Vinsamlegast athugið að þetta efni er eldra en 8 ára.
Can-Am sexhjól með magnaða sjálfstæða fjöðrun á hverju hjóli
Fræðsluhornið 14. ágúst 2014

Can-Am sexhjól með magnaða sjálfstæða fjöðrun á hverju hjóli

Höfundur: Hjörtur L. Jónsson

Allt frá því að ég sá kynningar­myndband á YouTube af Can-Am sexhjóli fara yfir stórgrýtisurð hef ég beðið eftir að fá að prófa gripinn. Biðinni er nú lokið, þar sem mér gafst kostur á að prufuaka tækinu fyrir skömmu í boði Ellingsen. Í stuttu máli varð ég alveg heillaður af fjöðruninni við þær aðstæður sem ég prófaði hjólið.

Ótrúlega kraftmikil V2 1000 cc vél

Við Bláfjallaafleggjara er gömul mótorkrossbraut sem er virkilega óslétt, grýtt og með kröppum beygjum þar sem ég reynsluók hjólinu fyrir skemmstu. Það sem mótorkrossmenn kalla „vúbsa“ eru mjög stór þvottabretti sem eru allt að metra djúpar öldur hver á eftir annarri og þarna ók ég hring á hjólinu og varð hreint hissa á hversu vel fjöðrunin var að fara vel með mig. Næst var það hliðarhalli. Í slíkum halla er fjórhjólum og sexhjólum gjarnt að leita mikið undan hallanum, en þetta hjól leitaði merkilega lítið undan hallanum. Næst var það krafturinn, en upp brattan kant var magnað að finna hvernig öll sex hjólin gáfu grip til að komast upp á brúnina.

Sjálfstæð fjöðrun hjólanna sex virkaði vel í grjótinu

Næst var að fara yfir klappir með stórum steinum og mjög hrjúfu yfirborði. Þarna kom vel í ljós munurinn á hefðbundnum sexhjólum sem ég hef prófað, en þessi mikla fjöðrun gaf alltaf grip og var ég ekki var við nema einu sinni að hjól í öftustu röð fór á loft, en ef ég hefði tekið úr splitti sem hægt er að fjarlægja hefði ég líklega ekki séð það hjól fara á loft. Splitti þessi eru undir pallinum og með því að fjarlægja þau geta öftustu hjólin farið enn neðar við mjög torfærar aðstæður. Miðað við þessa góðu fjöðrun ætti þetta sexhjól að fara betur með gróið land þar sem að öll hjólin eru að taka jafnt á og þar af leiðandi ætti það að jafna betur út þunga hjólsins á hvern fersentimetra. Þar sem sexhjól fara yfir gróið land hafa öftustu hjólin verið að særa gróður þegar beygt er, en á Can-Am 1000 er drifið ekki eins þvingað og mun auðveldara er að beygja (sérstaklega ef miðað er við gömlu 500 Polaris-sexhjólin sem eru keðjudrifin sem eru svo klossuð að erfitt er að beygja þeim).

Greinilega framleitt vestanhafs miðað við fjölda varúðarmiða

Það á ekki að þurfa að minna neinn á að nota aldrei fjórhjól eða sexhjól nema klæðast viðeigandi hlífðarbúnaði. Sjálfur hef ég það fyrir reglu að fara ekki á fjórhjól, mótorhjól eða sexhjól nema með hjálm og í brynju. Brynju tel ég vera mikilvægasta öryggisbúnað sem nota ætti á fjórhjóli og sexhjóli og væri ég beðinn um að flokka öryggisbúnað fjór- og sexhjóla væri það eftirfarandi: 1. Brynja. 2. Hjálmur.  3. Góðir skór.  Á Can-Am sexhjólinu sem prófað var eru um 10 varúðarmiðar sem eru skyldulesning áður en ekið er af stað, þessir miðar eru ekki til skrauts þeir eru þarna af gefnu tilefni.  

Hentar við erfiðar aðstæður

Miðað við þennan stutta prufuakstur tel ég þetta sexhjól mikla framþróun fyrir þá sem búa við erfiðar aðstæður og þurfa að sinna vinnu eins og girðingarvinnu þar sem er jafnan mikið þýfi, grýtt landslag og blautt land. Einnig tel ég þetta sexhjól henta vel fyrir hreindýraveiðimenn sem þurfa að sækja bráð sína en vilja valda sem minnstum gróðurskemmdum, þar sem flotið í hjólinu er mjög gott.

Það eina sem ég get sett út á varðandi hjólið er að það vantar sárlega á það flautu, svo mætti alveg vera spegill á hjólinu. Can-Am Outlander 1000 er torfæruskráð hjól og kostar frá 3.990.000 án nokkurra aukahluta nema hvað að öll sexhjól koma með dráttarspili. Allar nánari upplýsingar um hjólið má finna á vefsíðunni www.ellingsen.is.

6 myndir:

Svínaflensa í Rússlandi
Fréttir 27. september 2022

Svínaflensa í Rússlandi

Afríska svínaflensan greindist á stóru rússnesku svínabúi í lok sumars. ...

Hækkun upp á 35,5 prósent að meðaltali fyrir dilka yfir landið
Fréttir 30. ágúst 2022

Hækkun upp á 35,5 prósent að meðaltali fyrir dilka yfir landið

Uppfærslur á verðskrám sláturleyfishafa, vegna sauðfjárslátrunar 2022, halda áfr...

Fjár- og stóðréttir 2022
Fréttir 25. ágúst 2022

Fjár- og stóðréttir 2022

Fjár- og stóðréttir verða nú með hefðbundnum brag, en tvö síðustu haust hafa ver...

Riðuþolinn sauðfjárstofn verður ræktaður
Fréttir 7. júlí 2022

Riðuþolinn sauðfjárstofn verður ræktaður

Staðfest er að samtals 128 gripir bera annaðhvort ARR-arfgerð, sem er alþjóðlega...

Bændur borguðu 412 krónur með hverju kílói af framleiddu nautakjöti árið 2021
Fréttir 7. júlí 2022

Bændur borguðu 412 krónur með hverju kílói af framleiddu nautakjöti árið 2021

Afurðatekjur af nautaeldi mæta ekki framleiðslukostnaði og hafa ekki gert síðast...

Sláturfélag Vopnfirðinga boðar verulegar afurðaverðshækkanir
Fréttir 27. júní 2022

Sláturfélag Vopnfirðinga boðar verulegar afurðaverðshækkanir

Sláturfélag Vopnfirðinga boðar umtalsverðar hækkanir á afurðaverði til sauðfjárb...

„Viðnámsþróttur þjóða byggir á öflugri innlendri matvælaframleiðslu“
Fréttir 14. júní 2022

„Viðnámsþróttur þjóða byggir á öflugri innlendri matvælaframleiðslu“

Stjórn Bændasamtakana telur skýrslu og tillögur Spretthóps, sem lagaðar voru fyr...

Spretthópur leggur til 2,5 milljarða króna stuðning
Fréttir 14. júní 2022

Spretthópur leggur til 2,5 milljarða króna stuðning

Spretthópur, sem matvælaráðherra skipaði vegna alvarlegrar stöðu í matvælaframle...