Vinsamlegast athugið að þetta efni er eldra en 7 ára.
Svína- og kjúklingabændur óttast að mörg störf gætu tapast í innlendri kjötframleiðslu ef Ísland gefur eftir tugprósenta markaðshlutdeild í kjötafurðum.
Svína- og kjúklingabændur óttast að mörg störf gætu tapast í innlendri kjötframleiðslu ef Ísland gefur eftir tugprósenta markaðshlutdeild í kjötafurðum.
Mynd / Odd Stefán
Fréttir 1. september 2016

Bændur senda stjórnvöldum tóninn

Forystumenn svína- og kjúklingabænda gagnrýna stjórnvöld harðlega vegna ámælisverðra vinnubragða í samningum við Evrópusambandið um viðskipti með búvörur. Þeir hafa sent harðort bréf til allra þingmanna um tollamálin þar sem þeir fullyrða að ekki hafi verið gætt að íslenskum hagsmunum í samningnum. Þar hafi fyrst og fremst verið hugsað um hag innflutningsfyrirtækja á Íslandi.

Bréfið til þingmannanna hljóðar svo:

Ágætu þingmenn.

Í dag er á dagskrá Alþingis síðari umræða  um samning Íslands og Evrópusambandsins um viðskipti með landbúnaðarvörur. Á lokastigum umfjöllunar í atvinnuveganefndin voru gerðar athugasemdir við vinnu starfshóps sjávarútvegs- og landbúnaðarráðherra, um hvernig draga mætti úr neikvæðum áhrifum tollasamningsins við ESB. Af þessu tilefni er rétt að ítreka að Félag kjúklingabænda og Svínaræktarfélag Íslands töldu tillögur starfshópsins vera lágmarksaðgerðir til að styðja við innlendan landbúnað eftir að samningurinn við ESB tekur gildi. Íslensk stjórnvöld hafa skýr markmið um lyfjalausan landbúnað og í gangi er umfangsmikil vinna til að bæta aðbúnað dýra. Á sama tíma er opnað fyrir innflutning á vöru sem mætir ekki þessum kröfum. 

Vinna stjórnvalda við gerð tollasamningsins við Evrópusambandið er afar ámælisverð og er óhætt að segja að þar hafi ekki verið gætt að íslenskum hagsmunum, nema þá kannski sérhagsmunum innflutningsfyrirtækja á Íslandi. Utanríkisráðuneytið lét ekki gera neina greiningu á hagsmunum Íslands. Ekkert mat var lagt á það hvað gerast myndi ef Ísland gefur eftir tugprósenta markaðshlutdeild í kjötafurðum né heldur hversu mörg störf gætu tapast í innlendri framleiðslu. Það er einnig alvarlegt umhugsunarefni, hvort það teljist samræmast hagsmunum Íslands, að gerðir séu samningar við 500 milljón manna ríkjabandalag um viðskipti af þessu tagi.

Þá er einnig rétt að koma þeirri gagnrýni á framfæri að stjórnvöld höfðu ekkert samráð við svínabændur og kjúklingabændur við undirbúning samnings Íslands og Evrópusambandsins um viðskipti með landbúnaðarvörur. Það getur ekki talist vera eðlileg stjórnsýsla að gera samninga sem getað kollvarpað heilu atvinnugreinunum án nokkurs einasta samráðs.

Það bætir ekki úr að breytt sé niðurstöðu starfhóps ráðherra með tillögum sem mæta þörfum innflytjenda en ekki neytenda og bænda.“

Undir bréfið rita nöfn sín Ingimundur Bergmann, formaður Félags kjúklingabænda og Björgvin Jón Bjarnason, formaður Svínaræktarfélags Íslands. 

Aspir og wasabi ræktuð samhliða
Fréttir 24. maí 2024

Aspir og wasabi ræktuð samhliða

Nordic Wasabi er um þessar mundir að setja á innanlandsmarkað frostþurrkað wasab...

„Bjart fram undan og afurðaverð á uppleið“
Fréttir 24. maí 2024

„Bjart fram undan og afurðaverð á uppleið“

Jóhannes Geir Gunnarsson, bóndi á Efri-Fitjum í Vestur-Húnavatnssýslu, er bjarts...

Fóðra mjölorma til fóður- og matvælaframleiðslu
Fréttir 24. maí 2024

Fóðra mjölorma til fóður- og matvælaframleiðslu

Í samstarfsverkefni Matís og Landbúnaðarháskóla Íslands (LbhÍ) er unnið að því a...

Samdráttur samfélags
Fréttir 23. maí 2024

Samdráttur samfélags

Póstþjónusta landsmanna hefur verið hitamál svo lengi sem menn muna og ekki síst...

Fleiri kostir, meiri sveigjanleiki og bætt nýtni það sem koma skal
Fréttir 22. maí 2024

Fleiri kostir, meiri sveigjanleiki og bætt nýtni það sem koma skal

Út er komin skýrslan Bætt orkunýtni og ný tækifæri til orkuöflunar. Hún hefur að...

Bændur ársins í Norður-Þingeyjarsýslu
Fréttir 22. maí 2024

Bændur ársins í Norður-Þingeyjarsýslu

Ábúendurnir í Hafrafellstungu í Öxarfirði fengu nafnbótina Bændur ársins 2023 í ...

Mikilvægt að bæta merkingar fyrir neytendur
Fréttir 22. maí 2024

Mikilvægt að bæta merkingar fyrir neytendur

Herdís Magna Gunnarsdóttir, nautgripabóndi á Egilsstöðum og stjórnarmaður í Bænd...

Verður milliliður milli ræktenda og kornstöðva
Fréttir 22. maí 2024

Verður milliliður milli ræktenda og kornstöðva

Starfsemi Kornræktarfélags Suðurlands var endurvakin á fundi kornbænda í Gunnars...