Vinsamlegast athugið að þetta efni er eldra en 3 ára.
Ærlækur
Bærinn okkar 14. desember 2017

Ærlækur

Sveinn Aðalsteinsson og Sif Jóhannesdóttir eru leiguliðar á bænum Ærlæk til tveggja ára frá nóvember 2016. 
 
Býli:  Ærlækur.
 
Staðsett í sveit: Öxarfirði í Norður-Þingeyjarsýslu. 
 
Ábúendur: Við hjónin Sveinn Aðalsteinsson og Sif Jóhannesdóttir erum leiguliðar á bænum til tveggja ára frá nóvember 2016
 
Fjölskyldustærð (og gæludýra): Fjölskyldan og búseta hennar er fremur venju flókin. 
Fjölskyldan býr á tveimur stöðum, Sveinn og Þorsteinn sonur hans búa á Ærlæk í vetur ásamt föður Sifjar, Jóhannesi Óla. Sif og sonur okkar, Jóhannes Óli yngri, búa að jafnaði á Húsavík, en koma í sveitina hvenær sem færi gefst. 
 
Bræður hafa haft vistaskipti en síðasta vetur bjó Þorsteinn á Húsavík en Jóhannes Óli á Ærlæk. Þar að auki eigum við þrjú uppkomin börn sem öll búa á Akureyri og stunda þar nám. Gæludýrin eru tvö; kötturinn Kolur á Húsavík og eins árs gömul gömul Border Collie-tík sem býr á Ærlæk og heitir Píla.
 
Stærð jarðar?  Um 700 ha.
 
Gerð bús? Sauðfjárbú.
 
Fjöldi búfjár og tegundir? 530 vetrarfóðraðar ær, 15 endur og 7 hross.
Hvernig gengur hefðbundinn vinnudagur fyrir sig á bænum? Hefðbundinn dagur í desember þegar allt er komið á hús og fengitíð ekki byrjuð er frekar einfaldur og þægilegur. Morgungjöf kl. 8, bæta á eldinn í reykhúsinu og svo stússast við frágang eftir rúning og undirbúning fyrir fengitíð. Seinnipartsgjöf eftir kl. 16.
 
Skemmtilegustu/leiðinlegustu bústörfin? Vorverk á sauðburði eru alla jafna skemmtilegust þegar vel gengur og veðrið er þokkalegt. Smölun og réttir eru líka frábær skemmtun í góðu veðri og góðum félagsskap. Leiðinlegast er að þurfa að berjast um í slyddu og djöfulskap, sama á hvaða árstíma. Það gerir öll bústörf leiðinleg.
 
Hvernig sjáið þið búskapinn fyrir ykkur á jörðinni eftir fimm ár? Ærlækur er jörð sem hefur allt til að bera sem hægt væri að hugsa sér til að stunda búskap. Af því leiðir að þeim sem býr þar eru allir vegir færir.  
 
Hvaða skoðun hafið þið á félagsmálum bænda? Við þekkjum of lítið til félagsmála bænda til að hafa mótað sterkar skoðanir á þeim.
 
Hvernig mun íslenskum landbúnaði vegna í framtíðinni? Einfalda svarið er vel. Það liggur fyrir að starfsumhverfi er að breytast og óvissa er um framhald og það hvernig raunveruleika landbúnaður mun búa við, sérstaklega í sauðfjárrækt. Þeim sem ná að laga sig að breyttum aðstæðum og starfsumhverfi með hökuna uppi og hugmyndaflug til að nýta möguleikana á eftir að vegna vel.
 
Hvar teljið þið að helstu tækifærin séu í útflutningi íslenskra búvara?  Ef útflutningur á að vera mögulegur, verður hann að vera á mörkuðum þar sem kúnninn er til í að borga fyrir vöru vegna uppruna og aðferða við framleiðslu. Sérvara í „litlu magni“ á háu verði. Magnútflutningur á lágvörumarkað er glórulaus hugmynd.
 
Hvað er alltaf til í ísskápnum? Nýmjólk, án hennar er hungursneyð yfirvofandi.
 
Hver er vinsælasti maturinn á heimilinu? Heimagerð bjúgu Sveins bónda hafa gengið hvað best í mannskapinn.
 
Eftirminnilegasta atvikið við bústörfin? Á okkar stutta búskapartíma hefur margt eftirminnilegt gerst og vafalítið á hver fjölskyldumeðlimur sitt eigið eftirminnilegasta atvik. Sveinn fær að eiga svarið við þessari spurningu: „Þegar við Sif unnum verkefni í fæðingarhjálp saman sem kröfðust lagni og afls. Sif lagði til lagni, ég afl. Eftirminnilegust eru slík tilvik þar sem lömb og mæður lifðu og döfnuðu.“
Rökstuddur grunur um blóðþorra
Fréttir 3. desember 2021

Rökstuddur grunur um blóðþorra

Veira sem getur valdið sjúkdómnum blóðþorra í laxi, Infectious salmon anaemia, h...

Nýsköpunar- og þróunarsetur verði byggt upp á Vesturlandi
Fréttir 3. desember 2021

Nýsköpunar- og þróunarsetur verði byggt upp á Vesturlandi

Landbúnaðarháskóli Íslands og Háskólinn á Bifröst hafa tekið höndum saman um að ...

Ísland er enn í sérflokki þegar kemur að lítilli notkun sýklalyfja í landbúnaði
Fréttir 3. desember 2021

Ísland er enn í sérflokki þegar kemur að lítilli notkun sýklalyfja í landbúnaði

Samkvæmt skýrslu European Medicine Agency, sem kom út í síðustu viku, er sýklaly...

Landselastofninn við sögulegt lágmark
Fréttir 3. desember 2021

Landselastofninn við sögulegt lágmark

Hafrannsóknastofnun leggur til að beinar veiðar á landsel verði áfram takmarkaða...

Innflutningur á dönskum jólatrjám dregst saman en sala íslenskra eykst
Fréttir 2. desember 2021

Innflutningur á dönskum jólatrjám dregst saman en sala íslenskra eykst

Fyrsta helgin í sölu íslenskra jólatrjáa er nú fram undan í íslenskum jólaskógum...

Fjármálaráðherra vill skoða kaup á Hótel Sögu
Fréttir 2. desember 2021

Fjármálaráðherra vill skoða kaup á Hótel Sögu

Í frumvarpi fjármálaráðherra til fjárlaga fyrir árið 2020 er lagt til að skoða m...

Sauðfjárbændum hefur fækkað um ríflega þriðjung á 40 árum
Fréttir 2. desember 2021

Sauðfjárbændum hefur fækkað um ríflega þriðjung á 40 árum

Á síðasta ári voru sauðfjárbændur í landinu 2.078 samkvæmt haustskýrslum og höfð...

Sóknarmöguleikar sem verðskulda athygli og uppbyggingu
Fréttir 2. desember 2021

Sóknarmöguleikar sem verðskulda athygli og uppbyggingu

„Mér finnst ég standa inni í málaflokki sem er bæði tengdur sterkt inn í fortíð ...