Vinsamlegast athugið að þetta efni er eldra en 8 ára.
Úr ostavinnslunni hjá Kú.
Úr ostavinnslunni hjá Kú.
Mynd / HKr.
Fréttir 13. nóvember 2015

Enginn nýtt sér opna tollkvóta á lífrænt vottaðri mjólk

Höfundur: smh
Í annað sinn hefur atvinnuvega- og nýsköpunarráðuneytið gefið út reglugerð þar sem opnir tollkvótar á lífrænni mjólk eru auglýstir lausir til umsóknar. Um ótilgreint magn er að ræða, en tekið er fram að mjólkin sé fryst og ógerilsneydd. Gildir reglugerðin til 31. mars á næsta ári. Áður var sambærileg reglugerð gefin út fyrir tímabilið 10. nóvember 2014 til 1. júní á þessu ári, en samkvæmt upplýsingum frá Matvælastofnun nýtti sér þá enginn þennan möguleika. 
 
Í umfjöllun hér í blaðinu á dögunum, um lækkun Mjólkursamsölunnar á verði á hrámjólk til mjólkurafurðastöðva, kom fram hjá Helga Rafni Gunnarssyni, framkvæmdastjóra BioBús, sem framleiðir eingöngu lífrænt vottaðar mjólkurvörur, að svigrúm til stækkunar og breikkun vörulínunnar væri takmarkað. Sagði hann þá að það væri aðallega skortur á lífrænni mjólk sem hamlaði framsókninni. Einungis tvær mjólkurafurðastöðvar eru starfandi á Íslandi sem vinna úr lífrænt vottaðri mjólk; BioBú og Kú mjólkurbú. 
 
Helgi Rafn segir að í raun hafi þessum innflutningsmöguleika lítið verið velt upp. „Ef ég á að segja eins og er þá höfum við lítið spáð í þetta. Í fljótu bragði virðist mér þetta ekki vera sérstaklega aðlaðandi hugmynd tæknilega séð – að fara að flytja inn mjólk í klakaformi. 
 
Síðast þegar þetta var auglýst fórum við lauslega yfir þennan möguleika, en þá töldum við að það væri ekki eitthvað fyrir okkur. Ef við ætluðum að nýta okkur þennan möguleika til ostagerðar – þar sem við myndum kannski helst vilja sækja fram – þá lítur dæmið þannig út að við þyrftum að flytja inn 100 lítra af mjólk í klakaformi til að vinna úr 10 kíló af osti. Það má hins vegar vel vera að við skoðum þennan möguleika aftur. Það eru ýmsir óvissuþættir í þessu, eins og til dæmis verð og gæði á hrámjólkinni og flutningskostnaður,“ segir Helgi.
 
Enginn innflutningur hefur átt sér stað
 
Það er Matvælastofnunar að taka afstöðu til umsókna um þennan innflutning á grundvelli þess hvort sannað þykir að ekki berist smitefni með, sem geta valdið sjúkdómum í dýrum og mönnum, og skilyrði sem sett hafa verið fyrir innflutningum séu upfyllt. Að sögn Hrundar Hólm, sérgreinadýralæknis hjá Matvælastofnun, þá óskaði atvinnuvega- og nýsköpunarráðuneytið umsagnar Matvælastofnunar um eina umsókn, frá Kú mjólkurbúi, um innflutning á lífrænni mjólk. Umsögn Matvælastofnunar var jákvæð en leyfið skyldi háð ströngum skilyrðum um eftirlit og vottun. 
 
Reglugerðin var gefin út í fyrra skiptið í kjölfarið á því að Kú mjólkurbú óskaði eftir slíkri innflutningsheimild, vegna þess að erfiðlega gekk að fá lífrænt vottaða mjólk á innanlandsmarkaði.
Þann 5. október síðastliðinn veitti Matvælastofnun svo Kú mjólkurbúi aftur leyfi fyrir innflutningi á lífrænni mjólk, háð sömu ströngu skilyrðunum. Gildistími er eitt ár en ekki er um að ræða tiltekið magn mjólkur. Hrund segir að ekki hafi enn reynt á leyfið þar sem enginn innflutningur hafi enn átt sér stað. 
Stjórnvaldssekt staðfest
Fréttir 20. maí 2024

Stjórnvaldssekt staðfest

Bændur á Vesturlandi telja jafnræðis ekki hafa verið gætt þegar Matvælastofnun (...

Sama sláturhús sektað þrisvar
Fréttir 17. maí 2024

Sama sláturhús sektað þrisvar

Matvælastofnun (MAST) hefur þrisvar sinnum á þessu ári lagt stjórnvaldssekt á sv...

KS hagnaðist um 5,5 milljarða króna
Fréttir 17. maí 2024

KS hagnaðist um 5,5 milljarða króna

Hagnaður Kaupfélags Skagfirðinga af rekstri félagsins á árinu 2023 reyndist rúml...

Vorverkum bænda seinkar
Fréttir 16. maí 2024

Vorverkum bænda seinkar

Veturinn sem leið var sá kaldasti frá vetrinum 1998 til 1999, samkvæmt tíðindum ...

Riðuveiki útrýmt innan 20 ára
Fréttir 16. maí 2024

Riðuveiki útrýmt innan 20 ára

Landsáætlun um riðuveikilaust Ísland hefur verið sett í samráðsgátt stjórnvalda.

Kornþurrkstöð reist í Eyjafirði
Fréttir 16. maí 2024

Kornþurrkstöð reist í Eyjafirði

Grunnur undir kornþurrkstöð í Eyjafirði er nú að taka á sig mynd í landi Laugala...

Mjólkurframleiðendur fá arðgreiðslu
Fréttir 16. maí 2024

Mjólkurframleiðendur fá arðgreiðslu

Kúabændur á starfssvæði Auðhumlu mega gera ráð fyrir arðgreiðslu frá samstæðunni...

Vetnisknúin skip í smíðum
Fréttir 15. maí 2024

Vetnisknúin skip í smíðum

Smíði er hafin á tveimur vetnis­ skipum á vegum Samskipa. Áætlað er að þeim verð...