Vinsamlegast athugið að þetta efni er eldra en mánaðar gamalt.
Bjarkey Olsen Gunnarsdóttir, þingmaður VG í Norðausturkjördæmi,
hefur tekið við matvælaráðuneytinu.
Bjarkey Olsen Gunnarsdóttir, þingmaður VG í Norðausturkjördæmi, hefur tekið við matvælaráðuneytinu.
Mynd / ál
Fréttir 11. apríl 2024

Bjarkey ætlar að skerpa línurnar

Höfundur: Steinunn Ásmundsdóttir

Bjarkey Olsen Gunnarsdóttir er nýr ráðherra matvælaráðuneytis en Svandís Svavarsdóttir hefur tekið við innviðaráðuneytinu.

Á þriðjudag kynntu forystumenn ríkisstjórnarflokkanna fyrirkomulag stjórnarsamstarfsins á fundi í Hörpu, í kjölfar brotthvarfs Katrínar Jakobsdóttur af stóli forsætisráðherra. Þingflokkar Sjálfstæðisflokksins, Vinstri hreyfingarinnar - græns framboðs og Framsóknarflokksins höfðu fyrr í vikunni samþykkt tillögu um áframhaldandi ríkisstjórnarsamstarf.

Bjarni Benediktsson (S) er nú forsætisráðherra, Sigurður Ingi Jóhannsson (B) fjármálaráðherra, Bjarkey Olsen Gunnarsdóttir (VG) matvælaráðherra, Svandís Svavarsdóttir (VG) innviðaráðherra og Þórdís Kolbrún Reykfjörð Gylfadóttir (S) utanríkisráðherra. Aðrir ráðherrastólar haldast óbreyttir.

Kornrækt, lífrænt og riðan

Sem kunnugt er sameinar matvælaráðuneytið málaflokka sjávarútvegs, landbúnaðar, matvæla, landgræðslu og skógræktar. Bjarkey segist hlakka til að takast á við þau verkefni sem fram undan séu í matvælaráðuneytinu og hún vænti þess að þau verði krefjandi en skemmtileg.

„Mörg góð verk hafa verið unnin undir forystu Svandísar Svavarsdóttur síðustu ár. Eðli máls samkvæmt fylgja nýju fólki nýjar áherslur en í ljósi þess hve langt er liðið á þetta kjörtímabil mun ég forgangsraða þeim verkefnum sem eru brýnust og eru komin á dagskrá. Þar ber hæst nýja löggjöf um lagareldi sem er ört vaxandi þáttur í íslensku atvinnulífi og afkastamikil grein, þar sem miklu máli skiptir að taka tillit til umhverfisins og aðstæðna á hverju svæði.

Sömuleiðis mun ég fylgja eftir aukinni áherslu á kornrækt og lífrænni framleiðslu, ásamt auknum rannsóknum á verndandi arfgerð gegn riðu sem munu verða okkar helsta vopn í þeirri baráttu á komandi árum,“ segir hún.

Innan vébanda ráðuneytisins séu veigamiklir málaflokkar. Bæði er varði stórar atvinnugreinar og útflutningstekjur þjóðarinnar en sömuleiðis er við komi loftslagsmálum og matvælaöryggi. „Það er því af nógu að taka á næstunni og margt sem þarf að setja sig betur inn í. Það mun ég gera á komandi vikum og mánuðum,“ segir Bjarkey.

Reynslumikil á þingi

Bjarkey er fyrrverandi formaður fjárlaganefndar og núverandi formaður velferðarnefndar Alþingis, auk þess að sitja í atvinnuveganefnd. Hún hefur auk þess setið í allsherjar- og menntamála-, utanríkismála-, kjörbréfa- og þingskapanefndum.

Hún hefur verið alþingismaður VG í NA-kjördæmi frá árinu 2013 og áður varaþingmaður með hléum frá 2004. Hún var formaður þingflokks VG 2017–2021 og hefur setið í stjórn VG frá 2009. Hún hefur átt sæti í Íslandsdeild þingmannanefnda EFTA og EES frá árinu 2017 og í þingmannanefnd Íslands og ESB 2018–2021, og aftur frá 2022.

Sé mið tekið af málaskrám Alþingisvefsins hefur Bjarkey látið sig varða mjög velferð barna og fatlaðra, heilbrigðisþjónustu og húsnæðismál m.a.

Bjarkey er fædd í Reykjavík 27. febrúar 1965, dóttir Gunnars Hilmars Ásgeirssonar vélstjóra og Klöru Björnsdóttur matráðs. Maki hennar er Helgi Jóhannsson þjónustustjóri og á hún þrjú börn. Hún lauk B.Ed.- prófi frá KHÍ árið 2005, með áherslu á upplýsingatækni og samfélagsgreinar og hefur diplómu í náms- og starfsráðgjöf frá HÍ 2008. Hún hefur m.a. starfað innan menntageirans, hjá Vélsmiðju Ólafsfjarðar og í veitingarekstri auk þess að vera bæjarfulltrúi í Ólafsfirði og ötul í stjórnmálastarfi.

Skylt efni: matvælaráðuneytið

Aspir og wasabi ræktuð samhliða
Fréttir 24. maí 2024

Aspir og wasabi ræktuð samhliða

Nordic Wasabi er um þessar mundir að setja á innanlandsmarkað frostþurrkað wasab...

„Bjart fram undan og afurðaverð á uppleið“
Fréttir 24. maí 2024

„Bjart fram undan og afurðaverð á uppleið“

Jóhannes Geir Gunnarsson, bóndi á Efri-Fitjum í Vestur-Húnavatnssýslu, er bjarts...

Fóðra mjölorma til fóður- og matvælaframleiðslu
Fréttir 24. maí 2024

Fóðra mjölorma til fóður- og matvælaframleiðslu

Í samstarfsverkefni Matís og Landbúnaðarháskóla Íslands (LbhÍ) er unnið að því a...

Samdráttur samfélags
Fréttir 23. maí 2024

Samdráttur samfélags

Póstþjónusta landsmanna hefur verið hitamál svo lengi sem menn muna og ekki síst...

Fleiri kostir, meiri sveigjanleiki og bætt nýtni það sem koma skal
Fréttir 22. maí 2024

Fleiri kostir, meiri sveigjanleiki og bætt nýtni það sem koma skal

Út er komin skýrslan Bætt orkunýtni og ný tækifæri til orkuöflunar. Hún hefur að...

Bændur ársins í Norður-Þingeyjarsýslu
Fréttir 22. maí 2024

Bændur ársins í Norður-Þingeyjarsýslu

Ábúendurnir í Hafrafellstungu í Öxarfirði fengu nafnbótina Bændur ársins 2023 í ...

Mikilvægt að bæta merkingar fyrir neytendur
Fréttir 22. maí 2024

Mikilvægt að bæta merkingar fyrir neytendur

Herdís Magna Gunnarsdóttir, nautgripabóndi á Egilsstöðum og stjórnarmaður í Bænd...

Verður milliliður milli ræktenda og kornstöðva
Fréttir 22. maí 2024

Verður milliliður milli ræktenda og kornstöðva

Starfsemi Kornræktarfélags Suðurlands var endurvakin á fundi kornbænda í Gunnars...