Þeir skora sem þora!
Hart var barist fram á síðasta spil og úrslit tvísýn í viðureign Vestra gegn Kjörís í síðustu umferð bikarkeppni Bridgesambands Íslands. Kjörís átti sautján impa til góða eftir fyrstu 20 spilin. Björn Þorláksson. Vestri náði fjögurra impa forskoti er tíu spilum var ólokið. Þegar upp var staðið réðust úrslit í einu síðasta spilinu, hvort Hlynur Angantýsson í sveit Vestra næði að landa ævintýralegum samningi gegn öllum líkum.
Í lokaða salnum létu AV sér duga að spila geim í gröndum í spili dagsins, sjá stöðumynd, og skrifuðu 430 sæmilega sáttir að hafa ekki farið sér að voða.
En þar sem Kristján Þorsteinsson og Páll Þórsson sátu NS fyrir Kjörís en fyrrnefndur Hlynur og Karl Grétar Karlsson fyrir Vestra gekk meira á. Hlynur sat með ofurspilin, 26 klettaða og klettaðan sexlit. Hann opnaði á 2 laufum en einhver misskilningur varð eftir 3ja tígla sögn makkers og hann stökk í laufslemmuna í þeirri trú að makker ætti eitthvað.
Kristján í Kjörís gerði vel með því að spila út trompi sem gaf sagnhafa ekkert. Hlynur lagðist undir feld og sá að hjartakóngur yrði að vera réttur og hjartað mátti ekki liggja í hel. Þá væri betra ef trompið lægi 2-2 og þá var eftir að finna spaðann ef það var hægt.
Tíguldrottning önnur var líka smáséns og Hlynur drap heima og tók tvo efstu í tígli, en ekki lét drottningin sjá sig. Fór næst inn í blindan á tromptíuna og sá að trompið var 2-2. Svínaði hjarta, sem gekk. Tók hjartaás, trompaði hjarta, spilaði spaðagosa, Páll dúkkaði réttilega, en sagnhafi hitti á að setja lítið sem kostaði ásinn.
12 slagir og ævintýralegur endir.
Ef slemman hefði tapast, ætli hún sé ekki nálægt 20 prósentum, hefði Kjörís farið áfram en þeir skora sem þora. Stundum!
Umsjón: Björn Þorláksson
bjornthorlaksson[hjá]gmail.com
