Vinsamlegast athugið að þetta efni er eldra en 9 ára.
Aðeins sótt um hluta af tollkvóta fyrir nautakjöt
Fréttir 18. júní 2014

Aðeins sótt um hluta af tollkvóta fyrir nautakjöt

Höfundur: Freyr Rögnvaldsson

Atvinnuvega- og nýsköpunarráðuneytið hefur úthlutað svonefndum WTO-tollkvótum fyrir tímabilið júlí 2014 til júní 2015. Ekki kom til útboðs á tollkvótum fyrir nautakjöt þar eð umsóknir náðu ekki því magni sem í boði var og fengu þeir aðilar sem sóttu um tollkvóta honum því úthlutað án þess að þurfa að greiða fyrir. Það vekur athygli í ljósi þess að viðvarandi skortur hefur verið á nautakjöti á íslenskum markaði.

Skýringin á því er talin vera sú að frá 28. febrúar síðastliðnum hefur tollkvóti fyrir nautakjöt verið opinn og gildir sú heimild til loka september næstkomandi. Sú ákvörðun var tekinn af ráðherra að fenginni tillögu ráðgjafarnefndar um inn- og útflutning landbúnaðarvara en nefndin gerði þá tillögu vegna skorts á nautakjöti. Einungis var úthlutað tollkvóta sem gildir fyrir rúm 37 tonn en í boði voru 95 tonn. Þess ber að geta að tollar á nautakjöt sem flutt er inn með umræddum opnum tollkvótum eru lægri en þeir tollar sem greiða þarf þegar það er flutt inn á WTO-tollkvótum.

Auk nautkjöts var úthlutað tollkvótum vegna innflutnings á svína-, kinda-, geita- og alifuglakjöti, unnum kjötvörum, smjöri og ostum. Ekki kom heldur til útboðs á tollkvótum á svína-, kinda- eða geitakjöti þar eð umsóknir náðu ekki því magni sem í boði var. Samtals bárust umsóknir frá sextán aðilum og töldust þrettán þeirra gild. Umsvifamest þeirra aðila sem óskuðu eftir tollkvótum að þessu sinni var fyrirtækið Innnes, sem fékk úthlutað tollkvótum í öllum vöruflokkum.

Samtals var úthlutað tollkvóta fyrir rúm 58 tonn af svínakjöti og 70 tonnum af kinda- eða geitakjöti. Þá var úthlutað tollkvóta fyrir 59 tonn af alifuglakjöti á meðalverðinu 357 krónur kílóið, fyrir 86 tonn af unnum kjötvörum á 99 krónur kílóið, fyrir 119 tonn af ostum á 206 krónur kílóið og 53 tonn af smjöri á 1 krónu kílóið.

Aspir og wasabi ræktuð samhliða
Fréttir 24. maí 2024

Aspir og wasabi ræktuð samhliða

Nordic Wasabi er um þessar mundir að setja á innanlandsmarkað frostþurrkað wasab...

„Bjart fram undan og afurðaverð á uppleið“
Fréttir 24. maí 2024

„Bjart fram undan og afurðaverð á uppleið“

Jóhannes Geir Gunnarsson, bóndi á Efri-Fitjum í Vestur-Húnavatnssýslu, er bjarts...

Fóðra mjölorma til fóður- og matvælaframleiðslu
Fréttir 24. maí 2024

Fóðra mjölorma til fóður- og matvælaframleiðslu

Í samstarfsverkefni Matís og Landbúnaðarháskóla Íslands (LbhÍ) er unnið að því a...

Samdráttur samfélags
Fréttir 23. maí 2024

Samdráttur samfélags

Póstþjónusta landsmanna hefur verið hitamál svo lengi sem menn muna og ekki síst...

Fleiri kostir, meiri sveigjanleiki og bætt nýtni það sem koma skal
Fréttir 22. maí 2024

Fleiri kostir, meiri sveigjanleiki og bætt nýtni það sem koma skal

Út er komin skýrslan Bætt orkunýtni og ný tækifæri til orkuöflunar. Hún hefur að...

Bændur ársins í Norður-Þingeyjarsýslu
Fréttir 22. maí 2024

Bændur ársins í Norður-Þingeyjarsýslu

Ábúendurnir í Hafrafellstungu í Öxarfirði fengu nafnbótina Bændur ársins 2023 í ...

Mikilvægt að bæta merkingar fyrir neytendur
Fréttir 22. maí 2024

Mikilvægt að bæta merkingar fyrir neytendur

Herdís Magna Gunnarsdóttir, nautgripabóndi á Egilsstöðum og stjórnarmaður í Bænd...

Verður milliliður milli ræktenda og kornstöðva
Fréttir 22. maí 2024

Verður milliliður milli ræktenda og kornstöðva

Starfsemi Kornræktarfélags Suðurlands var endurvakin á fundi kornbænda í Gunnars...