Vinsamlegast athugið að þetta efni er eldra en 8 ára.
Eru eymsli í skrokknum?
Fréttir 24. júní 2016

Eru eymsli í skrokknum?

Höfundur: Hjörtur L. Jónsson
Flestir kannast við að hafa einhverja kvilla í skrokknum svo sem bakverk, slæmleika í ökklum eða hnjám, öxlum, hálsi eða annars staðar. Sjálfur hef ég verið að glíma við vandamál í annarri öxlinni síðustu 3–4 mánuðina eftir vitlaust átak á öxlina í vetur. 
 
Fyrir skömmu hitti ég nuddara sem meðhöndlar fótboltalið í efstu deild í fótbolta og innti hann eftir því hvað ég gæti gert til að flýta fyrir bata.
 
Einfaldar æfingar og teygjur nokkrum sinnum á dag
 
Nuddarinn sagði mér að teygja á öxlinni á ýmsa vegu og sýndi mér nokkrar teygjuæfingar sem gott væri að gera nokkrum sinnum á dag. Viti menn, á nokkrum dögum hef ég batnað til muna og er nánast að verða góður. 
 
Hann sagði mér líka að flesta kvilla, strengi og stirðleika mætti laga með léttum æfingum svipuðum og Mullers-æfingum. Allt of fáir teygja á vöðvum sem lítið eru notaðir, en með því að teygja á sem flestum vöðvum má koma í veg fyrir ýmsa kvilla og nefndi hann sem dæmi hunda. Þegar hundar vakna eða standa á fætur eftir að hafa legið hreyfingarlausir í nokkurn tíma teygja þeir sig og fetta. Svipað getur mannfólkið gert til að forðast tognanir, strengi og vöðvabólgu.
 
Upphitanir fyrir íþróttir þykja sjálfsagðar, en eru of sjaldan notaðar í byrjun verks eða dags af almenningi.
 
Léttar teygjuæfingar gera gagn
 
Fyrir íþróttakappleiki er almennt hitað upp fyrir leik og teygt á helstu vöðvum sem notaðir voru eftir leikinn. Þetta má allavega nota oftar við almenn störf og þá sérstaklega erfiðisvinnu þar sem mikillar orku er krafist. 
 
Með léttum teygjuæfingum má koma í veg fyrir mikið af strengjum, vöðvabólgu og eymsli vegna álags á skrokkinn. Flestir þekkja einhvern sem getur gefið góð ráð sem hentar hverjum og einum til að æfa og þjálfa eftir eymsli á ýmsum stöðum og oftast eru þetta einfaldar æfingar sem ekki þarfnast sérstakra tækja eða tóla til að iðka.
 
Á vefsíðu ÍSÍ má finna ágætis grein um teygjuæfingar, einnig er ansi góð vefsíða sem deilir góðum heilbrigðum lífsstíl með gagnlegum ábendingum um heilbrigt líferni á vefsíðunni http://makeyourlifehealthier.com/ , ef farið er inn á vefsíðuna Google og leitað eftir orðinu teygjuæfingar má finna fróðleik sem margir geta notað.
Gæðingafeður og mæður
Fréttir 19. júlí 2024

Gæðingafeður og mæður

Skýr frá Skálakoti átti flest afkvæmi á Landsmóti hestamanna í ár, 31 talsins.

Kúakaup fyrir dómi
Fréttir 19. júlí 2024

Kúakaup fyrir dómi

Kúakaup milli tveggja bænda rötuðu til héraðsdóms á dögunum.

Úthlutun aflamarks
Fréttir 18. júlí 2024

Úthlutun aflamarks

Nýverið fundaði stjórn Byggðastofnunar vegna fyrirhugaðrar úthlutunar sértæks by...

Lóga þarf hrúti
Fréttir 18. júlí 2024

Lóga þarf hrúti

Bóndi þarf að afhenda Matvælastofnun ákveðinn hrút til að kanna útbreiðslu á rið...

Árangurinn kom á óvart
Fréttir 18. júlí 2024

Árangurinn kom á óvart

Fjölskyldan í Strandarhjáleigu í Rangárþingi eystra átti góðu gengi að fagna á n...

Mögulegur milliliður í kjötinnflutningi
Fréttir 17. júlí 2024

Mögulegur milliliður í kjötinnflutningi

Ýmislegt bendir til þess að fyrirtækið Háihólmi sé milliliður í innflutningi Kau...

Hestamennska gefur lífinu lit
Fréttir 17. júlí 2024

Hestamennska gefur lífinu lit

Það gustaði um hross kennd við Vöðla í Rangárþingi ytra á Landsmóti hestamanna.

Skrifað undir landsáætlun um útrýmingu á sauðfjárriðu
Fréttir 17. júlí 2024

Skrifað undir landsáætlun um útrýmingu á sauðfjárriðu

Skrifað var undir nýja landsáætlun um útrýmingu á sauðfjárriðu í Hörpu á mánudag...