Vinsamlegast athugið að þetta efni er eldra en 5 ára.
Sindri Sigurgeirsson er hér til fyrirmyndar við smalamennsku með hjálm og í áberandi klæðnaði. Ég náði mynd af honum þegar verið var að laga skeifu undir hesti hans.
Sindri Sigurgeirsson er hér til fyrirmyndar við smalamennsku með hjálm og í áberandi klæðnaði. Ég náði mynd af honum þegar verið var að laga skeifu undir hesti hans.
Mynd / HLJ
Fréttir 31. ágúst 2017

Ertu rétt klædd/ur til fjallaferða?

Höfundur: Hjörtur L. Jónsson
Í síðustu viku ók ég Sprengi­sandsleið og tók samlokustopp í Nýjadal og sá þá að snjóað hafði í hæstu fjöll í nágrenninu. Þessi sýn minnti mig á að það er að koma haust með tilfallandi haustverkum. 
 
Síðustu tvö ár hefur megnið af eftirfarandi texta komið hér í þessum pistli þar sem sérstaklega er verið að benda væntanlegum smölum á að klæða sig rétt við leitir. Svo vitnað sé til orðalags í bókina Ferðamennska og rötun sem gefin var út af Slysavarnafélaginu Landsbjörg þar sem farið var yfir hentug föt til útivistar, segir þar nokkurn veginn orðrétt:
 
„Engin bómull ætti að fara með til fjalla, gallabuxur, bolir, nærföt og sokkar úr bómullarefni eiga ekkert erindi á fjöll, bómullarföt halda verst hita ef þau blotna, bómull dregur í sig raka og einangrar þá ekkert.“
Til er mikið af góðum fatnaði og sokkum sem einangra vel, jafnvel þó blaut séu. 
 
Íslensku ullarfötin standa alltaf fyrir sínu
 
Góð ullarnærföt standa alltaf fyrir sínu og ekki er mikil svitalykt af ullarfötum. Regnfötin eru ómiss­andi, en endilega notið sem mest áberandi regnföt því þegar regnfata er þörf er almennt ekki gott skyggni og betra að vera í appelsínugulu regnfötunum frá 66°N sem sjást svo vel. Sokkar og skófatnaður er jafn breytilegur og úrvalið mikið. 
 
Þegar maður er blautur og kaldur á fótunum er manni alls staðar kalt og því mikil nauðsyn að vera vel útbúinn til fóta. Flóran í góðum sokkum er mikil, en mér hefur reynst vel sokkar úr efni sem heitir neopren, sama efni og er í blautbúningum kafara. Ókosturinn við þessa sokka er að eftir nokkra daga notkun í röð er lyktin af þeim frekar mikið vond, svo vond í mínum sokkum að lykt af skötu og hákarli bliknar við sokkalyktina á degi 4–5 í blautri mótorhjólaferð.
 
Þótt maður blotni í neopren sokkum verður manni ekki kalt, en svona sokkar fást m.a. í veiðibúðum. Ullarsokkar úr hreinni íslenskri ull eru alltaf gulls ígildi. Margir eru farnir að nota sokka sem nefnast selskinnssokkar og eru vatnsheldir og mjög hlýir.
 
Aldrei fara á fjöll nema með auka sokka og auka vettlinga
 
Misjafnt er hvernig menn búa sig til fjallaferða og oft fer ég hálendisdagsferðir á minni mótormeri, þá eru alltaf a.m.k. tvenn aukasokkapör, aukavettlingar og það nýjasta í bakpokanum er síðu upphituðu nærbuxurnar og fullhlaðin rafhlaða sem ég skrifaði um í fyrrasumar. Aldrei fer ég án litla sjúkrapakkans, hann fylgir mér í allar fjallaferðir. 
 
Ég hef kynnst því að detta illa á hausinn, en mín verstu meiðsli urðu á hægari ferð en margur smalahesturinn nær. Alltof oft sér maður hestamenn hjálmlausa í smölun og smala á fjórhjóli án hjálms. 
Förum jákvæð inn í smalamennskuna þetta árið með öryggið í fyrirrúmi og notum þann öryggisbúnað sem völ er á, það er svo leiðinlegt að heyra fréttir af slysum við smalamennsku. Nýjasta leynivopn mitt fæst í ýmsum útivistarvörubúðum og eru nokkrir pakkar af tá-, vettlinga- og búkhiturum sem gott er að setja í skó, vettlinga og á búk ef allt verður blautt. Þessir hitaplattar gefa ágætis hita í nokkra klukkutíma. Megi smalamennskan ganga vel og góða skemmtun til fjalla.
Langflestir íbúar á höfuðborgarsvæðinu
Fréttir 8. febrúar 2023

Langflestir íbúar á höfuðborgarsvæðinu

Samkvæmt tölum Byggðastofnunar fyrir árið 2022 var íbúafjöldi landsins 376.248. ...

Samband neysluverðs og framleiðsluverðs í matvælum
Fréttir 8. febrúar 2023

Samband neysluverðs og framleiðsluverðs í matvælum

Bændur og hinn almenni neytandi hafa lengið staðið bökum saman við að tryggja sa...

Rannsakar skyggnar konur
Fréttir 7. febrúar 2023

Rannsakar skyggnar konur

Dr. Dalrún Kaldakvísl Eygerðardóttir sagnfræðingur rannsakar sögu skyggnra kvenn...

Of algengt að hestunum sé gefinn óþverri
Fréttir 6. febrúar 2023

Of algengt að hestunum sé gefinn óþverri

Margeir Ingólfsson og Sigríður Jóhanna Guðmundsdóttir, bændur á bænum Brú í Blás...

Tíu ára starfsafmæli
Fréttir 3. febrúar 2023

Tíu ára starfsafmæli

Tíu ár eru síðan Ráðgjafarmiðstöð landbúnaðarins (RML) var sett á laggirnar. Af ...

Innlend fóðurframleiðsla gæti nýtt jarðhita sem fer til spillis
Fréttir 3. febrúar 2023

Innlend fóðurframleiðsla gæti nýtt jarðhita sem fer til spillis

Fjárfestingafélag Þingeyinga hf. hefur unnið að skýrslu í samstarfi við verkfræð...

Markaðssetning utan hefðbundins sláturtíma
Fréttir 2. febrúar 2023

Markaðssetning utan hefðbundins sláturtíma

Nýlega var Sláturhúsi Vesturlands í Borgarnesi veittur styrkur úr markaðssjóði s...

Úrskurður MAST felldur úr gildi
Fréttir 1. febrúar 2023

Úrskurður MAST felldur úr gildi

Matvælaráðuneytið hefur fellt úr gildi úrskurð Matvælastofnunar sem hafði stöðva...