Vinsamlegast athugið að þetta efni er eldra en 3 ára.
Ánægjuleg þróun
Lesendabásinn 18. janúar 2018

Ánægjuleg þróun

Höfundur: Ari Trausti Guðmundsson
Loftslags- og umhverfismál lita mjög nýjan ríkisstjórnarsamning. Á hann mun verulega reyna á þessum sviðum vegna þess hve heildarþróun veðurfars er alvarleg og afleiðingarnar þungbærar á heimsvísu.
 
Kolefnishlutlaust Ísland 2040 er bæði pólitískt og fræðilegt markmið. Það er sérlega metnaðarfullt. Um leið er það ekki geirneglt vegna þess að ársett markmið og fjármagnaðar og sérfræðilega færar leiðir eiga eftir að mótast að mestum hluta. Fyrstu skrefin verða tekin í fjárlögum fyrir 2018 og nýrri ríkisfjámálaáætlun til fimm ára.
 
Mikilvæg kolefnisbinding
 
Bindingin varðar m.a. aukna niðurdælingu koltvísýrings úr jarðhitaorkuverum en þó einkum frá orkufrekum iðnaði. Hún varðar þó einna mest uppgræðslu auðna neðan vissra hæðarmarka og viðgerðir á mikið rofnu gróðurlendi, tvö- til fjórföldun gróðursetningar í skógrækt, með birki og innfluttum trjátegundum. Hún er enn fremur háð endurheimt verulegs hluta af ónýttu en framræstu votlendi. Frumkvæði samtaka sauðfjárbænda með áætlun til sem mestrar kolefnisjöfnunar innan fimm ára er mjög þakkarvert. Slíkt metnaðarfullt verkefni á að eiga vísan stuðning hins opinbera með á því stendur, sbr. upphafsskref sem fram koma í stjórnarsamningnum. Ástæða er um leið að hvetja til öflugs framhalds stórra verkefna á borð við Bændur græða landið og vinnu skógarbænda.
 
Aukin samvinna
 
Stofna á og prófa samvinnu­vettvanginn Loftslagsráð á næstu misserum, skv. stjórnarsamningnum, og efla Loftslagssjóð sem uppsprettu góðra verka, með tekjum af svoköllum grænum gjöldum. Aukin samvinna Skógræktar, Landgræðslu, Bændasamtakanna, hagsmunafélaga og klasa annarra atvinnuvega, sveitarfélaga og samtaka áhugafólks hlýtur að vera eitt af lykilatriðum til árangurs. Sameiginleg, stutt ráðstefna þriggja fyrstnefndu aðilanna 5. desember sl., ber góðri og gleðilegri þróun vitni.
 
Grænna hagkerfi
 
Grænu gildin verða að ná djúpt inn í stefnumótun til áratuga, jafnt stjórvalda sem fulltrúa atvinnugreina. Þar stendur margt upp á sjálft hagkerfið, samgöngur og fleiri lykilþætti. Til dæmis duga ekki hagkvæmnissjónarmiðin ein eða einsýni á peningahagnað. Gróðinn, svo notað sé margþvælt hugtak, er mældur í lífsskilyrðum í fyrsta sæti en peningahagnaði í allt öðru sæti. Þríþætt sjálfbærni, bætt umhverfi og loftslagsviðmið eru löngu tímabær í hagsýslunni! Áhersla er einboðin á afmiðjun til mótvægis við samþjöppun innan atvinnuvega, á styttri flutningsleiðir og heimafengnar vörur, á öflugari byggðir utan mesta þéttbýlis, greitt samband um alnet og síma og á næga og örugga raforku. Þar koma við sögu staðbundnar og atvinnuvegabundnar landnýtingaráætlanir, auk heildarramma; allt í sæmilegri sátt. Að svo skrifuðu óska ég lesendum gæfu og gengis á nýju ári. 
 
Ari Trausti Guðmundsson,
þingmaður Vinstri hreyfingar­innar - græns framboðs.

Skylt efni: kolefnisjöfnun

Erfðabreytt búfé
Fréttir 6. desember 2021

Erfðabreytt búfé

Erfðafræðingar binda vonir við að með aðstoð erfðatækni megi koma í veg fyrir al...

Íbúar hópfjármagna byrjun framkvæmda
Fréttir 6. desember 2021

Íbúar hópfjármagna byrjun framkvæmda

„Undanfarin ár hefur sveitarstjórn Húnaþings vestra lagt áherslu á að framkvæmdu...

Óviðunandi vetrarþjónusta við vinsæla ferðamannastaði
Fréttir 6. desember 2021

Óviðunandi vetrarþjónusta við vinsæla ferðamannastaði

Það er til mikils að vinna að koma á bættri vetrarferðaþjónustu á Norðurlandi. E...

Erlendir ferðamenn hafa greitt um 30 milljónir fyrir ferðir um Vaðlaheiðargöng
Fréttir 6. desember 2021

Erlendir ferðamenn hafa greitt um 30 milljónir fyrir ferðir um Vaðlaheiðargöng

Erlendir ferðamenn sem farið hafa um Vaðlaheiðargöng á þessu ári hafa greitt fyr...

Nýtt 450 íbúða hverfi byggt í Þorlákshöfn
Fréttir 6. desember 2021

Nýtt 450 íbúða hverfi byggt í Þorlákshöfn

Framkvæmdir eru hafnar við uppbyggingu fyrsta áfanga Móabyggðar, nýs 450 íbúða h...

Rökstuddur grunur um blóðþorra
Fréttir 3. desember 2021

Rökstuddur grunur um blóðþorra

Veira sem getur valdið sjúkdómnum blóðþorra í laxi, Infectious salmon anaemia, h...

Nýsköpunar- og þróunarsetur verði byggt upp á Vesturlandi
Fréttir 3. desember 2021

Nýsköpunar- og þróunarsetur verði byggt upp á Vesturlandi

Landbúnaðarháskóli Íslands og Háskólinn á Bifröst hafa tekið höndum saman um að ...

Ísland er enn í sérflokki þegar kemur að lítilli notkun sýklalyfja í landbúnaði
Fréttir 3. desember 2021

Ísland er enn í sérflokki þegar kemur að lítilli notkun sýklalyfja í landbúnaði

Samkvæmt skýrslu European Medicine Agency, sem kom út í síðustu viku, er sýklaly...