Vinsamlegast athugið að þetta efni er eldra en 7 ára.
Byggðastofnun styrkir meistaranema
Fréttir 24. maí 2016

Byggðastofnun styrkir meistaranema

Stjórn Byggðastofnunar ákvað á fundi sínum þann 15. apríl sl. að styrkja fjóra meistaranema sem vinna að lokaverkefnum á sviði byggðamála. Heildarupphæð styrkjanna er 1 milljón. Tvö verk­efni fá styrk að upphæð 350.000 hvort og önnur tvö styrki að upphæð 150.000 hvort. 
 
Verkefnin eru fjölbreytt og snúa að ferðamálum, skipulagsmálum, raforkuframleiðslu og flutningi ríkisstofnana.
 
Alls bárust sex umsóknir, en áskilið var að verkefnin hefðu skírskotun til markmiða eða aðgerða byggðaáætlunar. 
 
Ferðaþjónusta tæki til byggðaþróunar
 
Edda Ósk Óskarsdóttir, meistaranemi í ferðamálafræðum við Háskólann í Álaborg, fékk styrk vegna verkefnis sem nefnist: From fish to tourism: Ferðaþjónusta sem tæki til byggðaþróunar. Rannsóknin snýr að því hvernig hægt er að nýta ferðaþjónustu sem tæki til byggðaþróunar í smærri samfélögum úti á landi, með tilliti til stefnumótunar ríkis og sveitarfélaga. Reynt verður að varpa ljósi á þessa þróun og þau áhrif sem aukning ferðamanna hefur haft á þessi samfélög.
 
Akureyri – Vibrant town year round, er vinnutitill á verkefni Katrínar Pétursdóttur, meistaranema í sjálfbærri hönnun þéttbýlis við Háskólann í Lundi. Verkefnið leitast við að samræma nýjustu stefnur í skipulagsmálum og íslenskar aðstæður í bæjarskipulag Akureyrar, bænum til framdráttar. Með því að leita leiða til að auka gæði bæjarlandslagsins og fullnýta möguleika bæjarins verður hann sterkari miðstöð fyrir fjórðunginn.
 
Samspil grunnvatns og rennsli Tungnaár
 
Samspil grunnvatns og rennsli Tungnaár, er heiti verkefnis sem Snævarr Örn Georgsson, meistara­nemi í umhverfis- og byggingarverkfræði við Háskóla Íslands, vinnur að en hann hlaut 150 þúsund krónur í styrk. Í þessu verkefni er samspil grunnvatns við rennsli Tungnaár skoðað með fylgniútreikningum og lágrennsli árinnar skoðað sérstaklega með aðfallsgreiningu. Í framhaldi verður hægt að taka upplýstari ákvörðun um raforkuframleiðslu og miðlun á vatnasviðinu og tryggja öruggari raforkuafhendingu.
 
Flutningur ríkisstofnana
 
Flutningur ríkisstofnana. Viðhorf og líðan starfsmanna er verkefni sem einnig hlaut 150 þúsund króna styrk. Sylvía Guðmundsdóttir, meistaranemi í mannauðsstjórnun við Háskóla Íslands, vinnur það verkefni og er það unnið út frá breytingastjórnun og snýr að flutningum ríkisstofnana út á land. Markmiðið er að kanna upplifun starfsmanna Fiskistofu af framkvæmd flutnings stofnunarinnar til Akureyrar og möguleg áhrif flutnings á líðan þeirra. Niðurstöðurnar verða notaðar til að benda á hvað fór vel og hvað hefði mátt gera betur út frá fræðum breytingastjórnunar.
Gýgjarhólskot ræktunarbú ársins
Fréttir 16. apríl 2024

Gýgjarhólskot ræktunarbú ársins

Á fagfundi sauðfjárræktarinnar sem haldinn var á dögunum var Gýgjarhólskot í Bis...

Verulegur samdráttur í innflutningi á áburði
Fréttir 16. apríl 2024

Verulegur samdráttur í innflutningi á áburði

Matvælastofnun hefur birt leiðrétta skýrslu yfir áburðareftirlit síðasta árs.

Ísteka í yfirburðastöðu
Fréttir 15. apríl 2024

Ísteka í yfirburðastöðu

Í nýrri ályktun Samkeppniseftirlitsins kemur fram að Ísteka beiti sterkri stöðu ...

Hverfandi líkur á riðusmiti árið 2032
Fréttir 15. apríl 2024

Hverfandi líkur á riðusmiti árið 2032

Í nýrri landsáætlun verður stefnt að því að hverfandi líkur verði að upp komi ri...

Hrútaverðlaun fyrir Gullmola og Blossa
Fréttir 15. apríl 2024

Hrútaverðlaun fyrir Gullmola og Blossa

Á fagfundi sauðfjárræktarinnar sem haldinn var í Ásgarði Landbúnaðarháskóla Ísla...

Sláturhús brann til grunna
Fréttir 12. apríl 2024

Sláturhús brann til grunna

Sláturhúsið í Seglbúðum í Landbroti brann til grunna þann 1. apríl.

Ekki farið að lögum um útivist nautgripa
Fréttir 12. apríl 2024

Ekki farið að lögum um útivist nautgripa

Matvælastofnun lagði stjórnvaldssektir á þrjú kúabú á Vesturlandi á dögunum vegn...

Dregur úr kaupvilja
Fréttir 12. apríl 2024

Dregur úr kaupvilja

Niðurstöður tilboðsmarkaðar fyrir greiðslumark mjólkur í byrjun apríl sýna að ja...