Vinsamlegast athugið að þetta efni er eldra en 6 ára.
Blöndulína felld niður sem varnarlína dýrasjúkdóma
Mynd / BBL
Fréttir 7. febrúar 2018

Blöndulína felld niður sem varnarlína dýrasjúkdóma

Í tilkynningu sem Matvælastofnun sendi frá sér í morgun kemur fram að Blöndulína hefur verið felld niður sem varnarlína vegna dýrasjúkdóma með ákvörðun atvinnuvega- og nýsköpunarráðuneytisins. Segir þar að takmarkanir á flutningum sauðfjár í fyrrum Húnahólfi lengist sem nemur nýjasta tilfelli riðu í fyrrum Skagahólfi.

Fram kemur að Blöndulína í núverandi mynd þjóni ekki tilætluðum tilgangi. „Ljóst er að varnarlínan hefur ekki verið fjárheld frá því Blönduvirkjun var reist og ekki fæst fjármagn til að halda varnarlínunni fjárheldri. Með auglýsingu nr. 88/2018 um varnarlínur vegna sauðfjársjúkdóma fellur varnarlínan niður frá 1. febrúar sl.

Við þessa breytingu sameinast Húnahólf og Skagahólf í eitt varnarhólf sem kallast Húna- og Skagahólf og verður varnarhólf nr. 9. Hólfið mun afmarkast af Vatnsneslínu, Miðfjarðarlínu og Tvídægrulínu að vestan, Kjalarlínu að sunnan og Héraðsvatnalínu að austan,“ segir í tilkynningunni.

Síðasta riðutilfelli í Skagafirði frá 2016

„Síðasta riðutilfelli kom upp í Skagahólfi árið 2016 á bænum Stóru Gröf Ytri. Varnarhólf telst sýkt í 20 ár frá síðasta staðfesta tilfelli. Því mun nýja hólfið, Húna- og Skagahólf, teljast sýkt svæði til 31. desember 2036, að því gefnu að engin ný tilfelli komi upp. Helstu áhrif sameiningar hólfanna á bændur eru að gildistími hafta innan fyrrum Húnahólfs lengist um að minnsta kosti 9 ár. Síðasta tilfelli riðu í Húnahólfi var árið 2007 á bænum Kambhóli í Húnaþingi vestra og að öllu óbreyttu hefði því höftum verið aflétt af því hólfi 1. janúar 2028.

Í báðum hólfum var bólusett við garnaveiki og mun ný skipan ekki hafa breytingar í för með sér hvað garnaveikibólusetningar varðar.

Aðrar breytingar sem tilkynntar eru í auglýsingunni eru að Eyjafjarðarlína færist úr stað og liggur línan nú eftir Eyjafjarðará sunnan að Mjaðmá að Skjónafelli og að Miklafelli í Hofsjökli,“ segir ennfremur í tilkynningu Matvælastofnunar.

Ríkt af B12-vítamíni, fólati, kalíum og sinki
Fréttir 1. mars 2024

Ríkt af B12-vítamíni, fólati, kalíum og sinki

Samkvæmt niðurstöðum verkefnis sem nýlega var unnið hjá Matís, um nýtingu og nær...

Vaxtalækkun lána
Fréttir 1. mars 2024

Vaxtalækkun lána

Fram kom í frétt Bændablaðsins, 2. nóvember 2023, að stjórn Byggðastofnunar hefð...

Endurvinnslan er mest innanlands
Fréttir 29. febrúar 2024

Endurvinnslan er mest innanlands

Guðlaugur Gylfi Sverrisson, rekstrarstjóri Úrvinnslusjóðs, segir stjórn sjóðsins...

Háskóladagurinn á fjórum stöðum
Fréttir 29. febrúar 2024

Háskóladagurinn á fjórum stöðum

Háskóladagurinn verður haldinn í Reykjavík laugardaginn 2. mars.Þá gefst fólki k...

Rýnt í lagaumgjörð hvalveiða
Fréttir 29. febrúar 2024

Rýnt í lagaumgjörð hvalveiða

Forsætisráðherra hefur skipað starfshóp sem falið er að skoða lagaumgjörð hvalve...

Rækta má hundruð kílóa kjöts af einni stofnfrumu
Fréttir 28. febrúar 2024

Rækta má hundruð kílóa kjöts af einni stofnfrumu

Vistkjöt var boðið til smökkunar í Kópavoginum um miðjan mánuð, í fyrsta sinn í ...

Lambhagi notar „Íslenskt staðfest“
Fréttir 28. febrúar 2024

Lambhagi notar „Íslenskt staðfest“

Vigdís Häsler, framkvæmdastjóri Bændasamtaka Íslands, og Hafberg Þórisson, eigan...

Samræmt söfnunarkerfi
Fréttir 27. febrúar 2024

Samræmt söfnunarkerfi

Vinna á tillögu um útfærslu fyrir samræmt söfnunarkerfi dýraleifa á landsvísu se...