Vinsamlegast athugið að þetta efni er eldra en mánaðar gamalt.
Heyrúlluplast er gott hráefni til endurvinnslu.
Heyrúlluplast er gott hráefni til endurvinnslu.
Mynd / H.Kr.
Fréttir 29. febrúar 2024

Endurvinnslan er mest innanlands

Höfundur: Ástvaldur Lárusson

Guðlaugur Gylfi Sverrisson, rekstrarstjóri Úrvinnslusjóðs, segir stjórn sjóðsins hafa breytt reglum til að efla endurvinnslu á rúlluplasti innanlands.

Guðlaugur Gylfi Sverrisson.

Áður fyrr fengu þjónustuaðilar mest greitt fyrir að koma plastinu að útflutningshöfnum, en nú fái þeir sérstakt álag fyrir að flytja plastið til Pure North Recycling í Hveragerði. Samkvæmt bráðabirgðauppgjöri Úrvinnslusjóðs bárust 2.388.551 kílógrömm heyrúlluplasts til endurvinnslu árið 2023. Þar af fóru 1.821.803 kílógrömm til Hveragerðis á meðan 566.748 kílógrömm voru flutt til Hollands.

„Við teljum okkur vera að ná meginþorranum af heyrúlluplasti til baka,“ segir Guðlaugur. Óhreinindi geti numið þrjátíu til sjötíu prósent af þyngd filmunnar og því mikill munur á meðhöndluðu rúlluplasti og því sem flutt er inn. Þrátt fyrir óhreinindin sé þetta gott hráefni og losni aðskotaefnin frá við endurvinnsluna. Einsleitni heyrúlluplastsins gefi því jafnframt töluvert virði, á meðan annað umbúðaplast sé oft mjög blandað þegar það skili sér til endurvinnslu.

Úrvinnslugjald hækkaði

Á síðasta ári var úrvinnslugjald á heyrúlluplast hækkað úr fjörutíu krónum á kílóið í áttatíu og tvær krónur. Þetta gjald eigi að standa undir kostnaði við flutning og endurvinnslu á plastinu. Sjóðurinn miði við að plast sé sótt á hvert lögbýli eða á tiltekinn söfnunarstað minnst einu sinni til tvisvar á ári án aukakostnaðar fyrir bændur.

Ekkert skilagjald fáist fyrir heyrúlluplast

Heildargreiðslur fyrir meðhöndlun á heyrúlluplasti voru tæpar 169 milljónir króna fyrir árið 2023. Þær skiptist annars vegar í greiðslu fyrir meðhöndlun hjá endurvinnsluaðila upp á rúmar 138 milljónir og hins vegar flutning frá sveitarfélögum til endurvinnsluaðila upp á rétt tæpar þrjátíu milljónir.

Kostnaður vegna endurvinnslu hjá Pure North Recycling var tæpar 115 milljónir, eða um 63 krónur á kílóið. Á meðan kostaði tæpar tuttugu milljónir að endurvinna plast í Hollandi, eða um 36 krónur á kílóið.

Fyrsti umplöntunarróbóti landsins
Fréttir 19. apríl 2024

Fyrsti umplöntunarróbóti landsins

Í maí í fyrra var settur upp umplöntunarróbóti á gróðrarstöðinni Sólskógum í Kja...

Ólöglegur frágangur á dýrahræjum
Fréttir 19. apríl 2024

Ólöglegur frágangur á dýrahræjum

Opinn gámur, yfirfullur af dýrahræjum, stóð á dögunum á steyptu bílastæði við in...

Verslunarrekstur í dreifbýli er samfélagsverkefni
Fréttir 18. apríl 2024

Verslunarrekstur í dreifbýli er samfélagsverkefni

Vegamót á Bíldudal er matvöruverslun og veitingastaður. Gísli Ægir Ágústsson, ve...

„Allt of fáar messur“
Fréttir 18. apríl 2024

„Allt of fáar messur“

Tryggvi Sveinn Eyjólfsson, sem er á sautjánda aldursári, hefur vakið athygli fyr...

Íslenskar sængur um allan heim
Fréttir 18. apríl 2024

Íslenskar sængur um allan heim

Íslenskur dúnn ehf. selur æðardúnsængur beint til viðskiptavina um heim allan. Þ...

Vörðust ásælni ríkisins í jarðareign
Fréttir 17. apríl 2024

Vörðust ásælni ríkisins í jarðareign

Kristín Lárusdóttir og Guðbrandur Magnússon, bændur að Syðri- Fljótum í Meðallan...

Breyttar reglur um flutning líflamba
Fréttir 17. apríl 2024

Breyttar reglur um flutning líflamba

Verklagsreglur hafa verið endurskoðaðar um flutning á lömbum með verndandi eða m...

Gýgjarhólskot ræktunarbú ársins
Fréttir 16. apríl 2024

Gýgjarhólskot ræktunarbú ársins

Á fagfundi sauðfjárræktarinnar sem haldinn var á dögunum var Gýgjarhólskot í Bis...