Vinsamlegast athugið að þetta efni er eldra en 2 ára.
Lífræni úrgangurinn fer í gegnum hakkavél og blandast í framhaldinu við stoðefni, sem er að langmestu leyti timburkurl úr úrgangstimbri sem fellur til í Eyjarfirði. Auk timburkurls er pappír úr grenndargámum á Akureyri blandað saman við og er tætt á staðnum.
Lífræni úrgangurinn fer í gegnum hakkavél og blandast í framhaldinu við stoðefni, sem er að langmestu leyti timburkurl úr úrgangstimbri sem fellur til í Eyjarfirði. Auk timburkurls er pappír úr grenndargámum á Akureyri blandað saman við og er tætt á staðnum.
Mynd / MÞÞ
Líf og starf 1. febrúar 2022

Urðun á lífrænum úrgangi verður bönnuð á næsta ári

Höfundur: Margrét Þóra Þórsdóttir

„Meðhöndlun lífræns úrgangs, líkt og gert er í Moltu, skilar miklum umhverfisávinningi þar sem losun gróðurhúsalofttegunda af lífrænum úrgangi minnkar umtalsvert samanborið við hefðbundna urðun. Fyrir hvert kíló af matarleifum sem fara í jarðvegsgerð minnkar losun á CO2 út í andrúmsloftið um rúmlega eitt kíló,“ segir í frétt á vefsíðu Vistorku.

Þar segir að þrátt fyrir að rúmur áratugur sé liðinn frá því Akureyringar og nærsveitungar þeirra hófust handa við að flokka matarleifar sé nauðsynlegt að halda áfram á lofti upplýstri umræðu um mikilvægi þessarar loftslagsaðgerðar, enda ekki víst að bæjarbúar átti sig á hversu mikilvægt það er fyrir umhverfið að flokka allar matarleifar í stað þess að urða það með almennu sorpi.

Þá er einnig ljóst að mörg heimili á Akureyri og nágrenni flokka ekki lífrænan úrgang og því sé ljóst að hægt sé að bæta sig á því sviði. „Þú ert orkugjafi“ er heiti á átaki sem Akureyrarbær, Vistorka og Molta standa sameiginlega að og er ætlað að minna á mikilvægi þess að flokka matarleifar rétt og búa þannig til orku.

Ávinningur af réttri flokkun fyrir samfélagið sé ótvíræður. Áhrif jarðgerðar hjá félaginu Moltu á kolefnisbókhald Íslands felst í því, að í stað þess að urða lífrænan úrgang þar sem myndast metan verði til koltvísýringur en metan er 25-30 sinnum öflugri gróðurhúsalofttegund en koltvísýringur. Loftslagsávinningur jarðgerðar Moltu, borið saman við urðun, er um 10.000 tonn af koltvísýringi á hverju ári, eða sem jafngildir árlegum útblæstri um 4.000 fólksbíla.

Umhverfisávinningurinn er ekki eina markmið jarðgerðarstöðvarinnar. Líkt og nafnið gefur til kynna er þar framleidd molta sem er góður jarðvegsbætir og hægt að nýta með ýmsum hætti. „Mikilvægt er að allar matarleifar skili sér í jarðgerð því rétt meðhöndlun á lífrænum úrgangi er alvöru loftslagsaðgerð.“

Ný lög um úrgang og skattur á almennt sorp

Í janúar á næsta ári, 2023, taka gildi lög um bann við urðun á lífrænum úrgangi.

„Það er því ekki lengur spurning um hvort allir landsmenn, fyrirtæki og stofnanir taki þátt í að flokka lífrænt sorp, heldur hvenær það gerist,“ segir á vefsíðu Vistorku.
Til mikils sé því að vinna og mikilvægt að heimili, fyrirtæki og veitingahús, svo dæmi sé tekið, hefjist handa við að flokka sérstaklega lífrænan úrgang. Í janúar 2023 mun einnig koma til skattur á almennt sorp sem endar á urðunarstað. Rétt flokkun á úrgangi mun því skipta heimili og fyrirtæki miklu máli; hvort sem er efnahagslega eða umhverfislega.

Gæta vel að hvað fer í körfuna

Bent er á að gæta þurfi vel að því sem fer í grænu körfuna/brúnu tunnuna þar sem aðskotahlutir eins og málmar og plast geta skemmt vélbúnað Moltu og dregið úr gæðum moltunnar sem jarðvegsbæti.

Moltan er nýtt af einstaklingum, sveitarfélögum og opinberum stofnunum, meðal annars í Lystigarðinum og á golfvellinum á Akureyri og til uppgræðslu á Glerárdal og Hólasandi. Að hluta til kemur moltan í stað tilbúins innflutts áburðar sem eykur enn á umhverfisávinning starfseminnar. Moltan er aðgengileg öllum bæjarbúum Akureyrar þeim að kostnaðarlausu. 

Mannlíf á Búnaðarþingi
Líf og starf 25. mars 2024

Mannlíf á Búnaðarþingi

Æðsta samkoma Bændasamtaka Íslands er Búnaðarþing. Í ár stóð það yfir frá fimmtu...

Stjörnuspá 21. mars - 11.  apríl
Líf og starf 21. mars 2024

Stjörnuspá 21. mars - 11. apríl

Vatnsberinn hefur lengi verið að velta því fyrir sér að flytja sig um set og jaf...

Félagsskapur eldri borgara
Líf og starf 19. mars 2024

Félagsskapur eldri borgara

Stofnfundur Félags eldri borgara í Hvalfjarðarsveit var haldinn sunnudaginn 11. ...

Áframhaldandi búseta talin möguleg
Líf og starf 13. mars 2024

Áframhaldandi búseta talin möguleg

Við Langanesströnd sem liggur að botni Bakkaflóa stendur Bakkafjörður ásamt bæði...

Kirkjugarðsklúbburinn
Líf og starf 12. mars 2024

Kirkjugarðsklúbburinn

Halaleikhópurinn víðfrægi tók að sér verkið Kirkjugarðsklúbbinn eftir Ivan Mench...

Bændamótmæli á Íslandi?
Líf og starf 11. mars 2024

Bændamótmæli á Íslandi?

Mótmæli bænda í Evrópu hafa verið í fréttum undanfarin misseri þar sem þeir vald...

Stjörnuspá 7. mars - 21. mars
Líf og starf 8. mars 2024

Stjörnuspá 7. mars - 21. mars

Vatnsberinn hefur alla burði til þess að koma í framkvæmd þeim hugmyndum sem eru...

Lundi
Líf og starf 6. mars 2024

Lundi

Lundi er algengasti fuglinn okkar og jafnframt einn af okkar einkennisfuglum. Ha...