Vinsamlegast athugið að þetta efni er eldra en 6 ára.
Skrifað undir samstarfssamninginn. Á myndinni eru f.v. Ragnar Magnússon, oddviti Hrunamannahrepps, Skafti Bjarnason, oddviti Skeiða- og Gnúpverjahrepps, Árni Eiríksson, oddviti Flóahrepps, Sveinn Runólfsson, landgræðslustjóri, Helgi Kjartansson, oddviti B
Skrifað undir samstarfssamninginn. Á myndinni eru f.v. Ragnar Magnússon, oddviti Hrunamannahrepps, Skafti Bjarnason, oddviti Skeiða- og Gnúpverjahrepps, Árni Eiríksson, oddviti Flóahrepps, Sveinn Runólfsson, landgræðslustjóri, Helgi Kjartansson, oddviti B
Mynd / ÁÞ
Fréttir 19. febrúar 2016

Bera seyru á lokaðan afrétt

Höfundur: Áskell Þórisson / Hörður Kristjánsson
Í fyrri viku var undirritaður samstarfssamningur Landgræðslu ríkisins og sveitarfélaga í uppsveitum Árnessýslu um nýtingu á seyru til landgræðslu og  áburðar á lokuðum afrétti. Samningurinn er til átta ára.
Er þetta gert í framhaldi af mjög góðum árangri Hrunamannahrepps í samvinnu við Landgræðsluna um nýtingu á seyru til landgræðslu. Sést árangurinn skýrt á þeim svæðum sem borið hefur verið á í samanburði við óáborin svæði. 
 
Vegna þessarar góðu reynslu, auk vandamála við losun seyrunnar, ákváðu nágrannasveitarfélög Hrunamanna að ganga til samstarfs og nýta alla seyru sveitarfélaganna til uppgræðslu. Sveitarfélögin sem um ræðir auk Hrunamannahrepps eru Bláskógarbyggð, Grímsnes- og Grafningshreppur, Skeiða- og Gnúpverjahreppur og Flóahreppur. Tæknisvið Uppsveita sem ofangreind sveitarfélög standa að var fengið til að hafa umsjón með verkinu.
 
Þetta samstarf hefur leitt af sér uppbyggingu móttökustöðvar fyrir seyru, þar sem hún er unnin með því að blanda með kalki. Blöndunin leiðir af sér að allar sóttkveikjur í seyrunni eyðast og til verður áburður sem nýta má til uppgræðslu.
 
Talsverð uppbygging hefur farið fram á móttökustöðinni, en steypt hafa verið plön undir vinnsluna svo kröfur um hreinleika standist. Enn er nokkur vinna eftir við svæðið en áhersla hefur verið lögð á að svæðið sé snyrtilegt. 
 
Eftir að seyran hefur verið blönduð og gerð að áburði er efninu safnað í gáma sem ekið er á afgirtan afrétt Landgræðslunnar og dreift þar. Landgræðslan fylgir verkefninu eftir og Tæknisvið Uppsveita sér um sýnatöku og að fylgja eftir að kröfur um starfsleyfi séu uppfylltar. Öll uppbygging verkefnisins hefur verið unnin í góðri samvinnu við Heilbrigðiseftirlit Suðurlands. 
 
Í samningum segir m.a. að sveitarfélögin safni seyru úr sveitarfélögum í samræmi við samninga við losunaraðila. Þar með talin er seyra frá þéttbýli, dreifbýli, sumarhúsum og eftir atvikum atvinnurekstri.
Landgræðslan leggur til ráðgjöf og fræ til sáningar á uppgræðslusvæðunum telji hún þess þörf. 
Svínaflensa í Rússlandi
Fréttir 27. september 2022

Svínaflensa í Rússlandi

Afríska svínaflensan greindist á stóru rússnesku svínabúi í lok sumars. ...

Hækkun upp á 35,5 prósent að meðaltali fyrir dilka yfir landið
Fréttir 30. ágúst 2022

Hækkun upp á 35,5 prósent að meðaltali fyrir dilka yfir landið

Uppfærslur á verðskrám sláturleyfishafa, vegna sauðfjárslátrunar 2022, halda áfr...

Fjár- og stóðréttir 2022
Fréttir 25. ágúst 2022

Fjár- og stóðréttir 2022

Fjár- og stóðréttir verða nú með hefðbundnum brag, en tvö síðustu haust hafa ver...

Riðuþolinn sauðfjárstofn verður ræktaður
Fréttir 7. júlí 2022

Riðuþolinn sauðfjárstofn verður ræktaður

Staðfest er að samtals 128 gripir bera annaðhvort ARR-arfgerð, sem er alþjóðlega...

Bændur borguðu 412 krónur með hverju kílói af framleiddu nautakjöti árið 2021
Fréttir 7. júlí 2022

Bændur borguðu 412 krónur með hverju kílói af framleiddu nautakjöti árið 2021

Afurðatekjur af nautaeldi mæta ekki framleiðslukostnaði og hafa ekki gert síðast...

Sláturfélag Vopnfirðinga boðar verulegar afurðaverðshækkanir
Fréttir 27. júní 2022

Sláturfélag Vopnfirðinga boðar verulegar afurðaverðshækkanir

Sláturfélag Vopnfirðinga boðar umtalsverðar hækkanir á afurðaverði til sauðfjárb...

„Viðnámsþróttur þjóða byggir á öflugri innlendri matvælaframleiðslu“
Fréttir 14. júní 2022

„Viðnámsþróttur þjóða byggir á öflugri innlendri matvælaframleiðslu“

Stjórn Bændasamtakana telur skýrslu og tillögur Spretthóps, sem lagaðar voru fyr...

Spretthópur leggur til 2,5 milljarða króna stuðning
Fréttir 14. júní 2022

Spretthópur leggur til 2,5 milljarða króna stuðning

Spretthópur, sem matvælaráðherra skipaði vegna alvarlegrar stöðu í matvælaframle...