Vinsamlegast athugið að þetta efni er eldra en 8 ára.
Austurlamb að hætta?
Fréttir 3. júlí 2014

Austurlamb að hætta?

Höfundur: Freyr Rögnvaldsson

Óvissa ríkir um áframhaldandi starfsemi Austurlambs ehf. sökum þess að ekki er lengur fyrir hendi vottuð kjötvinnsla á Austurlandi sem getur sinnt úrvinnslu afurða. Þá hefur umsjónarmaður verkefnisins ekki lengur tök á að sinna verkefninu vegna breyttra aðstæðna og ekki hefur verið fundinn annar í hans stað.

Austurlamb var stofnað árið 2007 og tók yfir söluverkefni sem sláturfélag Austurlands hafði sinnt, það er sala sauðfjárbænda á afurðum sínum beint til neytenda. Neytendur sem keypt hafa lambakjöt í gegnum Austurlamb hafa getað keypt upprunamerkt kjöt beint af framleiðendum á nokkrum bæjum á Austurlandi. Sex framleiðendur buðu lambakjöt til sölu síðasta haust en fleiri framleiðendur hafa í gegnum tíðina tekið þátt í verkefninu sem allt í allt hefur staðið í tæp tólf ár.

Sláturfélag Austurlands, sem rak kjötvinnsluna Snæfell á Egilsstöðum, var úrskurðað gjaldþrota síðasta haust og þar með var kjötvinnslunni lokað. Því er ekki lengur aðstaða til vinnslu og pökkunar á Héraði.
Aðalsteinn Jónsson í Klausturseli á Jökuldal er einn þeirra sem selt hafa kjöt í gegnum Austurlamb. Hann segir að ljóst sé að kalla þurfi saman félagsfund í sumar til að ákveða hvert framhaldið verði. Lokun Snæfells hafi ákveðin vandamál í för með sér. „Við getum auðvitað leyst þetta samt. Ég veit að einn aðili, sem reyndar var komin út úr þessu formlega samstarfi okkar, hefur fengið Norðlenska til að saga og pakka fyrir sig. Ég á fastlega von á því að Sláturfélag Vopnfirðinga myndi gera það líka ef í það færi en hluti af þeim bændum sem eru í verkefninu slátra þar en aðrir hjá Norðlenska á Vopnafirði.“

Hyggst kanna hug sinna viðskiptavina

Aðalsteinn hefur tekið þátt í Austurlambsverkefninu frá upphafi. Hann segir að ef verkefnið mynd detta upp fyrir þá myndi það ekki breyta afsetningu á hans afurðum. „Ég hef verið með innan við 10 prósent af framleiðslunni í þessu og get lagt inn allt hjá Norðlenska þannig að það mun ekki breyta miklu.“ Aðalsteinn segir að hann telji að um tíu prósent hærra verð hafi fengist fyrir lambsskrokkinn í gegnum Austurlamb heldur en fengist hafi fyrir hann á venjulegu afurðastöðvaverði og auk þess hafi fallið til afurðir sem ekki hafi farið í sölu. Það hafi því verið búbót en verkefnið hafi ekki vaxið með þeim krafti sem til hafi þurft svo að það hafi skipt sköpum í rekstri búsins. Aðalsteinn segir að hann muni hafa samband við sína viðskiptavini og kanna hug þeirra hvað varðar kaup á kjöti í haust, fari svo að ekki verði framhald á starfi Austurlambs.

Þorsteinn Bergsson á Unaósi er formaður stjórnar Austurlambs. Hann var staddur í erlendis og ekki náðist í hann við vinnslu fréttarinnar.

Svínaflensa í Rússlandi
Fréttir 27. september 2022

Svínaflensa í Rússlandi

Afríska svínaflensan greindist á stóru rússnesku svínabúi í lok sumars. ...

Hækkun upp á 35,5 prósent að meðaltali fyrir dilka yfir landið
Fréttir 30. ágúst 2022

Hækkun upp á 35,5 prósent að meðaltali fyrir dilka yfir landið

Uppfærslur á verðskrám sláturleyfishafa, vegna sauðfjárslátrunar 2022, halda áfr...

Fjár- og stóðréttir 2022
Fréttir 25. ágúst 2022

Fjár- og stóðréttir 2022

Fjár- og stóðréttir verða nú með hefðbundnum brag, en tvö síðustu haust hafa ver...

Riðuþolinn sauðfjárstofn verður ræktaður
Fréttir 7. júlí 2022

Riðuþolinn sauðfjárstofn verður ræktaður

Staðfest er að samtals 128 gripir bera annaðhvort ARR-arfgerð, sem er alþjóðlega...

Bændur borguðu 412 krónur með hverju kílói af framleiddu nautakjöti árið 2021
Fréttir 7. júlí 2022

Bændur borguðu 412 krónur með hverju kílói af framleiddu nautakjöti árið 2021

Afurðatekjur af nautaeldi mæta ekki framleiðslukostnaði og hafa ekki gert síðast...

Sláturfélag Vopnfirðinga boðar verulegar afurðaverðshækkanir
Fréttir 27. júní 2022

Sláturfélag Vopnfirðinga boðar verulegar afurðaverðshækkanir

Sláturfélag Vopnfirðinga boðar umtalsverðar hækkanir á afurðaverði til sauðfjárb...

„Viðnámsþróttur þjóða byggir á öflugri innlendri matvælaframleiðslu“
Fréttir 14. júní 2022

„Viðnámsþróttur þjóða byggir á öflugri innlendri matvælaframleiðslu“

Stjórn Bændasamtakana telur skýrslu og tillögur Spretthóps, sem lagaðar voru fyr...

Spretthópur leggur til 2,5 milljarða króna stuðning
Fréttir 14. júní 2022

Spretthópur leggur til 2,5 milljarða króna stuðning

Spretthópur, sem matvælaráðherra skipaði vegna alvarlegrar stöðu í matvælaframle...