Vinsamlegast athugið að þetta efni er eldra en 4 ára.
Dalbær
Bærinn okkar 23. ágúst 2018

Dalbær

Eftir að hafa verið sauð­fjárbændur í 11 ár á leigujörð ákváðu Bjarni Másson og Bryndís Eva Óskarsdóttir að breyta til og kaupa sína eigin jörð og skipta um búgrein. 
 
„Við vorum svo heppin að ná að festa kaup á Dalbæ sumarið 2017 og tókum svo við um áramótin síðustu. 
 
Við hlökkum til að takast á við nýjar áskoranir á nýjum stað og nýrri búgrein,“ segja þau Bjarni og Bryndís.
 
Býli: Dalbær.
 
Staðsett í sveit:  Flóahreppi.
 
Ábúendur: Bjarni Másson, Bryndís Eva Óskarsdóttir, Már Óskar Bjarnason, 7 ára og Haukur Atli Bjarnason, 2 ára.
 
Fjölskyldustærð (og gæludýra): Ásamt okkur fjórum búa á bænum hundarnir Tónn og Rex. Einnig kettirnir Snúður og Tása.
 
Stærð jarðar?  310 hektarar.
 
Gerð bús? Mjólkur- og nauta­kjöts­framleiðsla.
 
Fjöldi búfjár og tegundir? Við erum með 65 mjólkurkýr, 60 naut og 80 kvígur. Einnig tíu hross, tvo Border Collie hunda og tvo ketti.
 
Hvernig gengur hefðbundinn vinnudagur fyrir sig á bænum? Fyrsti fjósamaður fer út kl. 6.30, hinn græjar börnin í skólann og kemur svo. Morgunkaffi kl. 9.30, borðaður grautur með rjóma. Gjafir í öllum húsum fyrir hádegi. Reynt að sinna sem flestum verkum sem til falla á milli mjalta. 
Kvöldmjaltir kl. 17. Reynum að hafa kvöldin laus til að sinna útreiðum og félagsmálum.
 
Skemmtilegustu/leiðinlegustu bústörfin? Skemmtilegast, jarð­rækt og heyskapur. Leiðinlegast að fást við veika gripi og gera við ónýtar girðingar.
 
Hvernig sjáið þið búskapinn fyrir ykkur á jörðinni eftir fimm ár? Maður stefnir alltaf á að bæta allt eins og hægt er, en gripafjöldi yrði svipaður. 
Með betri mjaltaaðstöðu og aukinni jarðrækt.
 
Hvaða skoðun hafið þið á félagsmálum bænda? Þau eru í nokkuð góðum farvegi. Það þarf hins vegar að halda vel á spöðunum á næstu misserum.
 
Hvernig mun íslenskum landbúnaði vegna í framtíðinni? Honum mun vegna vel ef við höldum í hreinleika og gæði vörunnar.
 
Hvar teljið þið að helstu tækifærin séu í útflutningi íslenskra búvara?  Teljum að það séu mestu möguleikarnir í skyri og lambakjöti; hreinar, hollar og góðar vörur.
 
Hvað er alltaf til í ísskápnum? Mjólk, ostur og rjómi. 
 
Hver er vinsælasti maturinn á heimilinu? Heimagerð pitsa eða grillað kjöt.
 
Eftirminnilegasta atvikið við bústörfin? Það er frá 1. janúar 2018, þegar við tókum við búinu í Dalbæ.

4 myndir:

Endurskipulagning og hagræðing í slátrun og kjötvinnslu
Fréttir 9. desember 2022

Endurskipulagning og hagræðing í slátrun og kjötvinnslu

Í Samráðsgátt stjórnvalda liggur til umsagnar frumvarp til laga um breytingu á b...

Jólaskógarnir opnir á aðventunni
Fréttir 9. desember 2022

Jólaskógarnir opnir á aðventunni

Á aðventunni opna jólaskógar skógræktarfélaganna í landinu fyrir þeim sem vilja ...

Jóhannes Hreiðar ráðinn framkvæmdastjóri
Fréttir 8. desember 2022

Jóhannes Hreiðar ráðinn framkvæmdastjóri

Auðhumla hefur ráðið Jóhannes Hreiðar Símonarson framkvæmdastjóra Auðhumlu svf.

Gátu ekki gert grein fyrir rúmlega 81.000 löxum
Fréttir 8. desember 2022

Gátu ekki gert grein fyrir rúmlega 81.000 löxum

Matvælastofnun hefur lagt stjórn­valdssekt á Arnarlax ehf. upp á 120 milljón kró...

Dominique kveður eftir rúm 20 ár í stjórn
Fréttir 7. desember 2022

Dominique kveður eftir rúm 20 ár í stjórn

Talsverðar breytingar urðu á stjórn samtakanna Slow Food Reykjavík á aðalfundi þ...

Fjármunir til frekari þróunar á smáforriti
Fréttir 7. desember 2022

Fjármunir til frekari þróunar á smáforriti

Íslenska nýsköpunarfyrirtækið HorseDay rekur samnefnt smáforrit um flest allt se...

Framleiðsla á krefjandi tímum
Fréttir 6. desember 2022

Framleiðsla á krefjandi tímum

Fyrir skemmstu komu tveir fulltrúar frá landbúnaðartækjaframleiðandanum Kuhn í h...

Samvinna möguleg
Fréttir 6. desember 2022

Samvinna möguleg

Á Matvælaþingi matvælaráðuneytisins í Hörpu 22. nóvember flutti gestafyrirlesari...