Vinsamlegast athugið að þetta efni er eldra en 7 ára.
Ekki bólar á nýjum reglugerðardrögum um velferð alifugla
Mynd / smh
Fréttir 28. ágúst 2014

Ekki bólar á nýjum reglugerðardrögum um velferð alifugla

Höfundur: /smh

Ný lög um velferð dýra tóku sem kunnugt er gildi hinn 1. janúar síðastliðinn. Ljóst var að uppfæra þurfti reglugerðir um aðbúnað og velferð dýra – til samræmis við hin nýju lög. Skipaðir voru sjö starfshópar til að vinna tillögur til ráðuneytisins fyrir allt búfé og gæludýr. Í byrjun júní var frá því greint í Bændablaðinu að umsagnarferlum um tillögurnar væri lokið, en þá var einnig upplýst úr atvinnuvega- og nýsköpunarráðuneytinu að ákveðið hefði að skrifa inn nýtt ákvæði um leyfilegan þéttleika alifugla í alifuglaeldi – og senda drögin svo aftur út til umsagnar. Nú, tæpum þremur mánuðum síðar, liggja þessi drög ekki enn fyrir.

Í drögunum, sem síðan voru dregin til baka, var gert ráð fyrir heimild fyrir enn þéttbærari alifuglaeldi en tíðkast hefur hingað til. Þau mættu mikilli andstöðu, meðal annars frá Dýraverndarsambandinu og samtökunum Velbú. Í umsögn frá Dýraverndarsambandinu um drögin sagði meðal annars að engan veginn væri réttlætanlegt að auka enn á þrengsli alifugla með því að leyfa allt að 39 eða 42 kg á fermetra, þótt með skilyrðum sé. Það væri ekki samrýmanlegt laga né reglugerðar um dýravelferð.

Unnið að öflun upplýsinga

Þá hefur heldur ekki verið unnið úr öðrum reglugerðadrögum um velferð búfjár og gæludýra. Rebekka Hilmarsdóttir, lögfræðingur í atvinnuvega- og nýsköpunarráðuneytinu, segir að frekari upplýsingar um vinnslu reglugerðanna liggi ekki fyrir að svo stöddu. „Varðandi reglugerð um velferð alifugla er verið að afla upplýsinga og gagna vegna athugasemda umsagnaraðila.

Það fer eftir umfangi og efni reglugerðar hversu langan tíma tekur að vinna reglugerð eftir að umsagnaferli lýkur. Þá fer það einnig eftir efni og umfangi athugasemda hversu hratt er unnt að vinna úr athugasemdunum. Það er því mjög misjafnt hversu langur tími líður frá því að umsagnaferli lýkur þar til reglugerð er birt. Hafa þarf einnig í huga að hér er um að ræða sjö reglugerðir sem sækja lagastoð sína í nýjan lagabálk.“

Mast fellir úr gildi synjun á rekstrarleyfi sjókvíaeldis
Fréttir 9. desember 2021

Mast fellir úr gildi synjun á rekstrarleyfi sjókvíaeldis

Þann 10. nóvember 2021 felldi úrskurðarnefnd umhverfis- og auðlindamála þann úrs...

Evrópa bjó sjálf til orkukreppu
Fréttir 9. desember 2021

Evrópa bjó sjálf til orkukreppu

Það sem getur farið úrskeiðis mun fara úrskeiðis, samkvæmt lögmáli Murphys. Leik...

Notkun lífræns áburðar og beitarfriðun aukist
Fréttir 9. desember 2021

Notkun lífræns áburðar og beitarfriðun aukist

Í skýrslu Landbótasjóðs segir að 2020 hafi verði úthlutað tæpum 95 milljónum kró...

Ísteka riftir samningum við bændur
Fréttir 8. desember 2021

Ísteka riftir samningum við bændur

Líftæknifyrirtækið Ísteka hefur rift samningum við þá bændur sem sjást beita hry...

New Holland T6 Metan, sjálfbærasta dráttarvélin 2022
Fréttir 8. desember 2021

New Holland T6 Metan, sjálfbærasta dráttarvélin 2022

New Holland dráttar­véla­framleiðandinn heldur áfram að sópa að sér verðlaunum o...

Konur borða meira af laufabrauði en karlar
Fréttir 8. desember 2021

Konur borða meira af laufabrauði en karlar

Um 90% þjóðarinnar borða laufabrauð um jólin samkvæmt könnun sem Gallup gerði fy...

Skortur á yfirsýn í úrgangs- og loftslagsmálum
Fréttir 8. desember 2021

Skortur á yfirsýn í úrgangs- og loftslagsmálum

Niðurstöður könnunar benda til skorts á yfirsýn í úrgangs- og loftslagsmálum. Sa...

Erfðabreytt búfé
Fréttir 6. desember 2021

Erfðabreytt búfé

Erfðafræðingar binda vonir við að með aðstoð erfðatækni megi koma í veg fyrir al...