Vinsamlegast athugið að þetta efni er eldra en 9 ára.
Bann við minkaeldi í Hollandi ólöglegt
Fréttir 22. maí 2014

Bann við minkaeldi í Hollandi ólöglegt

Höfundur: Freyr Rögnvaldsson

Bann við minkabúskap í Hollandi, sem átti að taka gildi árið 2024, var fellt úr gildi með úrskurði í undirrétti í Hollandi í gær. Bannið var samþykkt sem lög í hollenska þinginu í desember 2012 en dómstóllinn vísaði til Mannréttindasáttmála Evrópu í úrskurði sínum og lýsti bannið brot á stjórnarskrá.

Bann við minkaeldi sett á með þeim rökum að minkaskinn væru „óþarfa lúxus vara“. Hollenskum minkabændum voru ekki boðnar neinar bætur þrátt fyrir að með banninu yrðu þeir sviptir lífsviðurværi sínu. Slíkt er brot á Mannréttindasáttmálanum.

Úrskurður dómstólsins hefur vakið mikla ánægju hjá minkabændum í Hollandi, en ekki síður vítt og breitt um Evrópu. „Evrópskur skinnaiðnaður er afar ánægður með að mannréttindi séu eftir allt saman hærra sett en pólitísk hentistefna varðandi málefni eins og siðferði, sem fylgja einstaklingsbundnum skoðunum. Framleiðsla og notkun minkaskinna ætti að snúast um frelsi einstaklingsins. Það hníga engin rök að því að iðnaður sem er vel rekinn, sem gerir miklar kröfur um dýravelferð og aflar mikilla útflutningstekna sé eyðilagður með þessum hætti“, segir Kenneth Ingman, formaður Fur Europe, regnhlífasamtök evrópsks skinnaiðnaðar.

Úrskurðurinn mun líklega hafa alþjóðleg áhrif, en bann við minkaeldi hefur verið til umræðu víða. „Skilaboðin frá Hollandi eru augljóslega þau að þeir fáu stjórnmálamenn í Evrópu sem tala fyrir banni við minkaeldi ættu að hugsa sig tvisvar um“, segir Ingman.

„Við höfum alltaf trúað að við hefðum sterkt mál í höndunum og það gleður okkur að dómstóllinn hafi með skjótum hætti og afdráttarlaust úrskurðað bannið ólöglegt. Þetta er mikill léttir fyrir hollenska minkabændur sem aftur eru orðnir öruggir um lífsviðurværi sitt og geta nú snúið sé að hversdagslegum viðfangsefnum með fjölskyldum sínum,“ segir Wim Verhagen framkvæmdastjóri samtaka hollenskra minkabænda.

Holland er þriðji stærsti framleiðandi minkaskinna í heiminum, með ársframleiðslu upp á fimm milljónir skinna. Samkvæmt útreikningum KPMG er áætlað að bætur, sem greiða þyrfti hollenskum minkabændum ef iðnaðurinn yrði bannaður, næmu um 1,2 milljörðum evra.

 

Halla tekur upp Íslenskt staðfest
Fréttir 28. mars 2024

Halla tekur upp Íslenskt staðfest

Halla Sif Svansdóttir Hölludóttir, garðyrkjubóndi og eigandi Sólskins grænmetis ...

Uppfærsla á stefnumörkun Bændasamtaka Íslands
Fréttir 27. mars 2024

Uppfærsla á stefnumörkun Bændasamtaka Íslands

Fjölmörg mál voru til afgreiðslu á nýliðnu Búnaðarþingi 2024, úr fimm nefndum, s...

Endurnýting heimil til 1. nóvember 2025
Fréttir 27. mars 2024

Endurnýting heimil til 1. nóvember 2025

Matvælaráðuneytið hefur tilkynnt um frestun á gildistöku banns við endurnýtingu ...

Horfið frá framleiðslutengdum stuðningi
Fréttir 27. mars 2024

Horfið frá framleiðslutengdum stuðningi

Fyrirkomulag landbúnaðarstuðningskerfis á Íslandi mun taka miklum breytingum ef ...

Hyggur á slátrun í haust ef leyfi fæst
Fréttir 26. mars 2024

Hyggur á slátrun í haust ef leyfi fæst

Fyrrverandi sláturhússtjóri á Vopnafirði ætlar ekki að láta deigan síga þrátt fy...

Niðurskurði lokið á fé úr Blöndudal
Fréttir 26. mars 2024

Niðurskurði lokið á fé úr Blöndudal

Niðurskurður á sauðfé frá bæjunum Eiðsstöðum og Guðlaugsstöðum í Blöndudal fór f...

Kornræktarfélag gengur í endurnýjun lífdaga
Fréttir 26. mars 2024

Kornræktarfélag gengur í endurnýjun lífdaga

Kornræktarfélag Suðurlands verður endurvakið sem viðskiptavettvangur ræktenda og...

Grípa þarf tækifærin
Fréttir 26. mars 2024

Grípa þarf tækifærin

Forseti Íslands, Guðni Th. Jóhannesson, telur að bændur eigi að leyfa sér að hor...