Þakklátir að Íslendingar nenna á tónleika með okkur
Líf og starf 21. júlí 2021

Þakklátir að Íslendingar nenna á tónleika með okkur

Höfundur: Margrét Þóra Þórsdóttir

„Við erum afskaplega þakklátir Íslendingum fyrir að nenna að koma á tónleika með okkur,“ segir Jógvan Hansen sem ásamt félaga sínum, Friðriki Ómari Hjörleifssyni hafa verið á flakki um landið síðustu vikur. Yfirskrift tónleikaferðar þeirra er Sveitalíf ll, en í fyrra hófu þeir ferðalag um landið með yfirskriftinni Sveitalíf sem uppsveifla Kórónuveirunnar á miðju sumri batt enda á.

„Við gefumst aldrei upp, erum ævintýramenn og höfum gaman af þessu svo við ákváðum að reyna aftur núna í sumar. Það hefur gengið glimrandi vel,“ segir Jógvan. Alls verða tónleikarnir í sumar 27 talsins, en 7 eru eftir, hér og hvar á Snæfellsnesi og Vesturlandi en sá síðasti er í gamla heimabæ Friðriks Ómars, Dalvík.

Eiga samleið með fólki á litlu stöðunum

„Við settum túrinn þannig upp að við heimsækjum lítil byggðalög, leigum félagsheimili hingað og þangað en flest utan alfararleiðar. Við eigum báðir rætur í litlum þorpum, í sannkölluðu dreifbýli og finnum mikinn samhljóm með fólki á þeim stöðum,“ segir Jógvan. Viðtökur hafa verið góðar og gestir þakklátir fyrir skemmtunina, en hann segir að efnisskráin byggist upp á gömlu góðu lögunum sem flestir þekkja í bland við nýrri og þeirra eigin lög. Þeir spjalli gjarnan á léttu nótunum á milli laga, „allar sögurnar sem við segjum er sannar, en vera má að á stöku stað ýkjum við örlítið, svona upp á skemmtanagildið.“

Jógvan Hansen og Friðrik Ómar Hjörleifsson. 

Bolirnir seljast eins og heitar vöfflur

Jógvan fékk þá snilldarhugmynd að láta prenta á boli fyrir ferðina og selja landsmönnum að loknum tónleikum. Friðrik Ómar var ekki eins hrifinn af hugmyndinni en niðurstaðan var að prófa frekar pent með 100 boli í farteskinu. Skemmst er frá því að segja að lagerinn seldist upp á augabragði. Þá voru pantaðir 800 bolir til viðbótar og gengur salan sérlega vel. Á bolunum stendur; Ég er sveitalubbi.  „Þessi bolir hafa selst eins og heitar vöfflur,“ segir hann. „Áletrunin held ég að höfði til Íslendinga sem flestir hverjir geta rakið ættir sínar inn til einhverra dala.“

Bændur í Bónorðsför
Líf og starf 26. júlí 2021

Bændur í Bónorðsför

Þýska sjónvarpsstöðin RTL heldur um taumana á einum ástsælasta raunveruleikaþætt...

Fjölbreytt sambland af dýra­um­hirðu og kennslu ólíkra listforma
Líf og starf 23. júlí 2021

Fjölbreytt sambland af dýra­um­hirðu og kennslu ólíkra listforma

Sóldís Einarsdóttir, myndlistarkennari, hestakona, hundaþjálfari og hundasnyrtir...

Listi yfir prjónaband
Líf og starf 22. júlí 2021

Listi yfir prjónaband

Áhugi fólks á að prjóna og hekla er gríðarlegur og úrvalið af bandi sömuleiðis m...

Buðu hestamönnum í saltkjötsveislu
Líf og starf 22. júlí 2021

Buðu hestamönnum í saltkjötsveislu

Um hundrað manns mættu til veisluhalda á Króksstöðum í Eyjafjarðarsveit á dögunu...

Spil sem miðlar þekkingu um plöntur
Líf og starf 22. júlí 2021

Spil sem miðlar þekkingu um plöntur

Flóruspilið gengur út á að læra að þekkja algengar íslenskar plöntutegundir. Sto...

Lífsstílslitaðar tískubylgjur eða fordæmi komandi kynslóða?
Líf og starf 22. júlí 2021

Lífsstílslitaðar tískubylgjur eða fordæmi komandi kynslóða?

Með flokkun, moltugerð og almennri meðvitund þegar kemur að því að bjarga heimin...

Gersemar sendar til varðveislu
Líf og starf 22. júlí 2021

Gersemar sendar til varðveislu

Gersemar og gögn úr geymslu Bændasamtakanna send í varðveislu – níu bretti til Þ...

Hraða gerð deiliskipulags vegna nýrra lóða í haust
Líf og starf 21. júlí 2021

Hraða gerð deiliskipulags vegna nýrra lóða í haust

Mikil eftirspurn er eftir lóðum í Varmahlíð í Skagafirði. Þrjár lóðir voru auglý...