Vinsamlegast athugið að þetta efni er eldra en 4 ára.
Guðmundur Ingi Guðbrandsson, umhverfis- og auðlindaráðherra, ásamt fulltrúum Eldingar, Rannveigu Grétarsdóttur framkvæmdastjóra og Sveini Hólmari Guðmundssyni, umhverfisstjóra.
Guðmundur Ingi Guðbrandsson, umhverfis- og auðlindaráðherra, ásamt fulltrúum Eldingar, Rannveigu Grétarsdóttur framkvæmdastjóra og Sveini Hólmari Guðmundssyni, umhverfisstjóra.
Mynd / Umhverfis- og auðlindaráðuneytið
Fréttir 25. apríl 2018

Elding Hvalaskoðun fékk Kuðunginn á Degi umhverfisins

Elding Hvalaskoðun fékk í dag Kuðunginn, umhverfisviðurkenningu umhverfis- og auðlindaráðuneytisins. Búarskóli í Reykjavík og Grundaskóli á Akranesi voru í dag útnefndir Varðliðar umhverfisins. Að auki voru fimm stúlkur í 10. bekk Hagaskóla jafnframt útnefndar Varðliðar umhverfisins fyrir verkefnið Pokastöðin Vesturbær.

Í tilkynningu ráðuneytisins segir að í rökstuðningi dómnefndar fyrir valinu á Eldingu Hvalaskoðun sem handhafa Kuðungsins, komi fram að Elding hafi haft virka umhverfisstjórnun í sínum rekstri allt frá stofnun fyrirtækisins árið 2000. Fyrirtækið hafi ætíð unnið eftir umhverfisvottunarkerfum þar sem stöðugra úrbóta er krafist og fylgst sé með hvernig gengur af óháðum matsaðila. Þá hafi Elding tekið þátt í ýmsum nýsköpunarverkefnum tengdum umhverfismálum, dregið markvisst úr losun gróðurhúsalofttegunda, noti eingöngu umhverfisvottaðar efnavörur og aukið verulega flokkun úrgangs frá fyrirtækinu. Elding hafi verið virk í samstarfi um umhverfismál og sýnt frumkvæði og verið virkt í ýmissi þróunarvinnu sem tengist umhverfisvænum lausnum. Þá sé viðskiptavinum Eldingar boðin markviss umhverfisfræðsla sem hluta af leiðsögn hvalaskoðun og norðurljósaferðum frá leiðsögumönnum sem eru menntaðir líffræðingar.

Hafðu áhrif

„Verkefni nemenda 9. bekkjar nemenda í Grundaskóla á Akranesi var með yfirskriftina „Hafðu áhrif“ og hafði það markmiði að hafa áhrif á samfélagið og vekja aðra til umhugsunar um umhverfismál. Nemendurnir endurnýttu gamalt efni og saumuðu innkaupapoka og grænmetispoka sem seldir voru á árlegum Malavímarkaði skólans, unnu kynningarmyndband um mikilvægi þess að minnka plastnotkun, gróðursettu plöntur og týndu rusl í skógræktinni og sendu bæjarstjóranum á Akranesi áskorun um að koma þar upp flokkunaraðstöðu. Þeir voru einnig með fræðslu fyrir nemendur og kennara í skólanum um bætta sorpflokkun og umhverfismál almennt. Að auki hönnuðu nemendur fernur fyrir vatn í stað hefðbundinna plastflaskna og skrifuðu greinar um umhverfismál sem birtar voru á Facebook-síðu árganganna. Var það mat valnefndar að nemendur í 9. bekk í Grundaskóla hafi með verkefnum sínum fjallað um umhverfismál í víðum skilningi og leitast við að hafa jákvæð áhrif á samfélag sitt með því að hvetja til umhverfisvænni lifnaðarhátta á fjölbreyttan hátt. „Ekki sé annað að sjá en að þeim hafi tekist ljómandi vel í þeirri viðleitni sinni að „Hafa áhrif“, eins og lagt var upp með í byrjun.“

Fossar

Nemendur í Brúarskóla í Reykjavík rannsökuðu mismunandi eiginleika og birtingarform vatns og bjuggu m.a. til samstarfsverkefnið „Fossa“ úr ljósmyndum, textíl og málverki – listaverk sem voru svo til sýnis á nýliðinni Barnamenningarhátíð. Einstaklingsverkefni nemenda voru fjölbreytt, s.s. plaköt, glærusýning, Kahoot spurningakeppni, púsluspil og fleira. Þá gegndi vefsíða sem sett var upp um vatn lykilhlutverki í að miðla upplýsingum og skoðunum nemenda og kennara um vatnið. Það er mat valnefndar að nemendur í Brúarskóla hafi með nýstárlegum hætti fjallað um mikilvægt umhverfismál sem ekki er oft í hringiðu umræðunnar. Þeir hafi notað fjölbreyttar leiðir til að koma boðskap sínum á framfæri innan sem utan skólans, og „nýtt sér listræna hæfileika til að sýna á frumlegan og ljóðrænn hátt fjölbreytt form vatnsins og hversu miklu máli það skiptir fyrir allt mannkyn.“

Pokastöð í Vesturbænum

Tíundubekkingurinn Selma Rebekka Kattoll fékk vinkonur sínar, þær Eir Ólafsdóttur, Eyrúnu Úu Þorbjörnsdóttur, Nínu Solveigu Andersen og Pauline Krogbäumker, til liðs við sig í það verkefni að koma upp pokastöð í Vesturbænum sem opnaði í febrúar sl. Markmið pokastöðva er að draga úr plastpokanotkun með því að bjóða viðskiptavinum verslana til láns margnýtanlega innkaupapoka sem saumaðir eru úr endurvinnanlegum efnum. Þær vinkonur sannfærðu eigendur Melabúðarinnar um að koma upp stöðinni í verslun sinni og Hjálpræðisherinn gaf gamalt efni til að sauma úr pokana. Félagsmiðstöðin Vesturreitir lánar verkefninu húsnæði. Þar standa þær reglulega fyrir opnum saumahittingum sjálfboðaliða, sem boðaðir eru í gegn um Facebook-hóp verkefnisins, auk þess sem þær verja drjúgum hluta síns frítíma í pokasaum. Verkefnið er nú skráð í gagnagrunn Roots & Shoots, sem er ungmennahreyfing um umhverfismál sem Dr. Jane Goodall kom á fót. Verkefnið er að mati valnefndar framúrskarandi verkefni. „Að eigin frumkvæði hafa þær stúlkur fengið fjölda aðila, bæði fyrirtækja og einstaklinga, í lið með sér og tekið stór skref í að sannfæra þá fullorðnu um mikilvægi þess að breyta hversdagslegum háttum okkar umhverfinu til heilla. Betri leiðsögn geta þeir sem sitja við stjórnvölinn í dag varla fengið frá framtíðinni,“ segir í tilkynningu úr ráðuneytinu.

 

Hækkun upp á 35,5 prósent að meðaltali fyrir dilka yfir landið
Fréttir 30. ágúst 2022

Hækkun upp á 35,5 prósent að meðaltali fyrir dilka yfir landið

Uppfærslur á verðskrám sláturleyfishafa, vegna sauðfjárslátrunar 2022, halda áfr...

Fjár- og stóðréttir 2022
Fréttir 25. ágúst 2022

Fjár- og stóðréttir 2022

Fjár- og stóðréttir verða nú með hefðbundnum brag, en tvö síðustu haust hafa ver...

Riðuþolinn sauðfjárstofn verður ræktaður
Fréttir 7. júlí 2022

Riðuþolinn sauðfjárstofn verður ræktaður

Staðfest er að samtals 128 gripir bera annaðhvort ARR-arfgerð, sem er alþjóðlega...

Bændur borguðu 412 krónur með hverju kílói af framleiddu nautakjöti árið 2021
Fréttir 7. júlí 2022

Bændur borguðu 412 krónur með hverju kílói af framleiddu nautakjöti árið 2021

Afurðatekjur af nautaeldi mæta ekki framleiðslukostnaði og hafa ekki gert síðast...

Sláturfélag Vopnfirðinga boðar verulegar afurðaverðshækkanir
Fréttir 27. júní 2022

Sláturfélag Vopnfirðinga boðar verulegar afurðaverðshækkanir

Sláturfélag Vopnfirðinga boðar umtalsverðar hækkanir á afurðaverði til sauðfjárb...

„Viðnámsþróttur þjóða byggir á öflugri innlendri matvælaframleiðslu“
Fréttir 14. júní 2022

„Viðnámsþróttur þjóða byggir á öflugri innlendri matvælaframleiðslu“

Stjórn Bændasamtakana telur skýrslu og tillögur Spretthóps, sem lagaðar voru fyr...

Spretthópur leggur til 2,5 milljarða króna stuðning
Fréttir 14. júní 2022

Spretthópur leggur til 2,5 milljarða króna stuðning

Spretthópur, sem matvælaráðherra skipaði vegna alvarlegrar stöðu í matvælaframle...

Mjólkurvörur frá Örnu til Bandaríkjanna
Fréttir 13. júní 2022

Mjólkurvörur frá Örnu til Bandaríkjanna

Nýlega skrifuðu forsvarsmenn Örnu í Bolungarvík og forsvars- menn Reykjavík...