mikilvægt að bæta merkingar fyrir neytendur

Herdís Magna Gunnarsdóttir, nautgripabóndi á Egilsstöðum og stjórnarmaður í Bænd...

Verður milliliður milli ræktenda og kornstöðva
Fréttir 22. maí 2024

Verður milliliður milli ræktenda og kornstöðva

Starfsemi Kornræktarfélags Suðurlands var endurvakin á fundi kornbænda í Gunnars...