Vinsamlegast athugið að þetta efni er eldra en 6 ára.
Brúðhjónin sæl og ánægð með sig á kornakrinum í Gunnarsholti þar sem þau hafa ræktað korn frá árinu 2004.
Brúðhjónin sæl og ánægð með sig á kornakrinum í Gunnarsholti þar sem þau hafa ræktað korn frá árinu 2004.
Mynd / Vilhjálmur Gunnarsson og Dagmar Jóhannsdóttir
Líf&Starf 26. október 2017

Brúðarvöndurinn endurspeglaði búskapinn og áhugamálin

Höfundur: Erla Hjördís Gunnarsdóttir
Á vormánuðum gerðist sá skemmti­legi atburður í ferð íslenskra bænda til Noregs að í fyrsta sinn í sögu Bændaferða (Hey Iceland) var borið upp bónorð í ferð með ferðaskrifstofunni í Lysefjorden-bjór­brugg­húsinu í Bergen.  Brynjólfur Þór Jóhannsson fór niður á skeljarn­ar fyrir sína heitt­elskuðu, Piu Ritu Simone Schmauder,  við mikinn fögnuð við­staddra, en þau eru kúabændur á bæn­um Kolholtshelli í Flóahreppi.
 
Þann 11. september síðastliðinn rann stóri dagurinn upp fyrir Piu og Brynjólf þegar þau giftu sig í faðmi fjölskyldunnar á kornakri í Gunnarsholti með Heklu í baksýn, og það sem meira var, þenn­an dag fagnaði Pia einnig 50 ára afmæli sínu.
 
„Við ákváðum að gifta okkur í sumar og ég var búin að bjóða mínu fólki frá Þýskalandi í afmælið mitt sem bar upp á sama dag en því miður komst enginn þaðan. Sumir fengu ekki frí, aðrir vildu frekar koma að sumri til Íslands og einn hópurinn sem ætlaði að koma missti flugmiða sína hjá Berlin Air sem varð gjaldþrota á þessum tíma,“ útskýrir Pia og segir jafnframt:
 
„Eftir að Brynjólfur hafði dvalið á sjúkrahúsi um stund vildum við fagna þessum tímamótum í litlum hóp og því voru þetta eingöngu börnin okkar, systkini Brynjólfs og þeirra fjölskyldur ásamt vottum. Við giftum okkur í sól og blíðu síðla dags þann 11. september á kornakrinum okkar í Gunnarsholti með Heklu í baksýn. Guðbjörg Árnadóttir var prestur og var dagurinn mjög vel heppnaður í alla staði. Brúðarvöndurinn endurspeglaði búskapinn hjá okkur og áhugamálin. 
 
Vöndurinn var úr byggstráum og í miðjunni var lítil Deutz-dráttarvél sem er áhugamálið hans Brynjólfs. Síðan voru hestar og kúahár eins og ullarband fyrir allar dýrategundirnar á bænum og ég náði einnig að festa prjónana mína í vöndinn. Það var skemmtilegt að geta náð þessu öllu saman í vöndinn og við erum himinsæl með daginn.“ 

6 myndir:

Vörðust ásælni ríkisins í jarðareign
Fréttir 17. apríl 2024

Vörðust ásælni ríkisins í jarðareign

Kristín Lárusdóttir og Guðbrandur Magnússon, bændur að Syðri- Fljótum í Meðallan...

Breyttar reglur um flutning líflamba
Fréttir 17. apríl 2024

Breyttar reglur um flutning líflamba

Verklagsreglur hafa verið endurskoðaðar um flutning á lömbum með verndandi eða m...

Gýgjarhólskot ræktunarbú ársins
Fréttir 16. apríl 2024

Gýgjarhólskot ræktunarbú ársins

Á fagfundi sauðfjárræktarinnar sem haldinn var á dögunum var Gýgjarhólskot í Bis...

Verulegur samdráttur í innflutningi á áburði
Fréttir 16. apríl 2024

Verulegur samdráttur í innflutningi á áburði

Matvælastofnun hefur birt leiðrétta skýrslu yfir áburðareftirlit síðasta árs.

Ísteka í yfirburðastöðu
Fréttir 15. apríl 2024

Ísteka í yfirburðastöðu

Í nýrri ályktun Samkeppniseftirlitsins kemur fram að Ísteka beiti sterkri stöðu ...

Hverfandi líkur á riðusmiti árið 2032
Fréttir 15. apríl 2024

Hverfandi líkur á riðusmiti árið 2032

Í nýrri landsáætlun verður stefnt að því að hverfandi líkur verði að upp komi ri...

Hrútaverðlaun fyrir Gullmola og Blossa
Fréttir 15. apríl 2024

Hrútaverðlaun fyrir Gullmola og Blossa

Á fagfundi sauðfjárræktarinnar sem haldinn var í Ásgarði Landbúnaðarháskóla Ísla...

Sláturhús brann til grunna
Fréttir 12. apríl 2024

Sláturhús brann til grunna

Sláturhúsið í Seglbúðum í Landbroti brann til grunna þann 1. apríl.