Vinsamlegast athugið að þetta efni er eldra en 5 ára.
Eliza Reid forsetafrú afhenti verðlaun fyrir þjóðlega rétti. Hér afhendir hún Jóhönnu Maríu Sigmundsdóttur verðlaun fyrir vinsælasta réttinn í netkosningu.
Eliza Reid forsetafrú afhenti verðlaun fyrir þjóðlega rétti. Hér afhendir hún Jóhönnu Maríu Sigmundsdóttur verðlaun fyrir vinsælasta réttinn í netkosningu.
Mynd / TB
Fréttir 30. maí 2018

107 uppskriftir bárust í keppni um þjóðlega rétti

Höfundur: Tjörvi Bjarnason

Harðfisksúpa var hlutskörpust í vali í hugmyndasamkeppninni „Þjóðlegir réttir á okkar veg“ sem Matarauður Íslands stóð fyrir á dögunum. Eliza Reid forsetafrú afhenti verðlaun til þátttakenda á uppskeruhátíð sem haldin var í nýjum húsakynnum Mathallarinnar á Granda á mánudaginn var. Gestum bauðst að smakka á réttunum sem voru hver öðrum betri. Veitingastaðir um allt land munu á næstunni velja einn rétt til þess að setja á matseðilinn hjá sér.

Alls bárust 107 hugmyndir og uppskriftir af þjóðlegum réttum en keppnin var opin og öllum frjálst að senda inn tillögur. Það gætti ýmissa grasa, allt frá njólasúpu, grasystingi og grjúpáni í skemmtilega útfærða samtímarétti. Algengustu hugmyndirnar án uppskriftar voru kótelettur í raspi, plokkfiskur og útgáfur af lúxuspylsum, ýmist með fiski eða kjöti.

Nemendur í Hótel- og veitingaskólanum útfærðu hugmyndirnar í samvinnu við sína kennara. Dómnefnd mat svo árangurinn en efstu 5 vinningshafarnir fengu veglegar matarkörfur ásamt því sem vinsælasti rétturinn í netkosningu fékk verðlaun.

Vinningshafar í hugmyndasamkeppninni Þjóðlegir réttir á okkar veg voru:

1. sæti. Harðfisksúpa. Baldur Garðarsson

2. sæti. Íslenskt ramen, rófunúðlukjötsúpa. Hafliði Sævarsson.

3. sæti. Brauðsúpa. Anna Lára Pálsdóttir.

4. sæti. Rófugrautur. Helga Jóna Þorkelsdóttir.

5. sæti. Nesti smaladrengsins. Hafsteinn Hjartarson.

Vinsælasti rétturinn samkvæmt netkosningu var Fjallagrasa-brulee sem kúabóndinn og fyrrum þingmaðurinn, Jóhanna María Sigmundsdóttir, átti heiðurinn af.

Vinningar voru ekki af verri endanum, stútfullar gjafakörfur af matvörum frá Beint frá býli, Mjólkursamsölunni og flugmiði frá Air Iceland Connect fyrir fyrsta sætið.

Samhliða söfnun uppskrifta óskaði Matarauður Íslands eftir skriflegum matarminningum. Þær er hægt að senda áfram inn í gegnum vefsíðuna mataraudur.is.

24 myndir:

Halla tekur upp Íslenskt staðfest
Fréttir 28. mars 2024

Halla tekur upp Íslenskt staðfest

Halla Sif Svansdóttir Hölludóttir, garðyrkjubóndi og eigandi Sólskins grænmetis ...

Uppfærsla á stefnumörkun Bændasamtaka Íslands
Fréttir 27. mars 2024

Uppfærsla á stefnumörkun Bændasamtaka Íslands

Fjölmörg mál voru til afgreiðslu á nýliðnu Búnaðarþingi 2024, úr fimm nefndum, s...

Endurnýting heimil til 1. nóvember 2025
Fréttir 27. mars 2024

Endurnýting heimil til 1. nóvember 2025

Matvælaráðuneytið hefur tilkynnt um frestun á gildistöku banns við endurnýtingu ...

Horfið frá framleiðslutengdum stuðningi
Fréttir 27. mars 2024

Horfið frá framleiðslutengdum stuðningi

Fyrirkomulag landbúnaðarstuðningskerfis á Íslandi mun taka miklum breytingum ef ...

Hyggur á slátrun í haust ef leyfi fæst
Fréttir 26. mars 2024

Hyggur á slátrun í haust ef leyfi fæst

Fyrrverandi sláturhússtjóri á Vopnafirði ætlar ekki að láta deigan síga þrátt fy...

Niðurskurði lokið á fé úr Blöndudal
Fréttir 26. mars 2024

Niðurskurði lokið á fé úr Blöndudal

Niðurskurður á sauðfé frá bæjunum Eiðsstöðum og Guðlaugsstöðum í Blöndudal fór f...

Kornræktarfélag gengur í endurnýjun lífdaga
Fréttir 26. mars 2024

Kornræktarfélag gengur í endurnýjun lífdaga

Kornræktarfélag Suðurlands verður endurvakið sem viðskiptavettvangur ræktenda og...

Grípa þarf tækifærin
Fréttir 26. mars 2024

Grípa þarf tækifærin

Forseti Íslands, Guðni Th. Jóhannesson, telur að bændur eigi að leyfa sér að hor...